Zirakpur News: ਜ਼ੀਰਕਪੁਰ ਪੁਲਿਸ ਵੱਲੋਂ ਛਾਪਾ, 3 ਲੱਖ ਰੁਪਏ ਕੀਮਤ ਦੀ 142 ਈ ਸਿਗਰਟ ਕੀਤੇ ਬਰਾਮਦ, ਕੇਸ ਦਰਜ
Zirakpur News: ਜ਼ੀਰਕਪੁਰ ਇਲਾਕੇ `ਚੋਂ ਵੱਡੀ ਮਾਤਰਾ `ਚ ਈ-ਸਿਗਰੇਟ ਵੇਪ ਬਰਾਮਦ ਕੀਤੀ ਗਈ ਹੈ। ਗੁਪਤ ਸੂਚਨਾ ਦੇ ਆਧਾਰ `ਤੇ ਪੁਲਸ ਨੇ ਨੋਡਲ ਅਫਸਰ ਦੀ ਮੌਜੂਦਗੀ `ਚ ਛਾਪੇਮਾਰੀ ਕੀਤੀ।
Zirakpur News/ ਕੁਲਦੀਪ ਸਿੰਘ: ਗੁਪਤ ਸੂਚਨਾ ਦੇ ਆਧਾਰ 'ਤੇ ਜ਼ੀਰਕਪੁਰ ਪੁਲਸ ਨੇ ਨੋਡਲ ਅਫਸਰ ਦੀ ਮੌਜੂਦਗੀ 'ਚ ਵੀ.ਆਈ.ਪੀ ਰੋਡ 'ਤੇ ਸਥਿਤ ਚਾਰ ਦੁਕਾਨਾਂ 'ਤੇ ਛਾਪੇਮਾਰੀ ਕਰਕੇ ਵੱਡੀ ਮਾਤਰਾ 'ਚ ਈ-ਸਿਗਰੇਟ ਵੈਪ ਬਰਾਮਦ ਕਰਨ ''ਚ ਸਫਲਤਾ ਹਾਸਲ ਕੀਤੀ ਹੈ। ਪੁਲੀਸ ਨੇ ਦੁਕਾਨ ਮਾਲਕਾਂ ਤੇ ਉਨ੍ਹਾਂ ਦੇ ਮੁਲਾਜ਼ਮਾਂ ਖ਼ਿਲਾਫ਼ ਕੇਸ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ। ਡੀਐਸਪੀ ਜਸਪਿੰਦਰ ਸਿੰਘ ਗਿੱਲ ਨੇ ਦੱਸਿਆ ਕਿ ਪੁਲੀਸ ਨੂੰ ਗੁਪਤ ਸੂਚਨਾ ਮਿਲੀ ਸੀ ਕਿ ਭਾਰਤ ਵਿੱਚ ਪਾਬੰਦੀਸ਼ੁਦਾ ਈ-ਸਿਗਰੇਟ ਵੈਪ ਜ਼ੀਰਕਪੁਰ ਦੇ ਵੀਆਈਪੀ ਰੋਡ ’ਤੇ ਕਈ ਦੁਕਾਨਾਂ ਵਿੱਚ ਖੁੱਲ੍ਹੇਆਮ ਵੇਚੀ ਜਾ ਰਹੀ ਹੈ।
ਉਨ੍ਹਾਂ ਦੱਸਿਆ ਕਿ ਸੂਚਨਾ ਦੇ ਆਧਾਰ 'ਤੇ ਨੋਡਲ ਅਫ਼ਸਰ ਨਵਦੀਪ ਸਿੰਘ ਦੀ ਹਾਜ਼ਰੀ 'ਚ ਛਾਪੇਮਾਰੀ ਕੀਤੀ ਗਈ, ਜਿੱਥੇ ਚਾਰ ਦੁਕਾਨਾਂ ਤੋਂ 142 ਈ-ਸਿਗਰੇਟ ਦੀਆਂ ਵੇਪਾਂ ਜ਼ਬਤ ਕੀਤੀਆਂ ਗਈਆਂ ਜਿਸ ਦੀ ਬਾਜ਼ਾਰੀ ਕੀਮਤ ਕਰੀਬ 3 ਲੱਖ ਰੁਪਏ ਹੈ। ਉਨ੍ਹਾਂ ਦੱਸਿਆ ਕਿ ਇਸ ਕਾਰਵਾਈ ਦੌਰਾਨ ਦੁਕਾਨਦਾਰਾਂ ਸਮੇਤ ਕੁੱਲ 10 ਲੋਕਾਂ ਨੂੰ ਗ੍ਰਿਫਤਾਰ ਕਰਕੇ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਪੁਲਿਸ ਨੇ ਦੱਸਿਆ ਕਿ ਮੁਲਜ਼ਮ ਦਿੱਲੀ ਤੋਂ ਸਸਤੇ ਭਾਅ ''ਤੇ ਈ-ਸਿਗਰੇਟ ਦੀ ਵੇਪ ਲਿਆ ਕੇ ਮਹਿੰਗੇ ਭਾਅ 'ਤੇ ਵੇਚਦੇ ਸਨ।
ਇਹ ਵੀ ਪੜ੍ਹੋ: Ravana Daha In Amritsar: CM ਭਗਵੰਤ ਮਾਨ ਦੇ ਪ੍ਰੋਗਰਾਮ 'ਚ ਮਚਿਆ ਹੜਕੰਪ, ਲੋਕਾਂ ਭੱਜ ਕੇ ਆਪਣੀ ਬਚਾਈ ਜਾਣ
ਕੀ ਹੁੰਦਾ ਹੈ ਈ - ਸਿਗਰੇਟ
ਈ-ਸਿਗਰੇਟ (ਇਲੈਕਟ੍ਰਾਨਿਕ ਸਿਗਰੇਟ) ਇੱਕ ਯੰਤਰ ਹੈ ਜੋ ਇੱਕ ਆਮ ਸਿਗਰਟ ਵਰਗਾ ਦਿਖਾਈ ਦਿੰਦਾ ਹੈ। ਈ-ਸਿਗਰੇਟ ਦਾ ਬਾਹਰੀ ਹਿੱਸਾ ਸਿਗਰੇਟ ਅਤੇ ਸਿਗਾਰ ਦੇ ਸਮਾਨ ਤਿਆਰ ਕੀਤਾ ਗਿਆ ਹੈ। ਇੱਕ ਇਲੈਕਟ੍ਰਾਨਿਕ ਸਿਗਰੇਟ ਇੱਕ ਬੈਟਰੀ ਨਾਲ ਚੱਲਣ ਵਾਲਾ ਯੰਤਰ ਹੈ ਜੋ ਨਿਕੋਟੀਨ ਦੇ ਘੋਲ ਨੂੰ ਧੂੰਏਂ ਵਿੱਚ ਬਦਲਦਾ ਹੈ। ਇਹ ਧੂੰਆਂ ਇੱਕ ਰਵਾਇਤੀ ਸਿਗਰਟ ਵਾਂਗ ਫੇਫੜਿਆਂ ਵਿੱਚ ਸਾਹ ਲਿਆ ਜਾ ਸਕਦਾ ਹੈ। ਧਿਆਨ ਵਿੱਚ ਰੱਖੋ ਕਿ ਈ-ਸਿਗਰੇਟ ਵਿੱਚ ਤੰਬਾਕੂ ਨਹੀਂ ਹੁੰਦਾ ਹੈ ਪਰ ਇਸ ਦੇ ਸਿਗਰਟ ਪੀਣ ਵਾਲੇ ਮਹਿਸੂਸ ਕਰਦੇ ਹਨ ਜਿਵੇਂ ਉਹ ਇੱਕ ਅਸਲੀ ਸਿਗਰਟ ਪੀ ਰਹੇ ਹਨ।
ਦੇਸ਼ ਵਿੱਚ ਪ੍ਰਤੀਬੰਧਿਤ ਹੈ ਈ ਸਿਗਰੇਟ
ਕੇਂਦਰੀ ਮੰਤਰੀ ਮੰਡਲ ਨੇ 18 ਸਤੰਬਰ 2019 ਤੋਂ ਦੇਸ਼ ਵਿੱਚ ਈ-ਸਿਗਰੇਟ ਦੇ ਉਤਪਾਦਨ, ਵਿਕਰੀ, ਨਿਰਯਾਤ, ਆਯਾਤ, ਇਸ਼ਤਿਹਾਰਬਾਜ਼ੀ, ਸਟੋਰੇਜ ''ਤੇ ਪਾਬੰਦੀ ਲਗਾਉਣ ਦਾ ਫੈਸਲਾ ਕੀਤਾ ਹੈ।