Road Accident: ୫୦୦ ମିଟର ଗଭୀର ଖାଲ ଭିତରକୁ ଖସି ପଡ଼ିଲା କାର୍; ୬ ମୃତ୍ୟୁ
Road Accident: ଆଶ୍ଚର୍ଯ୍ୟର କଥା, ହେଉଛି ଯେ ଏହି ଘଟଣା ମଙ୍ଗଳବାର ଦିନ ରାତିରେ ଘଟିଥିଲା କିନ୍ତୁ ବୁଧବାର ସନ୍ଧ୍ୟାରେ ସଡ଼କ ଦୁର୍ଘଟଣା ଖବର ସେତେବେଳେ ସାମ୍ନାକୁ ଆସିଥିଲା,ଯେତେବେଳେ ସେହି ବାଟ ଦେଇ ଯାଉଥିବା ଜଣେ ଯାତ୍ରୀ କାରଟି ଗଭୀର ଖାଲରେ ଖସିପଡିଥିବାର ଦେଖିଥିଲେ।
Road Accident: ଉତ୍ତରାଖଣ୍ଡରେ ଏକ ବଡ଼ ଦୁର୍ଘଟଣା ଘଟିଛି। ଏଠାରେ ଏକ କାର ପ୍ରାୟ ୫୦୦ ମିଟର ଗଭୀର ଏକ ଖାଲରେ ଖସିପଡିଥିଲା। ଏହି ଦୁର୍ଘଟଣାରେ ୬ ଜଣଙ୍କର ମୃତ୍ୟୁ ହୋଇଛି। ଏହି କାର ତେହେରୀ ଗରୱାଲ ଜିଲ୍ଲାର ଯମୁନା ବ୍ରିଜ ନିକଟରେ ଥିବା ଏକ ଖାଲରେ ପଡ଼ିଥିବା ଜଣା ପଡିଛି। ଏହି କାରଟି ଉତ୍ତରକାଶୀରୁ ଦେହରାଡୁନ୍ ଯିବାବେଳେ ଏକ ଦୁର୍ଘଟଣାର ସମ୍ମୁଖୀନ ହୋଇଥିଲା। କେମିଟି ପୋଲିସ ଷ୍ଟେସନ ଅଧୀନରେ ଏହି ଦୁର୍ଘଟଣା ଘଟିଛି। ଏକ ଆଶ୍ଚର୍ଯ୍ୟଜନକ କଥା ହେଉଛି ମଙ୍ଗଳବାର ଦିନ ରାତିରେ ଏହି ଘଟଣା ଘଟିଥିଲା କିନ୍ତୁ ବୁଧବାର ଦିନ ସନ୍ଧ୍ୟାରେ ସଡ଼କ ଦୁର୍ଘଟଣା ଖବର ସାମ୍ନାକୁ ଆସିଥିଲା, ଯେତେବେଳେ ଜଣେ ଯାତ୍ରୀ ସେହା ରାସ୍ତା ଦେଇ ଯାଉଥିବା ସମୟରେ କାରଟି ଗଭୀର ଖାଲରେ ପଡିଥିବାର ଦେଖିବାକୁ ପାଇଥିଲେ।
ଏହି ଦୁର୍ଘଟଣାରେ ମୃତ୍ୟୁବରଣ କରିଥିବା ବ୍ୟକ୍ତିମାନେ ୩୦ ବର୍ଷ ବୟସ୍କା ପ୍ରତାପ, ତାଙ୍କର ୨୮ ବର୍ଷ ସାନ ଭାଇ ରାଜପାଲ, ରାଜପାଲଙ୍କ ୨୫ ବର୍ଷିୟା ପତ୍ନୀ ଜଶିଲା, ୩୮ ବର୍ଷୀୟ ମୁନ୍ନା, ୩୫ ବର୍ଷିୟ ବିନୋଦ ଏବଂ ୨୮ ବର୍ଷୀୟ ବିରେନ୍ଦ୍ର ଓ ସମସ୍ତେ ଉତ୍ତରାଖଣ୍ଡ ଜିଲ୍ଲାର ମୋରି ବାସିନ୍ଦା ଥିଲେ।
SDRF ମୁଖପାତ୍ର କହିଛନ୍ତି, 'ଆମ ଟିମକୁ କେମ୍ଟି ପୋଲିସ ଷ୍ଟେସନରୁ ସୂଚନା ମିଳିଥିଲା ଯେ ଯମୁନା ବ୍ରିଜ ନିକଟରେ ଏକ ଆଲ୍ଟୋ କାର ଏକ ଖାଲରେ ପଡ଼ିଯାଇଛି। ହେଡ୍ କନଷ୍ଟେବଳ ମନୋଜ ଜୋଶୀଙ୍କ ନେତୃତ୍ୱରେ ଆମ ଟିମ୍ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲୁ। ଆମ ଟିମ୍ ନିଶ୍ଚିତ କରିଛି ଯେ ଗାଡିର ନମ୍ୱର ହେଉଛି - UK07 9607। ଏହି ଲୋକମାନେ ଉତ୍ତରକାଶୀରୁ ଆସି ଦେହରାଡୁନ୍ ଆଡକୁ ଯାଉଥିଲେ ଏବଂ ହଠାତ୍ ଡ୍ରାଇଭର କାର ଉପରେ ନିୟନ୍ତ୍ରଣ ହରାଇଥିଲା ଏବଂ କାରଟି ୫୦୦ ମିଟର ଗଭୀର ଖାଲରେ ଖସି ପଡ଼ିଥିଲା।
SDRF ତରଫରୁ ସୂଚନା ଦିଆଯାଇଛି ସମସ୍ତ ଯାତ୍ରୀ ତାଙ୍କୁ ମୃତ ଅବସ୍ଥାରେ ମିଳିଥିଲେ। ସ୍ଥାନୀୟ ପୋଲିସ ଏବଂ ରାଜସ୍ୱ ବିଭାଗ ଟିମ୍ ମୃତଦେହକୁ ନେଇ ସେମାନଙ୍କ ପରିବାରକୁ ହସ୍ତାନ୍ତର କରିଛି।