How Long Human Can Live: ପ୍ରାୟତଃ ଘରର ବୟସ୍କ ବ୍ୟକ୍ତି ଆମକୁ ୧୦୦ ବର୍ଷ ବଞ୍ଚିବାକୁ ଆଶୀର୍ବାଦ ଦିଅନ୍ତି, କିନ୍ତୁ ଏହି ଆଶୀର୍ବାଦ ପୂରଣ ହେବା ଅସମ୍ଭବ ବୋଲି ବିବେଚନା କରାଯାଏ । ଯଦିଓ, ଅନେକ ଲୋକ ୧୦୦ ବର୍ଷ ବୟସ ପୂରଣ କରନ୍ତି ଓ ଅନେକ ଲୋକ ୧୦୦ ବର୍ଷରୁ ଅଧିକ ବଞ୍ଚନ୍ତି । ବର୍ତ୍ତମାନ ଏକ ପ୍ରଶ୍ନ ମନରେ ଘୁରି ବୁଲୁଛି ଯେ ଜଣେ ବ୍ୟକ୍ତି କେତେ ଦିନ ବଞ୍ଚିପାରିବ? ଏହି ବିଷୟ ଉପରେ ଅନେକ ଗବେଷଣା କରାଯାଇଥିଲା ଓ ବୈଜ୍ଞାନିକମାନେ ମଧ୍ୟ ବିଭିନ୍ନ ଦାବି କରିଥିଲେ । ନିକଟରେ ବୈଜ୍ଞାନିକମାନେ ଆଉ ଏକ ଆଶ୍ଚର୍ଯ୍ୟଜନକ ଦାବି କରିଛନ୍ତି । ଏହି ଆଶ୍ଚର୍ଯ୍ୟଜନକ ଦାବି ବିଷୟରେ ଆପଣଙ୍କୁ ବିସ୍ତୃତ ଭାବରେ କହୁଛୁ ।


COMMERCIAL BREAK
SCROLL TO CONTINUE READING

ଜଣେ ମଣିଷ କେତେ ଦିନ ପର୍ଯ୍ୟନ୍ତ ବଞ୍ଚିପାରିବ?
ପୂର୍ବରୁ ହୋଇଥିବା ଗବେଷଣାରେ କୁହାଯାଇଛି ଯେ ଜଣେ ବ୍ୟକ୍ତି ପ୍ରାୟ ୧୨୦ ବର୍ଷ ବଞ୍ଚିପାରିବ । କିନ୍ତୁ ଫ୍ରାନ୍ସରେ ରହୁଥିବା ଜଣେ ମହିଳା ଏହି ଦାବିକୁ ଭୁଲ ପ୍ରମାଣିତ କରିଥିଲେ । ହଁ ଆଜ୍ଞା, ଫ୍ରାନ୍ସର ଜିନ୍ କାଲମେଣ୍ଟ (ପୃଥିବୀର ସର୍ବ ପୁରାତନ ମଣିଷ) ୧୨୦ ବର୍ଷ ବୟସ ଅତିକ୍ରମ କରିଛି । ଜାନେ କାଲମେଣ୍ଟ ୧୨୨ ବର୍ଷ ୧୬୪ ଦିନ ବଞ୍ଚିଥିଲେ । ଶେଷ ୨୫ ବର୍ଷରୋ କେହି ଏତେ ବୟସରେ ପହଞ୍ଚି ପାରି ନଥିଲେ । କିନ୍ତୁ ବର୍ତ୍ତମାନ ବୌଜ୍ଞାନିକମାନେ ଦାବି କରିଛନ୍ତି ଯେ ବ୍ୟକ୍ତିଙ୍କର ଏତେ କ୍ଷମତା ଅଛି ଯେ ସେ ୧୪୦ ବର୍ଷ ବୟସ ପର୍ଯ୍ୟନ୍ତ ବଞ୍ଚିପାରିବେ ।


ପୁରୁଷ ଓ ମହିଳାମାନେ କେଉଁ ବୟସ ପର୍ଯ୍ୟନ୍ତ ବଞ୍ଚିପାରିବେ?
ଜର୍ଜିଆ ବିଶ୍ୱବିଦ୍ୟାଳୟର ଗବେଷଣାକାରୀମାନେ ୧୮୮୦ ମସିହାରେ ବ୍ରିଟେନରେ ଜନ୍ମ ହୋଇଥିବା ଲୋକଙ୍କ ଜୀବନକୁ ବିଶ୍ଳେଷଣ କରିଥିଲେ ଯାହା ସତ୍ୟ ଅଟେ । ସେମାନଙ୍କ ଆକଳନ ଅନୁଯାୟୀ, ୧୯୭୦ ରେ ଜନ୍ମ ହୋଇଥିବା ପୁରୁଷମାନେ ୧୪୧ ବର୍ଷ ବୟସ ପର୍ଯ୍ୟନ୍ତ ଓ ୧୯୭୦ ରେ ଜନ୍ମ ହୋଇଥିବା ମହିଳାମାନେ ୧୩୧ ବର୍ଷ ବୟସ ପର୍ଯ୍ୟନ୍ତ ବଞ୍ଚିପାରିବେ । ଏମାନଙ୍କ ଠାରେ ଏତେ କ୍ଷମତା ଦୃଶ୍ୟମାନ ହୁଏ । ବର୍ତ୍ତମାନ ଏହି ଆକଳନ କେତେ ସଠିକ୍ ତାହା ଉପରେ ପ୍ରଶ୍ନ ଉଠିପାରେ ।


ମୃତ୍ୟୁ ହେବାର ବୟସସୀମା ବୃଦ୍ଧି ପାଉଛି 
ଗବେଷଣାର ମୁଖ୍ୟ ଡ଼ ଡେଭିଡ ମ୍ୟାକକାରିଙ୍କ ଅନୁଯାୟୀ, ଏହା ନିଶ୍ଚିତ ଭାବରେ କୁହାଯାଇପାରେ ଯେ ୧୯୪୦ ମସିହାରେ ଜନ୍ମ ହୋଇଥିବା ବ୍ୟକ୍ତି ତାଙ୍କର ୧୨୫ ତମ ଜନ୍ମଦିନ ପାଳନ କରିପାରନ୍ତି । ଯଦି ସେ ଜଣେ ମହିଳା, ତେବେ ସେ ତାଙ୍କର ୧୨୪ ତମ ଜନ୍ମଦିନ ପାଳନ କରିପାରନ୍ତି । ୟୁରୋପ ଓ ଆମେରିକାର ୧୯ଟି ଦେଶର ଲୋକଙ୍କ ଉପରେ ଏହି ଗବେଷଣା କରାଯାଇଛି । କୁହାଯାଏ ଯେ ୯୦ଦଶକ ତୁଳନାରେ ଅଧିକାଂଶ ଲୋକ ବର୍ତ୍ତମାନ ଅଧିକ ଦିନ ବଞ୍ଚୁଛନ୍ତି । PLOS One ପତ୍ରିକାରେ ପ୍ରକାଶିତ ଫଳାଫଳଗୁଡିକ ଦର୍ଶାଉଛି ଯେ ଆଗାମୀ ଦଶନ୍ଧିରେ ମୃତ୍ୟୁ ବୟସ ବୃଦ୍ଧି ପାଇବ । ୧୯୧୦ ରୁ ୧୯୫୦ ମଧ୍ୟରେ ଜନ୍ମ ହୋଇଥିବା ବୟସ୍କ ବ୍ୟକ୍ତିମାନେ ୧୨୦ ବର୍ଷ କିମ୍ବା ତା’ଠାରୁ ଅଧିକ ବଞ୍ଚିପାରିବେ ।


ଏହା ବି ପଢନ୍ତୁ: ଅଣ୍ଡା ପ୍ରଥମେ ଆସିଛି ନା କୁକୁଡ଼ା ପ୍ରଶ୍ନ ହୋଇସାରିଛି ପୁରୁଣା, ବର୍ତ୍ତମାନ କୁହନ୍ତୁ ଚିକେନ୍ ଏକ ପଶୁ ନା ପକ୍ଷୀ?


ଏହା ବି ପଢ଼ନ୍ତୁ: Railway Free Wifi: ଦେଶର ୬୦୦୦ ରୁ ଅଧିକ ଷ୍ଟେସନରେ ମିଳୁଛି ମାଗଣା ୱାଇଫାଇ, ଜାଣନ୍ତୁ କିପରି ଉଠାଇପାରିବେ ଏହାର ସୁବିଧା


ଏହା ବି ପଢ଼ନ୍ତୁ: ସିଗାରେଟ୍ କଥା ଛାଡନ୍ତୁ...ବିଡିକୁ ଇଂରାଜୀରେ କ’ଣ କୁହାଯାଏ ଆପଣ ଜାଣନ୍ତି କି? ଏବେବି ଅନେକ ଧନୀ ଲୋକ କାହିଁକି ଏହାକୁ ଟାଣନ୍ତି