Salman Khan News: `35 ਸਾਲ 35 ਦਿਨ ਵਾਂਗ ਲੱਗਦੇ...`, ਸਲਮਾਨ ਖਾਨ ਨੇ ਵੀਡੀਓ ਸਾਂਝਾ ਕਰ ਪ੍ਰਸ਼ੰਸਕਾਂ ਨੂੰ ਦਿੱਤਾ ਇਹ ਸੰਦੇਸ਼

ਅਭਿਨੇਤਾ ਸਲਮਾਨ ਖਾਨ ਨੂੰ ਹਿੰਦੀ ਸਿਨੇਮਾ ਵਿੱਚ 35 ਸਾਲ ਪੂਰੇ ਹੋ ਗਏ ਹਨ। ਸੁਪਰਸਟਾਰ ਇੱਕ ਸਫਲ ਨਿਰਮਾਤਾ ਵੀ ਬਣ ਚੁੱਕੇ ਹਨ ਅਤੇ ਸਾਲ 2011 ਵਿੱਚ 'ਸਲਮਾਨ ਖਾਨ ਫਿਲਮਜ਼' ਦੀ ਸ਼ੁਰੂਆਤ ਕੀਤੀ। ਜਿਸ ਤੋਂ ਬਾਅਦ ਉਨ੍ਹਾਂ ਨੇ 'ਚਿੱਲਰ ਪਾਰਟੀ' ਵਰਗੀਆਂ ਫਿਲਮਾਂ ਕੀਤੀਆਂ। ਮੈਗਾ-ਬਲਾਕਬਸਟਰ 'ਬਜਰੰਗੀ ਭਾਈਜਾਨ', ਜਿਸ ਨੇ ਨਾ ਸਿਰਫ ਬਾਕਸ ਆਫਿਸ ਗੇਮ ਜਿੱਤੀ ਬਲਕਿ ਉਸ ਨੂੰ ਕਈ ਪੁਰਸਕਾਰ ਅਤੇ ਪ੍ਰਸ਼ੰਸਾ ਵੀ ਹਾਸਲ ਕੀਤੀ।

ਇੰਡਸਟਰੀ ਵਿੱਚ ਆਪਣੇ 35 ਸਾਲ ਪੂਰੇ ਹੋਣ ਦਾ ਜਸ਼ਨ ਮਨਾਉਣ ਲਈ, ਬਾਲੀਵੁੱਡ ਵਿੱਚ ਉਨ੍ਹਾਂ ਦੇ ਲੰਬੇ ਸਫ਼ਰ ਨੂੰ ਯਾਦ ਕਰਦੇ ਹੋਏ ਸੋਸ਼ਲ ਮੀਡੀਆ 'ਤੇ ਇੱਕ ਪੋਸਟ ਸ਼ੇਅਰ ਕੀਤੀ ਹੈ।

        View this post on Instagram                      

A post shared by Salman Khan (@beingsalmankhan)

ਇੰਸਟਾਗ੍ਰਾਮ 'ਤੇ ਕੈਪਸ਼ਨ ਦੇ ਨਾਲ ਇੱਕ ਛੋਟੀ ਕਲਿੱਪ ਸਾਂਝੀ ਕੀਤੀ ਅਤੇ "ਸਲਮਾਨ ਖਾਨ ਦੇ ਸਿਨੇਮਾ ਦੇ ਨਾਲ ਰੋਮਾਂਸ ਦੇ 35 ਸਾਲ, ਇੱਕ ਐਕਸ਼ਨ ਨਾਲ ਭਰਪੂਰ ਯਾਤਰਾ ਅਤੇ ਇੱਕ ਵਿਰਾਸਤ ਜੋ ਜਾਰੀ ਰਹੇਗੀ #35YearsOfSalmanKhanReign."

ਅਭਿਨੇਤਾ ਸਲਮਾਨ ਖਾਨ ਹਿੰਦੀ ਸਿਨੇਮਾ ਵਿੱਚ ਬਹੁਤ ਫ਼ਿਲਮਾਂ ਕੀਤੀਆਂ ਹਨ ਜਿਵੇਂ 'ਪਿਆਰ ਕਿਆ ਤੋ ਡਰਨਾ ਕਿਆ', 'ਵਾਂਟੇਡ', 'ਦਬੰਗ', 'ਸੁਲਤਾਨ', 'ਬਾਡੀਗਾਰਡ' ਅਤੇ 'ਟਾਈਗਰ' ਵਰਗੀਆਂ ਕੁਝ ਸਭ ਤੋਂ ਮਸ਼ਹੂਰ ਫਿਲਮਾਂ ਹਨ। ਉਸ ਦੇ ਸਭ ਤੋਂ ਮਸ਼ਹੂਰ ਡਾਇਲਾਗ ਅਤੇ ਕਲਿੱਪਸ ਵੀ ਇਸ ਵੀਡੀਓ ਵਿੱਚ ਨਜ਼ਰ ਆ ਰਹੇ ਹਨ।

ਸਲਮਾਨ ਖਾਨ ਨੂੰ ਇੰਡਸਟਰੀ 'ਚ 'ਦਬੰਗ' ਕਿਹਾ ਜਾਂਦਾ ਹੈ। ਉਨ੍ਹਾਂ ਨੇ ਆਪਣੇ ਕਰੀਅਰ 'ਚ ਕਈ ਸ਼ਾਨਦਾਰ ਫਿਲਮਾਂ ਕੀਤੀਆਂ। ਫ਼ਿਲਮਾਂ ਵਿੱਚ ਉਸ ਦੇ ਦਮਦਾਰ ਡਾਇਲਾਗ ਕੁਝ ਹੋਰ ਹੀ ਸਨ।

ਸਾਲ 1988 'ਚ ਸਲਮਾਨ ਖਾਨ ਨੇ ਫਿਲਮ 'ਬੀਵੀ ਹੋ ਤੋਂ ਐਸੀ' ਨਾਲ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ। ਅੱਜ 35 ਸਾਲ ਬਾਅਦ ਵੀ ਭਾਈਜਾਨ ਦਾ ਸੁਹਜ ਘੱਟ ਨਹੀਂ ਹੋਇਆ ਹੈ। ਹਾਲ ਹੀ ਵਿੱਚ, ਅਦਾਕਾਰ ਨੇ ਪ੍ਰਸ਼ੰਸਕਾਂ ਦਾ ਧੰਨਵਾਦ ਕਰਦੇ ਹੋਏ ਸੋਸ਼ਲ ਮੀਡੀਆ 'ਤੇ ਇੱਕ ਵੀਡੀਓ ਸ਼ੇਅਰ ਕੀਤਾ ਹੈ।