ନିଜ ଶକ୍ତିର ଉତ୍ସକୁ `ସେକ୍ସ` ବୋଲି କହିଲେ ମହୁଆ ମୈତ୍ରା? ଭିଡିଓ ଭାଇରାଲ୍ ଉପରେ ହଙ୍ଗାମା; ଜାଣନ୍ତୁ ସତ୍ୟତା
Mahua Moitra: ମହୁଆ ମୈତ୍ରାଙ୍କ ଉତ୍ତରକୁ ନେଇ ଦାବି କରାଯାଉଛୁ ଯେ ସେ ନିଜ ଶକ୍ତିର ଉତ୍ସକୁ `ସେକ୍ସ` ବୋଲି କହିଛନ୍ତି। ସୋସିଆଲ ମିଡିଆରେ ସେୟାର ହୋଇଥିବା ଏକ ଭିଡିଓ କ୍ଲିପ୍ର କ୍ୟାପସନରେ ଏଭଳି ଦାବି କରାଯାଇଛି।
Mahua Moitra: ଲୋକସଭା ନିର୍ବାଚନ ପାଇଁ ଟିଏମସି ନେତା ମହୁଆ ମୈତ୍ରା ଆଜିକାଲି ପ୍ରଚାରରେ ବ୍ୟସ୍ତ ଅଛନ୍ତି। ସେ ପଶ୍ଚିମବଙ୍ଗର କୃଷ୍ଣନଗର ଲୋକସଭା ଆସନରୁ ଟିଏମସି ଟିକେଟରେ ପ୍ରତିଦ୍ୱନ୍ଦ୍ୱିତା କରୁଛନ୍ତି। ଏଠାରେ ସେ ବିଜେପି ପ୍ରାର୍ଥୀ ରାଜମାତା ଅମୃତା ରାଓଙ୍କ ସହ ଲଢ଼େଇ କରୁଛନ୍ତି। ଏହି ନିର୍ବାଚନ ପ୍ରଚାର ସମୟରେ ମହୁଆଙ୍କ ଏକ ଭିଡିଓ କ୍ଲିପ୍ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏଥିରେ ତାଙ୍କୁ ପଚରାଯାଏ, ଆପଣଙ୍କ ଶକ୍ତିର ଉତ୍ସ କ’ଣ? ଏହା ଉପରେ ଟିଏମସି ପ୍ରାର୍ଥୀ ଦେଇଥିବା ଉତ୍ତରକୁ ନେଇ ବିବାଦ ଉପୁଜିଛି।
ମହୁଆ ମୈତ୍ରାଙ୍କ ଉତ୍ତରକୁ ନେଇ ଦାବି କରାଯାଉଛି ଯେ ସେ ତାଙ୍କ ଶକ୍ତିର ଉତ୍ସକୁ 'Sex' ବୋଲି କହିଛନ୍ତି। ସୋସିଆଲ ମିଡିଆ X ରେ ସେୟାର ହୋଇଥିବା ଭିଡିଓ କ୍ଲିପ୍ ର କ୍ୟାପସନରେ ଲେଖାଯାଇଛି, 'ସାମ୍ବାଦିକ - ଆପଣଙ୍କ ଶକ୍ତିର ଉତ୍ସ କ’ଣ? ମହୁଆ ମୈତ୍ରାଙ୍କ ଉତ୍ତର ଶୁଣି କେରଳର କେହି ଜଣେ ଖୁସି ହେବେ। ଏଥର ଦୁହେଁ ହାରୁଛନ୍ତି। ଏପରି ପରିସ୍ଥିତିରେ, ଶକ୍ତି ଉତ୍ପାଦନ ପାଇଁ ସେମାନଙ୍କର ପ୍ରଚୁର ସମୟ ରହିବ। ତେବେ କିଛି ଉପଭୋକ୍ତା କହିଛନ୍ତି ଯେ ମହୁଆ ମୈତ୍ରା ଏପରି ଉତ୍ତର ଦେଇନାହାଁନ୍ତି। ସେମାନଙ୍କ କହିବାନୁସାରେ, ଭାଇରାଲ୍ ଭିଡିଓରେ ସେ 'Eggs' କହୁଛନ୍ତି ... 'Sex' ନୁହେଁ। ତେଣୁ ଟିଏମସି ନେତାଙ୍କ ବାୟନକୁ ଭୁଲ ଭାବରେ ଉପସ୍ଥାପନ କରାଯିବା ଉଚିତ ନୁହେଁ।'
ସାକ୍ଷାତକାର ନେଇଥିବା ସାମ୍ବାଦିକ ଏହି ବିବାଦ ଉପରେ କ’ଣ କହିଛନ୍ତି?
ତେବେ ମହୁଆବ ମୈତ୍ରାଙ୍କ ଏହି ସାକ୍ଷାତକାର ନେଇଥିବା ସାମ୍ବାଦିକ ନିଜେ ପୂରା କାହାଣୀ ପୋଷ୍ଟ କରିଛନ୍ତି। ତାଙ୍କ ନାମ ତାମଲ ସାହ। ସେ X ରେ ଲେଖିଛନ୍ତି, "ମୋର ସାକ୍ଷାତକାର ପରଠାରୁ ଯାହା କୁହାଯାଉଛି ତାକୁ ନେଇ ମୋତେ ସ୍ପଷ୍ଟ କରିବାକୁ ଦିଅନ୍ତୁ। ମୁଁ ମହୁଆ ମୈତ୍ରାଙ୍କୁ ପଚାରିଥିଲି, ସକାଳେ ସମୟରେ ଆପଣଙ୍କ ଶକ୍ତିର ଉତ୍ସ କ’ଣ? ଏହା ଉପରେ ମହୁଆଙ୍କ ଉତ୍ତର ଥିଲା ଅଣ୍ଡା (Eggs)। ଏଭଳି ପରିସ୍ଥିତିରେ ଭକ୍ତ ମଣ୍ଡଳି ଏହାକୁ କିପରି ଭୁଲ ଭାବରେ ଉପସ୍ଥାପନ କରୁଛନ୍ତି ତାହା ଲଜ୍ଜାଜନକ ଅଟେ। ଏହାକୁ 'ସେକ୍ସ' ଭଳି ଶବ୍ଦ କରିବା ପାଇଁ ସେମାନେ କ୍ଲିପ୍ ସହିତ ଟ୍ୟାମ୍ପରିଂ କରିଛନ୍ତି। ଅଡିଓକୁ ସୁଚିନ୍ତିତ ଭାବରେ ପରିବର୍ତ୍ତନ କରାଯାଇଛି।"