Weather Report: ରାଜ୍ୟରେ ବର୍ଷା, ଏହି ସବୁ ଜିଲ୍ଲାକୁ ୱାର୍ଣ୍ଣିଂ ଜାରି କଲା ପାଣିପାଗ ବିଭାଗ..

Weather Report: ରାଜ୍ୟର ବିଭିନ୍ନ ସ୍ଥାନରେ ଆରମ୍ଭ ହୋଇଛି ଝିପଝିପ ବର୍ଷା । କୋହଲା ପାଗ ସାଙ୍ଗକୁ ଜାରି ରହିଛି ବର୍ଷାର କହର। ଲୋକେ ଘରୁ ବାହାରିଲେ ଶୀତ ବସ୍ତ୍ର ପିନ୍ଧିବେ ନା ବର୍ଷା କପଡ଼ା ପିନ୍ଧିବେ ସେ ନେଇ ଦ୍ୱନ୍ଦରେ ପଡ଼ି ଯାଉଛନ୍ତି। ଦକ୍ଷିଣ ଉପକୂଳ ଓଡିଶା ସମେତ କଟକ(Cuttack), ଯାଜପୁର, ଜଗତସିଂହପୁର(Jagatsinghpur), କେନ୍ଦ୍ରାପଡ଼ା, ଭଦ୍ରକ(Bhadrak) ଆଦି କିଛି ଆଭ୍ୟନ୍ତରୀଣ ଓଡ଼ିଶାର ଜିଲ୍ଲାଗୁଡିକରେ ଗୁରୁଚାପ ବଳୟ ପ୍ରଭାବରେ ଲାଗିରହିଛି ବର୍ଷା । ୨୬ ଅର୍ଥାତ ଶୁକ୍ରବାର ଠାରୁ ପାଗରେ ପରିବର୍ତ୍ତନର ସମ୍ଭାବନା ଥିବା ନେଇ ପାଣିପାଗ ବିଭାଗ ପକ୍ଷରୁ ସୂଚନା ଦିଆଯାଇଛି।

 ଟ୍ୱିନ ସିଟି(Twin city) କଟକ ଏବଂ ଭୁବନେଶ୍ୱର(Bhubaneswar)ରେ କୋହଲା ପାଗ ସହ ଲାଗିରହିଛି ଝିପିଝିପି ବର୍ଷା । ଯାହା ଜନଜୀବନକୁ କିଛି ମାତ୍ରାରେ ପ୍ରଭାବିତ କରିଥିବା ଦେଖିବାକୁ ମିଳିଛି। ସେହିପରି ଆଗାମୀ ୨ ଦିନ ପର୍ଯ୍ୟନ୍ତ କେତେକ ଅଞ୍ଚଳରେ ଘନ କୁହୁଡ଼ିର ପୂର୍ବାନୁମାନ କରିଛି ପାଣିପାଗ ବିଭାଗ। ଏ ନେଇ ସତର୍କ ସୂଚନା ଜାରି କରାଯାଇଛି। ଆସନ୍ତା ୨୪ ଘଣ୍ଟା ପାଇଁ ଅନୁଗୁଳ, ଢେଙ୍କାନାଳ(Dhenkanal), ବାଲେଶ୍ଵର, ଭଦ୍ରକ(Bhadrak), ଯାଜପୁର(Jajpur), ମୟୂରଭଞ୍ଜ, କେନ୍ଦୁଝର(Keonjhar),ସମ୍ବଲପୁର(Sambalpur)କୁ ଘନ କୁହୁଡ଼ି ନେଇ ୟେଲୋ ୱାର୍ଣ୍ଣିଂ(Yellow Wrning) ଜାରି କରାଯାଇଛି ପାଣିପାଗ ବିଭାଗ।

ସେପଟେ କେନ୍ଦ୍ରୀୟ ରାଜଧାନୀ ନୂଆଦିଲ୍ଲୀ ଓ ଏହାର ଆଖପାଖ ଅଞ୍ଚଳରେ ବୁଧବାର ସକାଳୁ ହାଲୁକା ବର୍ଷା ହୋଇଥିବା ଦେଖିବାକୁ ମିଳିଛି। ଏହା ସହିତ ବୁଧବାର ଦିନ ଦିଲ୍ଲୀ ଓ ଏହାର ଆଖପାଖ ଅଞ୍ଚଳରେ ଘନ କୁହୁଡ଼ି ଦେଖାଯିବା ନେଇ ପାଣିପାଗ ବିଭାଗ ସୂଚନା ପ୍ରଦାନ କରିଛି। ସେହିପରି ପାର୍ବତ୍ୟାଞ୍ଚଳରୁ ଆସୁଥିବା ଶୀତଳ ପବନର ପ୍ରଭାବନରେ ଉତ୍ତର ଭାରତର ଶୀତ ଲହରୀ ଜାରି ରହିଛି। ବିହାରରେ ପାରଦ ଦିନକୁ ଦିନ ଖସିବାରେ ଲାଗିଛି। ଦିନରେ ସୂର୍ଯ୍ୟକିରଣ ପଡିବା ଅସମ୍ଭବ ହୋଇ ପଡ଼ିଛି। ସେହିପରି ମଧ୍ୟ ଭାରତ ଓ ପୂର୍ବ ଭାରତରେ ଶୀତ ଲହରୀ ବଢିବାରେ ଲାଗିଛି।