ਬਾਗ਼ੀ ਸਿੱਧੂ ਦਾ ਫਿਰ ਤੋਂ ਕੈਪਟਨ `ਤੇ ਨਿਸ਼ਾਨਾ ਕਿਹਾ ਸਾਡੇ ਵਿਧਾਇਕਾਂ ਦੇ ਨਹੀਂ ਮੰਨਦੇ ਅਫ਼ਸਰ ਤੇ ਪੁਲਿਸ `ਇਨ੍ਹਾਂ` ਦਾ ਚਲਦਾ ਹੈ ਰਾਜ਼
ਨਵਜੋਤ ਸਿੰਘ ਸਿੱਧੂ ਅਤੇ ਕੈਪਟਨ ਸਰਕਾਰ ਦੇ ਵਿਚਕਾਰ ਠਣੀ ਪਈ ਹੈ. ਲਗਾਤਾਰ ਸਿੱਧੂ ਆਕਰਾਮਕ ਤੇਵਰ ਦਿਖਾਉਂਦੇ ਨਜ਼ਰ ਆ ਰਹੇ ਹਨ ਅਤੇ ਟਵਿੱਟਰ ਤੇ ਸਰਗਰਮ ਹਨ.
ਨੀਤਿਕਾ ਮਹੇਸ਼ਵਰੀ /ਚੰਡੀਗੜ੍ਹ : ਨਵਜੋਤ ਸਿੰਘ ਸਿੱਧੂ ਅਤੇ ਕੈਪਟਨ ਸਰਕਾਰ ਦੇ ਵਿਚਕਾਰ ਠਣੀ ਪਈ ਹੈ. ਲਗਾਤਾਰ ਸਿੱਧੂ ਆਕਰਾਮਕ ਤੇਵਰ ਦਿਖਾਉਂਦੇ ਨਜ਼ਰ ਆ ਰਹੇ ਹਨ ਅਤੇ ਟਵਿੱਟਰ ਤੇ ਸਰਗਰਮ ਹਨ. ਜਿਸ ਵਿੱਚ ਉਹ ਕੈਪਟਨ ਦੇ ਉੱਤੇ ਨਿਸ਼ਾਨਾ ਸਾਧਣ ਤੋਂ ਨਹੀਂ ਝੁਕਦੇ। ਕਦੇ ਬੇਅਦਬੀ ਦੇ ਮੁੱਦੇ ਤੇ ਕਦੀ ਐੱਸਆਈਟੀ ਦੇ ਮੁੱਦੇ ਤੇ ਲਗਾਤਾਰ ਸਰਕਾਰ ਨੂੰ ਸ਼ੀਸ਼ਾ ਵਿਖਾ ਰਹੇ ਹਨ. ਅੱਜ ਫੇਰ ਨਵਜੋਤ ਸਿੰਘ ਸਿੱਧੂ ਦੇ ਵੱਲੋਂ ਇੱਕ ਟਵੀਟ ਕੀਤਾ ਗਿਆ ਹੈ ਜਿਸ ਵਿੱਚ ਉਨ੍ਹਾਂ ਨੇ ਸਿੱਧਾ ਸੱਤਾ ਦੇ ਉਤੇ ਨਿਸ਼ਾਨਾ ਸਾਧਿਆ ਹੈ
ਨਵਜੋਤ ਸਿੰਘ ਸਿੱਧੂ ਨੇ ਆਪਣੇ ਟਵੀਟ ਵਿੱਚ ਲਿਖਿਆ ਪੰਜਾਬ ਦੇ ਬਹੁਤ ਸਾਰੇ ਵਿਧਾਇਕ ਇਸ ਗੱਲ ਉਤੇ ਸਹਿਮਤ ਹਨ ਕਿ ਪੰਜਾਬ ਵਿੱਚ ਕਾਂਗਰਸ ਸਰਕਾਰ ਦੀ ਥਾਂ ਬਾਦਲਾਂ ਦੀ ਹਕੂਮਤ ਚੱਲ ਰਹੀ ਹੈ ਪੁਲਿਸ ਅਤੇ ਅਫ਼ਸਰ ਪਹਿਲਾਂ ਹੀ ਬਾਦਲ ਪਰਿਵਾਰ ਦੇ ਮੁਤਾਬਿਕ ਕੰਮ ਕਰਦੇ ਹਨ ਉਹ ਸਾਡੇ ਵਿਧਾਇਕਾਂ ਅਤੇ ਵਰਕਰਾਂ ਦੀ ਗੱਲ ਨਹੀਂ ਸੁਣਦੇ ਏਦਾਂ ਲੱਗਦਾ ਹੈ ਜਿਵੇਂ ਹੁਣ ਸਰਕਾਰ ਲੋਕ ਭਲਾਈ ਨਹੀਂ ਮਾਫ਼ੀਆ ਰਾਜ ਨੂੰ ਚਲਾਈ ਰੱਖਣ ਦੇ ਲਈ ਚੱਲ ਰਹੀ ਹੈ
ਦੱਸ ਦਈਏ ਕਿ ਜ਼ੀ ਮੀਡੀਆ ਦੇ ਵੱਲੋਂ ਕੈਪਟਨ ਅਮਰਿੰਦਰ ਸਿੰਘ ਦਾ ਇੰਟਰਵਿਊ ਕੀਤਾ ਗਿਆ ਸੀ ਜਿਸਦੇ ਵਿਚ ਉਹਨਾਂ ਨੇ ਸਿੱਧੂ ਦੇ ਉੱਤੇ ਆਪਣੀ ਰਾਇ ਸਾਫ ਕੀਤੀ ਸੀ ਕਿ ਸਿੱਧੂ ਨੂੰ ਕਰੜੇ ਲਫ਼ਜ਼ਾਂ ਵਿੱਚ ਲਤਾੜਿਆ ਸੀ ਇਸ ਤੋਂ ਬਾਅਦ ਲਗਾਤਾਰ ਸਿੱਧੂ ਟਵੀਟ ਕਰ ਕੇ ਆਪਣੀ ਭੜਾਸ ਕੱਢ ਰਹੇ ਸਨ ਇਸ ਤੋਂ ਪਹਿਲਾਂ ਨਵਜੋਤ ਸਿੰਘ ਸਿੱਧੂ ਦੇ ਵੱਲੋਂ ਸ਼ਨੀਵਾਰ ਨੂੰ ਟਵੀਟ ਕੀਤਾ ਗਿਆ ਸੀ ਜਿਸਦੇ ਵਿਚ ਉਨ੍ਹਾਂ ਨੇ ਨਵੀਂ ਬਣੀ ਸਿੱਟ ਦੇ ਉੱਤੇ ਆਪਣੀ ਰਾਏ ਰੱਖੀ ਸੀ ਇੱਥੇ ਹੀ ਲਗਾਤਾਰ ਸਿੱਧੂ ਕੈਪਟਨ ਅਤੇ ਕਾਂਗਰਸ ਪਾਰਟੀ ਨੂੰ ਨਿਸ਼ਾਨੇ ਤੇ ਲੈ ਰਹੇ ਹਨ ਉਨ੍ਹਾਂ ਦੀਆਂ ਗੁਪਤ ਮੀਟਿੰਗਾਂ ਵੀ ਨਵੇਂ ਧੜੇ ਵੱਲ ਇਸ਼ਾਰਾ ਕਰ ਰਹੀਆਂ ਹਨ
WATCH LIVE TV