Fazilka Crime News: ਬੈਂਕ `ਚ ਪੈਸੇ ਜਮ੍ਹਾਂ ਕਰਵਾਉਣ ਆਈ ਔਰਤ ਦੇ ਥੈਲੇ ਨੂੰ ਬਲੇਡ ਮਾਰ ਕੇ ਉਡਾਏ ਲੱਖਾਂ ਰੁਪਏ
Fazilka Crime News: ਬੈਂਕ ਵਿੱਚ ਪੈਸੇ ਜਮ੍ਹਾਂ ਕਰਵਾਉਣ ਆਈ ਔਰਤ ਦੇ ਬੈਗ `ਚੋਂ ਕੋਈ ਅਣਪਛਾਤੇ ਚੋਰ ਬਲੇਡ ਮਾਰ ਕੇ ਲੱਖਾਂ ਰੁਪਏ ਉਡਾ ਕੇ ਫ਼ਰਾਰ ਹੋ ਗਿਆ ਹੈ।
Fazilka Crime News: ਅੱਜ ਫਾਜ਼ਿਲਕਾ ਅਰੂਡ ਚੌਕ ਸਥਿਤ ਪੰਜਾਬ ਨੈਸ਼ਨਲ ਬੈਂਕ 'ਚ ਪੈਸੇ ਜਮ੍ਹਾਂ ਕਰਵਾਉਣ ਗਈ ਔਰਤ ਦੇ ਬੈਗ 'ਚੋਂ ਕੋਈ ਅਣਪਛਾਤੇ ਚੋਰ ਬਲੇਡ ਮਾਰ ਕੇ ਲੱਖਾਂ ਰੁਪਏ ਦੀ ਨਕਦੀ ਕੱਟ ਕੇ ਫ਼ਰਾਰ ਹੋ ਗਏ। ਘਟਨਾ ਦਾ ਪਤਾ ਉਦੋਂ ਲੱਗਾ ਜਦੋਂ ਔਰਤ ਪੈਸੇ ਜਮ੍ਹਾਂ ਕਰਵਾਉਣ ਲੱਗੀ। ਇੱਥੇ ਬੈਂਕ ਅਧਿਕਾਰੀਆਂ ਨੇ ਇਸ ਦੀ ਸੂਚਨਾ ਸਿਟੀ ਵਨ ਪੁਲਿਸ ਨੂੰ ਦਿੱਤੀ। ਜਿਸ 'ਤੇ ਪੁਲਿਸ ਸੀਸੀਟੀਵੀ ਦੇ ਆਧਾਰ 'ਤੇ ਜਾਂਚ ਕਰ ਰਹੀ ਹੈ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਹਰਵਿੰਦਰ ਕੌਰ ਪਤਨੀ ਬਲਜੀਤ ਸਿੰਘ ਵਾਸੀ ਕੰਧਵਾਲਾ ਰੋਡ ਅੱਜ ਸਵੇਰੇ ਉਕਤ ਬੈਂਕ ਦੀ ਸ਼ਾਖਾ ਵਿੱਚ ਢਾਈ ਲੱਖ ਰੁਪਏ ਜਮ੍ਹਾਂ ਕਰਵਾਉਣ ਆਈ ਸੀ ਜਿੱਥੇ ਕਾਫੀ ਭੀੜ ਸੀ। ਰਕਮ ਬਹੁਤ ਜ਼ਿਆਦਾ ਹੋਣ ਕਾਰਨ ਉਸ ਨੇ ਕਤਾਰ ਵਿੱਚ ਇੱਕ ਲੱਖ ਰੁਪਏ ਜਮ੍ਹਾਂ ਕਰਵਾ ਦਿੱਤੇ ਤਾਂ ਬੈਂਕ ਅਧਿਕਾਰੀਆਂ ਨੇ ਕਿਹਾ ਕਿ ਉਸ ਤੋਂ ਟੈਕਸ ਵਸੂਲਿਆ ਜਾਵੇਗਾ।
ਜਦੋਂ ਕੁਝ ਮਿੰਟਾਂ ਬਾਅਦ ਉਹ ਮੁੜ ਡੇਢ ਲੱਖ ਰੁਪਏ ਲੈ ਕੇ ਕਤਾਰ ਵਿੱਚ ਖੜ੍ਹੀ ਹੋ ਗਈ ਤਾਂ ਇਸ ਦੌਰਾਨ ਇਸ ਸਮੇਂ ਉਸ ਦੇ ਪਿੱਛੇ ਖੜ੍ਹੇ ਇੱਕ ਨੌਜਵਾਨ ਨੇ ਬੜੀ ਹੁਸ਼ਿਆਰੀ ਨਾਲ ਉਸ ਕੋਲ ਰੱਖੇ ਬੈਗ ਵਿੱਚ ਬਲੇਡ ਨਾਲ ਕੱਟ ਲਗਾ ਕੇ ਪੈਸੇ ਕੱਢ ਲਏ, ਜਿਸ ਦੌਰਾਨ ਉਸ ਦਾ ਮੋਬਾਈਲ ਹੇਠਾਂ ਡਿੱਗ ਗਿਆ।
ਜਦੋਂ ਔਰਤ ਦੀ ਪੈਸੇ ਜਮ੍ਹਾਂ ਕਰਵਾਉਣ ਦੀ ਵਾਰੀ ਆਈ ਸੀ ਤਾਂ ਇਹ ਦੇਖ ਕੇ ਚੋਰ ਉਥੋਂ ਖਿਸਕ ਗਿਆ ਅਤੇ ਜਦੋਂ ਔਰਤ ਨੇ ਬੈਗ 'ਚ ਹੱਥ ਪਾਇਆ ਤਾਂ ਪੈਸੇ ਗਾਇਬ ਸਨ, ਜਦੋਂ ਉਸ ਨੂੰ ਆਪਣਾ ਮੋਬਾਇਲ ਫੋਨ ਡਿੱਗਿਆ ਦੇਖਿਆ ਤਾਂ ਉਸ ਨੇ ਬੈਂਕ ਕਰਮਚਾਰੀਆਂ ਨੂੰ ਇਸ ਦੀ ਸੂਚਨਾ ਦਿੱਤੀ। ਜਿਸ 'ਤੇ ਬੈਂਕ ਮੈਨੇਜਰ ਨੇ ਤੁਰੰਤ ਥਾਣਾ ਸਿਟੀ ਵਨ ਦੀ ਪੁਲਿਸ ਨੂੰ ਸੂਚਨਾ ਦਿੱਤੀ।
ਇਹ ਵੀ ਪੜ੍ਹੋ : Earthquake In Leh: ਭਾਰਤ 'ਚ ਤੜਕੇ ਹੀ ਕੰਬ ਗਈ ਧਰਤੀ, ਕਸ਼ਮੀਰ ਤੋਂ ਲੈ ਕੇ ਲੱਦਾਖ ਤੱਕ ਆਇਆ ਭੂਚਾਲ
ਸੂਚਨਾ ਮਿਲਣ 'ਤੇ ਥਾਣਾ ਸਿਟੀ 1 ਦੀ ਪੁਲਸ ਨੇ ਮੌਕੇ 'ਤੇ ਪਹੁੰਚ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਜਦੋਂ ਬੈਂਕ ਅਧਿਕਾਰੀਆਂ ਨੇ ਉਨ੍ਹਾਂ ਨੂੰ ਮਿਲ ਕੇ ਸੀਸੀਟੀਵੀ ਫੁਟੇਜ ਦੀ ਜਾਂਚ ਕੀਤੀ ਤਾਂ ਔਰਤ ਦੇ ਪਿੱਛੇ ਮਾਸਕ ਪਹਿਨੇ ਇੱਕ ਨੌਜਵਾਨ ਖੜ੍ਹਾ ਦਿਖਾਈ ਦਿੱਤਾ, ਜੋ ਘਟਨਾ ਨੂੰ ਅੰਜਾਮ ਦੇ ਕੇ ਭੱਜ ਗਿਆ।
ਇਹ ਵੀ ਪੜ੍ਹੋ : Delhi Flights News: ਦਿੱਲੀ-ਲਖਨਊ-ਅੰਮ੍ਰਿਤਸਰ ਹਵਾਈ ਅੱਡੇ 'ਤੇ 30 ਤੋਂ ਵੱਧ ਉਡਾਣਾਂ ਲੇਟ, ਧੁੰਦ ਕਾਰਨ ਵਿਜ਼ੀਬਿਲਟੀ ਘਟੀ
ਫਾਜ਼ਿਲਕਾ ਤੋਂ ਨਾਗਪਾਲ ਦੀ ਰਿਪੋਰਟ