Honey Singh Documentary Film News: ਹਨੀ ਸਿੰਘ ਦੀ ਜ਼ਿੰਦਗੀ `ਤੇ ਦਸਤਾਵੇਜ਼ੀ ਫਿਲਮ ਬਣਾਏਗੀ ਗੁਨੀਤ ਮੋਂਗਾ, ਨੈਟਫਿਲਕਸ ਦਾ ਮਿਲਿਆ ਸਾਥ

Honey Singh documentary film News: ਆਸਕਰ ਜੇਤੂ ਗੁਨੀਤ ਮੋਂਗਾ ਮਸ਼ਹੂਰ ਰੈਪਰ ਤੇ ਹਿਪ-ਹੌਪ ਕਲਾਕਾਰ ਉਤੇ ਦਸਤਾਵੇਜ਼ੀ ਫਿਲਮ ਬਣਾਉਣ ਜਾ ਰਹੀ ਹੈ। ਇਸ ਫਿਲਮ ਲਈ ਗੁਨੀਤ ਮੋਂਗਾ ਨੂੰ ਨੈਟਫਿਲਕਸ ਦਾ ਸਾਥ ਮਿਲਿਆ ਹੈ।

Honey Singh documentary film News: ਅੱਜ ਮਸ਼ਹੂਰ ਹਿਪ-ਹੌਪ ਕਲਾਕਾਰ ਤੇ ਰੈਪਰ ਯੋ ਯੋ ਹਨੀ ਸਿੰਘ ਆਪਣਾ ਜਨਮਦਿਨ ਮਨਾ ਰਹੇ ਹਨ। ਉਨ੍ਹਾਂ ਦੇ ਜਨਮ ਦਿਨ ਦੇ ਮੌਕੇ 'ਤੇ ਪ੍ਰਸ਼ੰਸਕਾਂ ਲਈ ਇੱਕ ਵੱਡੀ ਖ਼ਬਰ ਸਾਹਮਣੇ ਆ ਰਹੀ ਹੈ। ਹਨੀ ਸਿੰਘ 'ਤੇ ਇੱਕ ਦਸਤਾਵੇਜ਼ੀ ਫਿਲਮ ਬਣਨ ਜਾ ਰਹੀ ਹੈ। ਇਸ ਤੋਂ ਵੀ ਦਿਲਚਸਪ ਗੱਲ ਇਹ ਹੈ ਕਿ ਆਸਕਰ ਜੇਤੂ ਫ਼ਿਲਮਸਾਜ਼ ਗੁਨੀਤ ਮੋਂਗਾ ਨੇ ਇਸ ਦਸਤਾਵੇਜ਼ੀ ਫਿਲਮ ਨੂੰ ਬਣਾਉਣ ਦਾ ਬੀੜਾ ਚੁੱਕਿਆ ਹੈ। ਹਨੀ ਸਿੰਘ 'ਤੇ ਆਧਾਰਿਤ ਇਹ ਫਿਲਮ ਗੁਨੀਤ ਮੋਂਗਾ ਦੇ ਸਾਖਿਆ ਇੰਟਰਟੇਨਮੈਂਟ  ਦੇ ਬੈਨਰ ਹੇਠ ਬਣਾਈ ਜਾਵੇਗੀ। ਹਨੀ ਸਿੰਘ ਦੀ ਡਾਕੂਮੈਂਟਰੀ ਫਿਲਮ ਨੈਟਫਲਿਕਸ 'ਤੇ ਆਵੇਗੀ।

ਦਸਤਾਵੇਜ਼ੀ ਫਿਲਮ ਰਾਹੀਂ ਪ੍ਰਸ਼ੰਸਕ ਰੈਪਰ ਦੀ ਜ਼ਿੰਦਗੀ ਅਤੇ ਸੰਘਰਸ਼ ਤੋਂ ਜਾਣੂ ਹੋ ਸਕਣਗੇ। ਖਾਸ ਗੱਲ ਇਹ ਹੈ ਕਿ ਹਨੀ ਸਿੰਘ ਦਾ ਕ੍ਰੇਜ਼ ਪੂਰੀ ਦੁਨੀਆ 'ਚ ਹੈ। ਉਨ੍ਹਾਂ ਦੇ ਗੀਤਾਂ ਨੂੰ ਨੌਜਵਾਨਾਂ ਵਿੱਚ ਖਾਸਾ ਪਸੰਦ ਕੀਤਾ ਜਾਂਦਾ ਹੈ। ਹਾਲਾਂਕਿ ਹਨੀ ਸਿੰਘ ਕਾਫੀ ਵਿਵਾਦਾਂ 'ਚ ਘਿਰੇ ਰਹੇ ਸਨ। ਆਪਣੇ ਕਰੀਅਰ ਦੇ ਸਿਖਰ 'ਤੇ ਹਨੀ ਸਿੰਘ ਅਚਾਨਕ ਗਾਇਬ ਹੋ ਗਏ ਅਤੇ ਫਿਰ ਅਚਾਨਕ ਉਨ੍ਹਾਂ ਨੇ ਆਪਣੀ ਬਿਮਾਰੀ ਦਾ ਐਲਾਨ ਕਰਕੇ ਸਭ ਨੂੰ ਹੈਰਾਨ ਕਰ ਦਿੱਤਾ। ਇਸ ਦਰਮਿਆਨ ਹਨੀ ਸਿੰਘ ਡਿਪਰੈਸ਼ਨ ਦਾ ਸ਼ਿਕਾਰ ਵੀ ਰਿਹਾ ਹੈ। ਹਨੀ ਸਿੰਘ ਦੀ ਜ਼ਿੰਦਗੀ ਕਾਫੀ ਉਤਰਾਅ-ਚੜ੍ਹਾਅ ਨਾਲ ਭਰੀ ਰਹੀ ਹੈ, ਜਿਸ ਨੂੰ ਹੁਣ ਪਰਦੇ 'ਤੇ ਦੇਖਿਆ ਜਾ ਸਕਦਾ ਹੈ।

ਇਹ ਫਿਲਮ ਆਸਕਰ ਜੇਤੂ ਸਾਖਿਆ ਇੰਟਰਟੇਨਮੈਂਟ ਦੇ ਬੈਨਰ ਹੇਠ ਬਣਾਈ ਜਾ ਰਹੀ ਹੈ। ਇਸ ਦੇ ਨਾਲ ਹੀ ਇਸ ਦਾ ਨਿਰਦੇਸ਼ਨ ਮੋਜ਼ੇ ਸਿੰਘ ਕਰਨਗੇ। ਤੁਹਾਨੂੰ ਦੱਸ ਦੇਈਏ ਕਿ ਮੂਲ ਰੂਪ ਤੋਂ ਦਿੱਲੀ ਦੇ ਰਹਿਣ ਵਾਲੇ ਹਨੀ ਸਿੰਘ ਨੇ ਸਾਲ 2003 ਵਿੱਚ ਇੰਡਸਟਰੀ ਵਿੱਚ ਕਦਮ ਰੱਖਿਆ ਸੀ। ਉਸਨੇ ਇੱਕ ਰਿਕਾਰਡਿੰਗ ਕਲਾਕਾਰ ਦੇ ਰੂਪ ਵਿੱਚ ਸ਼ੁਰੂਆਤ ਕੀਤੀ ਅਤੇ ਫਿਰ ਇੱਕ ਭੰਗੜਾ ਅਤੇ ਹਿਪ ਹੌਪ ਸੰਗੀਤ ਨਿਰਮਾਤਾ ਬਣ ਗਿਆ। ਹੌਲੀ-ਹੌਲੀ ਉਸ ਨੇ ਆਪਣੇ ਗੀਤਾਂ ਰਾਹੀਂ ਪ੍ਰਸ਼ੰਸਕਾਂ ਨੂੰ ਦੀਵਾਨਾ ਬਣਾਉਣਾ ਸ਼ੁਰੂ ਕਰ ਦਿੱਤਾ। ਸਾਲ 2011 ਤੱਕ ਉਸ ਦਾ ਕ੍ਰੇਜ਼ ਉਸ ਦੇ ਪ੍ਰਸ਼ੰਸਕਾਂ ਦੇ ਸਿਰ 'ਤੇ ਬੋਲਣ ਲੱਗਾ। ਉਸ ਨੇ ਬਾਲੀਵੁੱਡ ਨੂੰ ਦੇਸੀ ਕਲਾਕਰ, ਬਲੂ ਆਈਜ਼, ਡੋਪ ਸ਼ਾਪ ਅਤੇ ਭੂਰੇ ਰੰਗ ਵਰਗੇ ਕਈ ਹਿੱਟ ਗੀਤ ਦਿੱਤੇ ਹਨ।

ਇਹ ਵੀ ਪੜ੍ਹੋ : Schools Closed News: H3N2 ਵਾਇਰਸ ਦੇ ਕਹਿਰ ਵਿਚਾਲੇ ਇਸ ਸੂਬੇ 'ਚ ਸਕੂਲ ਬੰਦ

ਦਸਤਾਵੇਜ਼ੀ ਫਿਲਮ ਹਨੀ ਸਿੰਘ ਦੀ ਪੇਸ਼ੇਵਰ ਜ਼ਿੰਦਗੀ ਦੇ ਨਾਲ-ਨਾਲ ਨਿੱਜੀ ਜ਼ਿੰਦਗੀ 'ਤੇ ਵੀ ਰੌਸ਼ਨੀ ਪਵੇਗੀ। ਉਨ੍ਹਾਂ ਦੇ ਪਰਿਵਾਰ ਅਤੇ ਦੋਸਤਾਂ ਦੀ ਝਲਕ ਵੀ ਦੇਖਣ ਨੂੰ ਮਿਲੇਗੀ। ਇਸ ਡਾਕੂਮੈਂਟਰੀ ਫਿਲਮ ਬਾਰੇ ਹਨੀ ਸਿੰਘ ਕਹਿੰਦੇ ਹਨ, 'ਮੈਂ ਹਮੇਸ਼ਾ ਮੀਡੀਆ ਦੇ ਸਾਹਮਣੇ ਆਪਣੀ ਨਿੱਜੀ ਅਤੇ ਪੇਸ਼ੇਵਰ ਜ਼ਿੰਦਗੀ ਬਾਰੇ ਖੁੱਲ੍ਹ ਕੇ ਗੱਲ ਕੀਤੀ ਹੈ ਪਰ ਮੈਂ ਇਸਨੂੰ ਸਭ ਦੇ ਸਾਹਮਣੇ ਕਦੇ ਨਹੀਂ ਰੱਖ ਸਕਿਆ। ਮੈਨੂੰ ਮੇਰੇ ਪ੍ਰਸ਼ੰਸਕਾਂ ਤੋਂ ਬਹੁਤ ਪਿਆਰ ਮਿਲਿਆ ਹੈ, ਉਹ ਮੇਰੀ ਪੂਰੀ ਕਹਾਣੀ ਜਾਣਨ ਦੇ ਹੱਕਦਾਰ ਹਨ। ਉਹ ਇਸ ਨੈਟਫਲਿਕਸ ਡਾਕੂਮੈਂਟਰੀ ਫਿਲਮ ਰਾਹੀਂ ਮੈਨੂੰ ਜਾਣਨਗੇ। ਮੇਰੀ ਜ਼ਿੰਦਗੀ, ਮੇਰਾ ਪਾਲਣ ਪੋਸ਼ਣ, ਮੈਂ ਜਿੱਥੋਂ ਦਾ ਹਾਂ, ਬਾਲੀਵੁੱਡ ਤੋਂ ਬ੍ਰੇਕ ਤੇ ਵਾਪਸੀ ਸਮੇਤ ਸਾਰੇ ਪਹਿਲੂਆਂ ਨੂੰ ਪੂਰੀ ਇਮਾਨਦਾਰੀ ਨਾਲ ਰੱਖਿਆ ਜਾਵੇਗਾ।