Khanna News: ਕਿਸਾਨ ਨੇਤਾ ਤੇ ਆੜ੍ਹਤੀਆਂ ਦਾ ਪੰਜਾਬ ਦੀਆਂ ਮੰਡੀਆਂ `ਚ ਬਾਹਰੀ ਰਾਜਾਂ ਤੋਂ ਝੋਨਾ ਪੁੱਜਣ ਤੋਂ ਇਨਕਾਰ
Khanna News: ਪੰਜਾਬ ਸਰਕਾਰ ਵੱਲੋਂ ਮਾਰਕਿਟ ਕਮੇਟੀ ਮੁਲਾਜ਼ਮਾਂ ਦੀ ਮਿਲੀਭੁਗਤ ਨਾਲ ਬਾਹਰੀ ਸੂਬਿਆਂ ਤੋਂ ਝੋਨੇ ਦੀ ਫ਼ਸਲ ਮੰਡੀਆਂ ਵਿੱਚ ਪਹੁੰਚਾਉਣ ਦਾ ਖਦਸ਼ਾ ਜਤਾਉਂਦੇ ਹੋਏ ਵਿਜੀਲੈਂਸ ਜਾਂਚ ਦੇ ਹੁਕਮ ਜਾਰੀ ਕੀਤੇ ਗਏ ਹਨ।
Khanna News: ਪੰਜਾਬ ਸਰਕਾਰ ਵੱਲੋਂ ਮਾਰਕਿਟ ਕਮੇਟੀ ਮੁਲਾਜ਼ਮਾਂ ਦੀ ਮਿਲੀਭੁਗਤ ਨਾਲ ਬਾਹਰੀ ਸੂਬਿਆਂ ਤੋਂ ਝੋਨੇ ਦੀ ਫ਼ਸਲ ਮੰਡੀਆਂ ਵਿੱਚ ਪਹੁੰਚਾਉਣ ਦਾ ਖਦਸ਼ਾ ਜਤਾਉਂਦੇ ਹੋਏ ਵਿਜੀਲੈਂਸ ਜਾਂਚ ਦੇ ਹੁਕਮ ਜਾਰੀ ਕੀਤੇ ਗਏ ਹਨ। ਉਥੇ ਜੇਕਰ ਏਸ਼ੀਆ ਦੀ ਸਭ ਤੋਂ ਵੱਡੀ ਅਨਾਜ ਮੰਡੀ ਖੰਨਾ ਗੱਲ ਕਰੀਏ ਤਾਂ ਖੰਨਾ ਮੰਡੀ ਵਿੱਚ ਫਸਲ ਪਿਛਲੇ ਸਾਲ ਦੇ ਬਰਾਬਰ ਪੁੱਜ ਚੁੱਕੀ ਹੈ।
ਇਸ ਵਾਰ ਫਸਲ ਦੀ ਚੰਗੀ ਪੈਦਾਵਰ ਹੋਣ ਕਾਰਨ ਪਿਛਲੇ ਸਾਲ ਦੇ ਮੁਕਾਬਲੇ 10 ਫ਼ੀਸਜੀ ਫ਼ਸਲ ਪੁੱਜਣ ਦਾ ਅਨੁਮਾਨ ਸੀ। ਉਥੇ ਸਰਕਾਰ ਦੇ ਇਸ ਫ਼ੈਸਲੇ ਉਤੇ ਕਿਸਾਨ ਯੂਨੀਅਨ ਨੇਤਾ ਅਤੇ ਆੜ੍ਹਤੀ ਸਹਿਮਤ ਨਹੀਂ ਹਨ, ਉਥੇ ਮਾਰਕਿਟ ਕਮੇਟੀ ਸਕੱਤਰ ਵੀ ਕਿਸੇ ਵੀ ਗੜਬੜੀ ਤੋਂ ਇਨਕਾਰ ਕਰ ਰਹੇ ਹਨ।
ਕਿਸਾਨ ਯੂਨੀਅਨ ਨੇਤਾ ਅੰਮ੍ਰਿਤ ਬੈਨੀਪਾਲ ਦਾ ਕਹਿਣਾ ਹੈ ਕਿ ਸਰਕਾਰ ਕਿਸਾਨਾਂ ਨੂੰ ਸਹੂਲਤਾਂ ਦੇਣ ਦੀ ਬਜਾਏ ਅਲੱਗ-ਅਲੱਗ ਫੁਰਮਾਨ ਸੁਣਾ ਰਹੀ ਹੈ। ਮੰਡੀਆਂ ਬੰਦ ਹੋਣ ਦਾ ਸੰਦੇਸ਼ ਮਿਲਣ ਉਤੇ ਜ਼ਿਆਦਾ ਫਸਲ ਮੰਡੀਆਂ ਵਿੱਚ ਪੁੱਜੀ ਹੈ। ਜੇਕਰ ਬਾਹਰੀ ਸੂਬਿਆਂ ਤੋਂ ਫਸਲ ਪੰਜਾਬ ਦੀਆਂ ਮੰਡੀਆਂ ਤੋਂ ਆਈ ਹੈ ਤਾਂ ਬਿਨਾਂ ਮਿਲੀਭੁਗਤ ਤੋਂ ਨਹੀਂ ਆ ਸਕਦੀ ਹੈ। ਉਥੇ ਫੈਡਰੇਸ਼ਨ ਆਫ ਆੜ੍ਹਤੀ ਐਸੋਸੀਏਸ਼ਨ ਪੰਜਾਬ ਦੇ ਸਕੱਤਰ ਯਾਦਵਿੰਦਰ ਸਿੰਘ ਲਿਬੜਾ ਦਾ ਕਹਿਣਾ ਹੈ ਕਿ ਜਦ ਕਿਸਾਨਾਂ ਦੀ ਜ਼ਮੀਨ ਪੋਰਟਲ ਪੈਮ ਹੈ ਅਤੇ ਕਿਸਾਨ ਨੂੰ ਅਦਾਇਗੀ ਵੀ ਸਰਕਾਰ ਸਿੱਧੂ ਕਰਦੀ ਹੈ ਤਾਂ ਫਿਰ ਬਾਹਰ ਤੋਂ ਝੋਨਾ ਕਿਸ ਤਰ੍ਹਾਂ ਵਿਕ ਸਕਦਾ ਹੈ।
ਇਸ ਸਬੰਧੀ ਵਿੱਚ ਖੰਨਾ ਮਾਰਕਿਟ ਕਮੇਟੀ ਸਕੱਤਰ ਮਨਜਿੰਦਰ ਸਿੰਘ ਮਾਨ ਨਾਲ ਗੱਲ ਕੀਤੀ ਗਈ ਤਾਂ ਉਨ੍ਹਾਂ ਨੇ ਦੱਸਿਆ ਕਿ ਮੰਡੀ ਵਿੱਚ ਰੂਟੀਨ ਅਨੁਸਾਰ ਫ਼ਸਲ ਪੁੱਜ ਰਹੀ ਹੈ ਅਤੇ ਦੀਵਾਲੀ ਦੇ ਦਿਨ ਤਾਂ ਫਸਲ ਦੀ ਆਮਦ ਘੱਟ ਰਹੀ ਹੈ। ਅੱਜ ਕੱਲ੍ਹ ਤਾਂ ਕਿਸਾਨ ਖੁਦ ਜਾਗਰੂਕ ਹਨ ਉਹ ਪੰਜਾਬ ਦੀ ਸਰਹੱਦ ਤੋਂ ਬਾਹਰੀ ਸੂਬਿਆਂ ਦੀ ਫ਼ਸਲ ਦਾਖ਼ਲ ਨਹੀਂ ਹੋਣ ਦਿੰਦੇ।
ਇਹ ਵੀ ਪੜ੍ਹੋ : Moga Firing News: ਦੋ ਗੁੱਟਾਂ ਦੀ ਆਪਸੀ ਲੜਾਈ ਦੌਰਾਨ ਚਲੀਆਂ ਗੋਲੀਆਂ, 1 ਜ਼ਖ਼ਮੀ, ਇੱਕ ਦੀ ਮੌਤ