Weather Updates: ନୂଆଦିଲ୍ଲୀ: ଦେଶର ଅନେକ ରାଜ୍ୟରେ ଏବେ ବି ଅସହ୍ୟ ହେଉଛି ଗ୍ରୀଷ୍ମ ଲହରୀ। ଦିଲ୍ଲୀ ଏବଂ ଉତ୍ତରପ୍ରଦେଶରେ ପ୍ରବଳ ଗ୍ରୀଷ୍ମ ଲହରୀ କାରଣରୁ ସାଧାରଣ ଜୀବନଯାପନ ଅସ୍ତବ୍ୟସ୍ତ ହେଉଛି। ଉତ୍ତର-ପଶ୍ଚିମ ଭାରତ ଏବଂ ବିହାରରେ ହିଟ ୱେଭ ହେବାର ସମ୍ଭାବନା ଥିବାବେଳେ ଦକ୍ଷିଣ ଭାରତରେ ପ୍ରବଳ ବର୍ଷା ଆସିଛି। ଦିଲ୍ଲୀର ତାପମାତ୍ରା ୪୭ ଡିଗ୍ରୀ ସେଲସିୟସ ଅତିକ୍ରମ କରିଛି। ହିଟ ୱେଭରୁ କେବେ ଆଶ୍ୱସ୍ତି ମିଳିବ ଆସନ୍ତୁ ଜାଣିବା...


COMMERCIAL BREAK
SCROLL TO CONTINUE READING

ଆଜି ପଶ୍ଚିମ ଏବଂ ପୂର୍ବ ଉତ୍ତରପ୍ରଦେଶରେ ପାଗର ଶୁଖିଲା ରହିବ। ଅନେକ ଜିଲ୍ଲାରେ ହିଟ ୱେଭର ସମ୍ଭାବନା ଅଛି। ତାଜ ସହର ଆଗ୍ରାର ତାପମାତ୍ରା ଶୁକ୍ରବାର ଦିନ ୪୬.୯ ଡିଗ୍ରୀ ସେଲସିୟସରେ ରେକର୍ଡ କରାଯାଇଛି। ମଥୁରା ଏବଂ ବୃନ୍ଦାବନରେ ମଧ୍ୟ ପ୍ରବଳ ଗ୍ରୀଷ୍ମ ଲହରୀ ଦେଖିବାକୁ ମିଳିବ। ପାରଦ ୪୬.୯ ଡିଗ୍ରୀ ସେଲସିୟସରେ ପହଞ୍ଚିଛି। ଏଥି ସହିତ ବାଗପତରେ ତାପମାତ୍ରା ୪୬ ଡିଗ୍ରୀ, ଝାନସୀରେ ୪୫.୬ ଡିଗ୍ରୀ, ଗୋରଖପୁରରେ ୪୨.୪ ଡିଗ୍ରୀ ଏବଂ ବହରାଇଚରେ ୪୩.୪ ଡିଗ୍ରୀ ସେଲସିୟସ ରହିଥିଲା। 


ଏଭଳି ରହିବ ରାଜଧାନୀର ମାହୋଲ
ଦିଲ୍ଲୀ-ଏନସିଆରରେ ଦିନରେ ଆକାଶରୁ ଅଗ୍ନୀବର୍ଷା ହେଉଛି। ଦିଲ୍ଲୀର ସର୍ବାଧିକ ତାପମାତ୍ରା ୪୭ ଡିଗ୍ରୀ ଅତିକ୍ରମ କରିଛି। ଆଗାମୀ ଦିନରେ ପାଗ ଅଧିକ ଗରମ ରହିବ। IMD ଦିଲ୍ଲୀ-ଏନସିଆରରେ ହିଟ ୱେଭ ସତର୍କ ସୂଚନା ଜାରି କରିଛି। ନଜଫଗଡ ଶୁକ୍ରବାର ଦିନ ୪୭.୪ ଡିଗ୍ରୀ ସେଲସିୟସ ରେକର୍ଡ କରିଥିବାବେଳେ ପାରଦ ୯ଟି ସ୍ଥାନରେ ୪୫ ଡିଗ୍ରୀ ଅତିକ୍ରମ କରିଛି। ଆୟାନଗରରେ ସର୍ବାଧିକ ତାପମାତ୍ରା ୪୬.୨ ଡିଗ୍ରୀ ସେଲସିୟସ ଥିଲା, ଯାହା ସାଧାରଣ ଅପେକ୍ଷା ୪.୧ ଡିଗ୍ରୀ ଅଧିକ। ବର୍ତ୍ତମାନ ରାଜଧାନୀରେ ତାତିରୁ ଆଶ୍ୱସ୍ତି ମିଳିବନାହିଁ। ଆଇଏମଡି ଅନୁଯାୟୀ, ଦିଲ୍ଲୀର ସର୍ବାଧିକ ତାପମାତ୍ରା ଆଜି ୪୪ ଡିଗ୍ରୀ, ମେ ୧୯ରେ ୪୫ ଡିଗ୍ରୀ, ମେ ୨୦ରେ ୪୪ ଡିଗ୍ରୀ, ମେ ୨୧ରେ ୪୪ ଡିଗ୍ରୀ ଏବଂ ମେ ୨୨-୨୩ରେ ୪୫ ଡିଗ୍ରୀ ରେକର୍ଡ କରାଯାଇପାରିବ।


ଏହି ସବୁ ରାଜ୍ୟରେ ଲୁ ପ୍ରଭାବ
ଭାରତ ପାଣିପାଗ ବିଭାଗ (ଆଇଏମଡି) ଅନୁଯାୟୀ ପଶ୍ଚିମ-ପୂର୍ବ ରାଜସ୍ଥାନ, ହରିୟାଣା, ଚଣ୍ଡିଗଡ଼, ଦିଲ୍ଲୀ, ପଞ୍ଜାବ, ପୂର୍ବ ୟୁପି ଏବଂ ଗୁଜୁରାଟର ଅନେକ ସ୍ଥାନରେ ହିଟ ୱେଭ ପ୍ରବାହିତ ହେଉଛି। ଆଜି ବି ଏହି ରାଜ୍ୟଗୁଡିକରେ ପ୍ରବଳ ଗ୍ରୀଷ୍ମ ଲହରୀ ଜାରି ରହିଛି। ଉତ୍ତରପ୍ରଦେଶ, ମଧ୍ୟପ୍ରଦେଶ, ଉପ-ହିମାଳୟ ପଶ୍ଚିମବଙ୍ଗ, ଗାଙ୍ଗେଟିକ୍ ପଶ୍ଚିମବଙ୍ଗ, ବିହାରରେ ହିଟ ୱେଭ ଜାରି ରହିବ।


ଏହି ସବୁ ରାଜ୍ୟରେ ହୋଇପାରେ ବର୍ଷା
୧୯ ରୁ ୨୧ ମେ ମଧ୍ୟରେ କେରଳ ଏବଂ ମାହେ ଅଞ୍ଚଳରେ ପ୍ରବଳରୁ ଅତିପ୍ରବଳ ବର୍ଷା ହେବାର ସମ୍ଭାବନା ଅଛି। ୨୦ ଓ ୨୧ ତାରିଖରେ ଆଭ୍ୟନ୍ତରୀଣ ଦକ୍ଷିଣ କର୍ଣ୍ଣାଟକରେ ପ୍ରବଳ ବର୍ଷା ହେବ। ମେ ୨୧ରେ ତାମିଲନାଡୁ, ପୁଡୁଚେରୀ ଏବଂ କରାଇକାଲରେ ପ୍ରବଳ ବର୍ଷା ହେବାର ସମ୍ଭାବନା ଅଛି। ମେ ୧୯-୨୦ରେ ଆସାମ ଏବଂ ମେଘାଳୟ ଉପରେ ପ୍ରବଳରୁ ଅତି ପ୍ରବଳ ବର୍ଷା ହେବାର ସମ୍ଭାବନା ଅଛି। ବର୍ଷା ଏହି ରାଜ୍ୟଗୁଡିକରେ ଉତ୍ତାପ ଏବଂ ହିଟ ୱେଭରୁ ଆଶ୍ୱସ୍ତି ପ୍ରଦାନ କରିବ।