Aseema Panda Video: ବାଲିଯାତ୍ରା ଷ୍ଟେଜ ରେ ଅସୀମା ପଣ୍ଡାଙ୍କୁ ଘୋର ଅପମାନ, ଭିଡିଓ ଭାଇରାଲ
Aseema Panda Video: ଗତକାଲି ବାଲିଯାତ୍ରା ପଡିଆ ଗଣକବି ବୈଷ୍ଣବ ପାଣି ମଞ୍ଚରେ ସଙ୍ଗୀତ ଓ ପାରମ୍ପରିକ ନୃତ୍ୟ ପରିବେଷଣ କରାଯାଇଥିଲା। ହେଲେ ସନ୍ଧ୍ୟାର ମୁଖ୍ୟ ଆକର୍ଷଣ ସାଜିଥିବା ଓଲିଉଡ୍ କଣ୍ଠଶିଳ୍ପୀ ଅସୀମା ପଣ୍ଡା ସଙ୍ଗୀତ ପରିବେଷଣ କରିବା ବେଳକୁ ପୋଲିସ ପ୍ରଶାସନ କାର୍ଯ୍ୟକ୍ରମ ବନ୍ଦ କରିଦେଇଥିଲା। ଅସୀମା ଗୀତ ଗାଇବା ଆରମ୍ଭ କରିବାବେଳେ ସେଠାରେ ଉପସ୍ଥିତ ଥିବା ଅତିରିକ୍ତ ଜିଲ୍ଲାପାଳ ଶିବ ଟୋପୋଙ୍କୁ ପୋଲିସ ଅଧିକାରୀ କାର୍ଯ୍ୟକ୍ରମ ବନ୍ଦ କରିବାକୁ କହିଥିଲେ। ଏହାର ପ୍ରାୟ ୧୦ ମିନିଟ୍ ମଧ୍ୟରେ ପୋଲିସ ସମ୍ପୂର୍ଣ୍ଣ ଭାବେ କାର୍ଯ୍ୟକ୍ରମକୁ ବନ୍ଦ କରିଥିଲା। ଏହାପରେ ଅସୀମା ମଞ୍ଚରୁ ପଳାଇ ଯାଇଥିଲେ। ତାଙ୍କ ଗୀତ ଶୁଣିବାକୁ ଅପେକ୍ଷା କରିଥିବା ଦର୍ଶକ ଅସନ୍ତୋଷ ପ୍ରକାଶ କରିଥିଲେ। ତେବେ ରାତି ୧୦ ଟା ପରେ ଅସୀମା ପଣ୍ଡା ଷ୍ଟେଜ ଉପରେ ଚଢିଥିଲେ ବୋଲି ସୂଚନା ରହିଛି।