Punjab News: ਪੁੱਡਾ ਦੇ ਚੀਫ ਇੰਜੀਨੀਅਰ ਨੂੰ ਐਕਸਟੈਂਸ਼ਨ ਦੇਣ ਉਤੇ ਖੜ੍ਹੇ ਹੋਏ ਸਵਾਲ

Punjab News:  ਪੰਜਾਬ ਅਰਬਨ ਡਿਵੈਲਪਮੈਂਟ ਅਥਾਰਿਟੀ (ਪੁਡਾ) ਦੇ ਇੰਜੀਨੀਅਰ-ਇਨ-ਚੀਫ ਰਾਜੀਵ ਮੌਦਗਿੱਲ ਨੂੰ ਰਿਟਾਇਰਮੈਂਟ ਤੋਂ ਬਾਅਦ ਇਸ ਅਹੁਦੇ ਲਈ ਯੋਗ ਸੁਪਰਡੈਂਟ ਇੰਜੀਨੀਅਰ (ਐਸਈ) ਨੂੰ ਦਰਕਿਨਕਾਰ ਕਰਕੇ ਚਾਰ ਮਹੀਨੇ ਦੀ ਉਸੇ ਤਨਖਾਹ ਉਪਰ ਐਕਸਟੈਂਸ਼ਨ ਦੇ ਦਿੱਤੀ ਗਈ ਹੈ। ਇਸ ਮਾਮਲੇ ਵਿੱਚ ਪੂਰੇ ਡਿਪਾਰਟਮੈਂਟ ਵਿੱਚ ਦਿੱਲੀ ਤੋਂ ਲੈ ਕੇ ਚੰਡੀਗੜ੍ਹ ਤੱਕ ਦੀਆਂ ਚਰਚਾਵਾਂ ਦਾ ਬਾਜ਼ਾਰ ਗਰਮ ਹੈ।

ਇਹ ਹੁਕਮ ਇੰਨੀ ਜਲਦਬਾਜ਼ੀ ਵਿੱਚ ਦਿੱਤੇ ਗਏ ਹਨ ਕਿ ਆਦੇਸ਼ ਦੇ ਪੱਤਰ ਉਤੇ ਨਾਲ ਤਾਰੀਕ ਪਾਈ ਗਈ ਹੈ ਅਤੇ ਨਾ ਹੀ ਡਿਸਪੈਚ ਨੰਬਰ ਪਾਇਆ ਗਿਆ। ਇਸ ਤੋਂ ਇਲਾਵਾ ਕਾਊਂਟਰ ਸਿਗਨੇਚਰ ਵੀ ਨਹੀਂ ਕੀਤੇ ਗਏ ਹਨ। ਪੁਡਾ ਵਿੱਚ ਅਜਿਹਾ ਕਦੇ ਨਹੀਂ ਹੋਇਆ ਕਿ ਕਿਸੇ ਅਧਿਕਾਰੀ ਨੂੰ ਰਿਟਾਇਰਮੈਂਟ ਤੋਂ ਬਾਅਦ ਬਾਅਦ ਉਸ ਪੋਸਟ ਲਈ ਯੋਗ ਅਧਿਕਾਰੀ ਹੋਣ ਦੇ ਬਾਵਜੂਦ ਵਿਸਥਾਰ ਦਿੱਤਾ ਗਿਆ ਹੋਵੇ।

ਇਹ ਵੀ ਪੜ੍ਹੋ : Punjab Ghaggar River: ਹਿਮਾਚਲ ਪ੍ਰਦੇਸ਼ 'ਚ ਪੈ ਰਿਹਾ ਮੀਂਹ ਹੁਣ ਪੰਜਾਬ 'ਚ ਮਚਾ ਸਕਦਾ ਤਬਾਹੀ! ਘੱਗਰ ਨਦੀ ਦਾ ਵਧਿਆ ਪਾਣੀ

ਜੇਕਰ ਡਿਪਾਰਟਮੈਂ ਵਿੱਚ ਯੋਗ ਅਧਿਕਾਰੀ ਨਹੀਂ ਹੁੰਦਾ ਤਾਂ ਇਸ ਵੱਡੀ ਪੋਸਟ ਲਈ ਡੈਪੂਟੇਸ਼ਨ ਉਤੇ ਕਿਸੇ ਹੋਰ ਡਿਪਾਰਟਮੈਂਟ ਤੋਂ ਇੰਜੀਨੀਅਰ ਨੂੰ ਲਿਆਂਦਾ ਜਾਂਦਾ ਹੈ। ਜੇਕਰ ਕਿਸੇ ਨੂੰ ਰਿਟਾਇਰਮੈਂਟ ਤੋਂ ਬਾਅਦ ਉਸ ਪੋਸਟ ਉਪਰ ਰੱਖਣਾ ਹੈ ਤਾਂ ਇਸ ਲਈ ਪਬਲਿਕ ਨੋਟਿਸ ਜਾਰੀ ਕੀਤਾ ਜਾਂਦਾ ਜੋ ਯੋਗ ਉਮੀਦਵਾਰ ਹਨ, ਉਨ੍ਹਾਂ ਵਿੱਚੋਂ ਕਿਸੇ ਦੀ ਚੋਣ ਕੀਤੀ ਜਾਂਦੀ ਹੈ।