Majors Fiancee: ଚର୍ଚ୍ଚାରେ ମେଜରଙ୍କ ବାନ୍ଧବୀ,କୋର୍ଟଙ୍କ ନିର୍ଦ୍ଦେଶକୁ ଅବମାନନା କରି ଜାତୀୟ ଗଣମାଧ୍ୟମରେ ଖୁଲମଖୁଲା ସାକ୍ଷାତକାର
Rashmita Sahoo Fri, 27 Sep 2024-8:52 pm,
Majors Fiancee: ଭରତପୁର ଥାନା ବିବାଦ ମାମଲାରେ ଟ୍ବିଷ୍ଟ । ମେଜରଙ୍କ ବାନ୍ଧବୀ ଅଦାଲତ ଅବମାନନା କରିଥିବା ଅଭିଯୋଗ ନେଇ ହାଇକୋର୍ଟଙ୍କ ଦ୍ୱାରସ୍ଥ ହୋଇଛନ୍ତି ଜଣେ ନିଲମ୍ବିତ ମହିଳା ପୋଲିସ ଅଧିକାରୀଙ୍କ ମା’ । ସେ ଅଭିଯୋଗ କରିଛନ୍ତି ଯେ, ମେଜର ଏବଂ ତାଙ୍କ ବାନ୍ଧବୀଙ୍କ ପରିଚୟ ଗୋପନ ରଖିବା ଲାଗି ହାଇକୋର୍ଟ ନିର୍ଦ୍ଦେଶ ଦେଇଥିଲେ । କିନ୍ତୁ ମେଜରଙ୍କ ବାନ୍ଧବୀ ଜଣକ ନିକଟରେ ଏକ ଜାତୀୟ ଗଣମାଧ୍ୟମକୁ ସାକ୍ଷାତକାର ଦେଇଛନ୍ତି । ଘଟଣା ଦିନ ଭରତପୁର ଥାନାରେ କାର୍ଯ୍ୟରତ ଥିବା ମହିଳା ପୋଲିସ କର୍ମଚାରୀଙ୍କ ବିରୁଦ୍ଧରେ ସାଙ୍ଘାତିକ ଅଭିଯୋଗ ଆଣିଛନ୍ତି । ଯାହାଦ୍ୱାରା ମହିଳା ପୋଲିସ ଅଧିକାରୀ ଏବଂ କର୍ମଚାରୀ ମାନଙ୍କର ସମ୍ମାନ ହାନୀ ହୋଇଛି ବୋଲି ମେଜରଙ୍କ ବାନ୍ଧବୀ ନାଁରେ କୋର୍ଟର ଦ୍ୱାରସ୍ଥ ହୋଇଛନ୍ତି।