Weather Report: ଏହି ସବୁ ସ୍ଥାନରେ ଘଡ଼ଘଡ଼ି ସହ ପ୍ରବଳ ବର୍ଷା ନେଇ ଆଲର୍ଟ ଜାରି...
Weather Report: ରାଜଧାନୀ ଦିଲ୍ଲୀ ଏବଂ ଏହାର ଆଖପାଖ ଜିଲ୍ଲାଗୁଡ଼ିକରେ କିଛି ଦିନ ଧରି ଖରା ଓ ଗରମ ବୃଦ୍ଧି ପାଇଥିବା ବେଳେ ଏଥରୁ ନିକଟରେ କୌଣସି ପ୍ରକାରର ତ୍ରାହି ମିଳିବା ନେଇ ସମ୍ଭାବନା ନାହିଁ। ଦିଲ୍ଲୀରେ ରବିବାର ଦିନ ସର୍ବାଧିକ ତାପମାତ୍ରା ୪୮ ଡିଗ୍ରୀ ସେଲସିୟସରେ ପହଞ୍ଚିଥିବା ବେଳେ, ସୋମବାର ଦିନ ସାମାନ୍ୟ ହ୍ରାସ ପାଇ ତାପମାତ୍ରା ୪୪.୧ ଡିଗ୍ରୀ ସେଲସିୟସ ରେକର୍ଡ କରାଯାଇଛି। ୨୧ ରୁ ମେ ୨୬ ମେ ପର୍ଯ୍ୟନ୍ତ ସର୍ବାଧିକ ତାପମାତ୍ରା ୪୫ ରୁ ୪୬ ଡିଗ୍ରୀ ସେଲସିୟସ ମଧ୍ୟରେ ରହିବା ବୋଲି ପୂର୍ବାନୁମାନ କରିଛି ଆଇଏମଡି।
Weather Report: ଦେଶର ଅନେକ ରାଜ୍ୟରେ ଅତ୍ୟଧିକ ଖରା-ଗରମର ପ୍ରଭାବ ଦେଖିବାକୁ ମିଳୁଛି, ଯେଉଁଥିପାଇଁ ଲୋକଙ୍କ ଅବସ୍ଥା ଅତ୍ୟନ୍ତ ଖରାପ ହୋଇପଡ଼ିଛି। ତେବେ ପାଣିପାଗ କେନ୍ଦ୍ରର ସୂଚନା ଅନୁସାରେ ଗ୍ରୀଷ୍ମ ପ୍ରବାହ ଆହୁରି କିଛି ଦିନ ପର୍ଯ୍ୟନ୍ତ ଲାଗି ରହିବ। ଭାରତ ପାଣିପାଗ ବିଭାଗ (IMD) ଗ୍ରୀଷ୍ମ ପ୍ରବାହ ନେଇ ବିଭିନ୍ନ ଜିଲ୍ଲାକୁ ରେଡ ଆଲର୍ଟ ଜାରି କରିଛି। ଉତ୍ତରପ୍ରଦେଶର ଅନେକ ଜିଲ୍ଲାରେ କାଳବୈଶାଖୀ ଜନିତ ପ୍ରବଳ ବର୍ଷା ହେବାର ସମ୍ଭାବନା ରହିଛି।
ଦିଲ୍ଲୀ ଏନସିଆରରେ ପାଗ କେମିତି ରହିବ?
ବର୍ତ୍ତମାନ ରାଜଧାନୀ ଦିଲ୍ଲୀ ଏବଂ ଏହାର ଆଖପାଖ ଜିଲ୍ଲାଗୁଡ଼ିକରେ କିଛି ଦିନ ଧରି ଖରା ଓ ଗରମ ବୃଦ୍ଧି ପାଇଥିବା ବେଳେ ଏଥରୁ ନିକଟରେ କୌଣସି ପ୍ରକାରର ତ୍ରାହି ମିଳିବା ନେଇ ସମ୍ଭାବନା ନାହିଁ। ଦିଲ୍ଲୀରେ ରବିବାର ଦିନ ସର୍ବାଧିକ ତାପମାତ୍ରା ୪୮ ଡିଗ୍ରୀ ସେଲସିୟସରେ ପହଞ୍ଚିଥିବା ବେଳେ, ସୋମବାର ଦିନ ସାମାନ୍ୟ ହ୍ରାସ ପାଇ ତାପମାତ୍ରା ୪୪.୧ ଡିଗ୍ରୀ ସେଲସିୟସ ରେକର୍ଡ କରାଯାଇଛି। ୨୧ ରୁ ମେ ୨୬ ମେ ପର୍ଯ୍ୟନ୍ତ ସର୍ବାଧିକ ତାପମାତ୍ରା ୪୫ ରୁ ୪୬ ଡିଗ୍ରୀ ସେଲସିୟସ ମଧ୍ୟରେ ରହିବା ବୋଲି ପୂର୍ବାନୁମାନ କରିଛି ଆଇଏମଡି।
ୟୁପିରେ ବର୍ଷା ହେବାର ସମ୍ଭାବନା:
୨୧ ରୁ ମେ ୨୬ ମେ ପର୍ଯ୍ୟନ୍ତ ଉତ୍ତରପ୍ରଦେଶର କିଛି ଅଞ୍ଚଳରେ ପାଣିପାଗ ବର୍ଷା ହେବା ନେଇ ଆଲର୍ଟ ଜାରି କରିଛି। ଆଇଏମଡି ରିପୋର୍ଟ ଅନୁଯାୟୀ, ପଶ୍ଚିମ ୟୁପିରେ ଆଜି ଗ୍ରୀଷ୍ମ ପ୍ରବାହର ସମ୍ଭାବନା ଥିବାବେଳେ ପୂର୍ବ ୟୁପିର ଅନେକ ଜିଲ୍ଲାରେ ବର୍ଷା ଏବଂ ବଜ୍ରପାତ ହେବାର ସମ୍ଭାବନା ରହିଛି। ଏହି ଅବଧି ମଧ୍ୟରେ ଅନେକ ଜିଲ୍ଲାରେ ଘଣ୍ଟା ପ୍ରତି ୨୫ ରୁ ୩୫ କିଲୋମିଟର ବେଗରେ ପବନ ବହିବାର ସମ୍ଭାବନା ରହିଛି। ନୋଏଡା, ଗାଜିଆବାଦ, ହାପୁର ସମେତ ୩୬ ଟି ଜିଲ୍ଲାରେ ଆଇଏମଡି ଗ୍ରୀଷ୍ମ ପ୍ରବାହ ନେଇ ସତର୍କ ସୂଚନା ଜାରି କରିଛି।
ରାଜସ୍ଥାନ ଏବଂ ହରିୟାଣାରେ ମଧ୍ୟ ବର୍ଷା ସମ୍ଭାବନା:
ଆଗାମୀ କିଛି ଦିନ ମଧ୍ୟରେ ହରିୟାଣାର ରେୱାଡ଼ୀ, ପଲୱଲ, ନୁହ, ହୋଡାଲ, ରାଜସ୍ଥାନର ତିଜରା ଅଞ୍ଚଳରେ ହାଲୁକା ବର୍ଷା ହେବାର ସମ୍ଭାବନା ରହିଛି। ଏଥି ସହ ଘଣ୍ଟା ପ୍ରତି ୩୦ ରୁ ୪୦ କିଲୋମିଟର ବେଗରେ ପ୍ରବଳ ପବନ ବହିବା ନେଇ ମଧ୍ୟ ଆଲର୍ଟ ଜାରି କରିଛି ଆଏମଡି।
ବିହାରର ୧୯ ଟି ଜିଲ୍ଲାରେ ବର୍ଷା ସମ୍ଭାବନା:
ବିହାରର ପୂର୍ବ ଚମ୍ପାରନ୍, ପଶ୍ଚିମ ଚମ୍ପାରନ୍, ଗୋପାଳଗଞ୍ଜ, ସିୱାନ୍, ସରଣ, ସୀତାମାରହି, ଶିବହାର, ମୁଜାଫରପୁର, ବୈଶାଳୀ, ଦରଭଙ୍ଗା, ମଧୁବାନୀ, ସମସ୍ତିପୁର, ସୌପାଲ, ସାହାରା, ମାଧପୁରା, ଆରାରିଆ, କିଶାନଗଞ୍ଜ, ପୁର୍ଣ୍ଣିଆରେ ଘଡଘଡି ସହ ବର୍ଷା ହେବାର ସମ୍ଭାବନା ରହିଛି।।
ଏହି ରାଜ୍ୟଗୁଡିକରେ ମଧ୍ୟ ବର୍ଷା ହେବ:
ବର୍ଷା ସମ୍ପର୍କରେ ଆଇଏମଡି ଏକ ସତର୍କ ସୂଚନା ଜାରି କରିଛି। ୨୧ ରୁ ୨୩ ମେ ମଧ୍ୟରେ କେରଳ ଏବଂ ମାହେରେ ପ୍ରବଳ ବର୍ଷା ହେବାର ସମ୍ଭାବନା ଅଛି। ଆସାମ, ମେଘାଳୟ, ତାମିଲନାଡୁ, ପୁଡୁଚେରୀ, କର୍ଣ୍ଣାଟକରେ ମେଘୁଆ ବର୍ଷା ହେବାର ସମ୍ଭାବନା ରହିଛି।