ଭାରତ-ଅଷ୍ଟ୍ରେଲିଆ ମ୍ୟାଚ୍ ପାଇଁ ଉତ୍ସାହିତ ଲୋକେ,କିଏ ଜିତିବ ଆଜିର ମ୍ୟାଚ୍ ?
ପ୍ରିୟମ୍ବଦା ରଣା Sun, 08 Oct 2023-3:22 pm,
India vs Australia: ଆଜି ଅଷ୍ଟ୍ରେଲିଆ ବିପକ୍ଷ ମ୍ୟାଚରୁ ବିଶ୍ବକପରେ ନିଜର ଅଭିଯାନ ଆରମ୍ଭ କରିବ ଟିମ୍ ଇଣ୍ତିଆ । ଚେନ୍ନାଇ ଏମ୍ଏ ଚିଦାମ୍ବରମ୍ ଷ୍ଟାଡିୟମ୍ରେ ଖେଳାଯିବ ଏହି ହାଇଭେଲଟେଜ ମ୍ୟାଚ୍ । ଶୁଭମାନ ଗିଲ ଅସୁସ୍ଥ ଥିବାରୁ ତାଙ୍କ ସ୍ଥାନରେ ଇସାନ କିଶାନ ଓପନିଂ କରିପାରନ୍ତି । ଏହାସହ ୩ ଜଣ ସ୍ପିନରଙ୍କୁ ନେଇ ମଇଦାନକୁ ଓହ୍ଲାଇବ ଭାରତ ।ସୂଚନାଯୋଗ୍ୟ, ଆଜି ବିଶ୍ବକପ ୨୦୨୩ରେ ମୁହାଁମୁହିଁ ହେବେ ଭାରତ ଓ ଅଷ୍ଟ୍ରେଲିଆ । ଉଭୟ ଦଳଙ୍କ ମଧ୍ଯରେ କଡ୍ଡା ଟକ୍କର ଦେଖିବାକୁ ମିଳିବ । ଭାରତ ଓ ଅଷ୍ଟ୍ରେଲିଆ ମଧ୍ୟରେ ହେବାକୁ ଥିବା ଏହି ମ୍ୟାଚକୁ ବେଶ ଉତ୍ସାହର ସହ ଅପେକ୍ଷା କରିଛନ୍ତି କ୍ରିକେଟ ପ୍ରେମୀ । ତେବେ ଆସନ୍ତୁ ଜାଣିବା ପୂର୍ବରୁ ଖେଳାଯାଇଥିବା ମ୍ୟାଚରେ କାହାର ପଲ୍ଲା ରହିଥିଲା ଭାରି ।