Grammy Awards 2023: ਗੁਰਬਾਣੀ ਸ਼ਬਦਾਂ ਦਾ ਗਾਇਨ ਕਰਨ ਵਾਲੇ ਸਿੱਖ ਬੈਂਡ `White Sun` ਨੇ ਜਿੱਤਿਆ ਗ੍ਰੈਮੀ ਐਵਾਰਡ
Los Angeles ਦਾ White Sun ਬੈਂਡ ਗੁਰਬਾਣੀ ਸ਼ਬਦਾਂ ਦਾ ਗਾਇਨ ਕਰਦਾ ਹੈ ਅਤੇ ਉਨ੍ਹਾਂ ਨੂੰ ਆਪਣੀ ਐਲਬਮ `Mystic Mirror` ਲਈ ਗ੍ਰੈਮੀ ਐਵਾਰਡ ਦਿੱਤਾ ਗਿਆ ਹੈ।
'White Sun' Sikh band wins Grammy Awards 2023 news: ਇਸ ਸਾਲ ਗ੍ਰੈਮੀ ਐਵਾਰਡਸ 2023 'ਚ ਜਿੱਥੇ ਭਾਰਤੀ ਮੂਲ ਦੇ ਸੰਗੀਤਕਾਰ ਰਿਕੀ ਕੇਜ (Ricky Kej) ਨੇ ਆਪਣਾ ਤੀਜਾ Grammy Awards ਜਿੱਤਿਆ, ਉੱਥੇ Los Angeles ਦੇ White Sun ਨਾਂ ਦੇ ਸਿੱਖ ਬੈਂਡ ਨੇ ਵੀ ਗ੍ਰੈਮੀ ਐਵਾਰਡ ਜਿੱਤਿਆ ਹੈ।
ਦੱਸ ਦਈਏ ਕਿ Los Angeles ਦਾ White Sun ਬੈਂਡ ਗੁਰਬਾਣੀ ਸ਼ਬਦਾਂ ਦਾ ਗਾਇਨ ਕਰਦਾ ਹੈ ਅਤੇ ਉਨ੍ਹਾਂ ਨੂੰ ਆਪਣੀ ਐਲਬਮ 'Mystic Mirror' ਲਈ ਗ੍ਰੈਮੀ ਐਵਾਰਡ ਦਿੱਤਾ ਗਿਆ ਹੈ।
ਆਪਣੀ ਖੁਸ਼ੀ ਜ਼ਾਹਿਰ ਕਰਦਿਆਂ, White Sun ਬੈਂਡ ਨੇ ਆਪਣੇ ਟਵਿੱਟਰ 'ਤੇ ਲਿਖਿਆ, "ਅਸੀਂ ਸ਼ੁਕਰਗੁਜ਼ਾਰ ਹਾਂ ਕਿ ਸਾਡੀ ਐਲਬਮ "ਮਿਸਟਿਕ ਮਿਰਰ" ਨੂੰ ਗ੍ਰੈਮੀ ਐਵਾਰਡਸ 2023 ਲਈ ਨਾਮਜ਼ਦ ਕੀਤਾ ਗਿਆ। ਹਰ ਕਿਸੇ ਦਾ ਧੰਨਵਾਦ ਜਿਸਨੇ ਇਸਨੂੰ ਸੰਭਵ ਬਣਾਇਆ, ਅਤੇ ਇਸ ਐਲਬਮ ਵਿੱਚ ਭਾਗ ਲੈਣ ਵਾਲੇ ਹਰ ਇੱਕ ਦਾ ਬਹੁਤ ਧੰਨਵਾਦ। ਅਤੇ ਬਾਕੀ ਸਾਰੇ ਗ੍ਰੈਮੀ ਨਾਮਜ਼ਦ ਵਿਅਕਤੀਆਂ ਨੂੰ ਬਹੁਤ ਬਹੁਤ ਵਧਾਈਆਂ।"
ਇਹ ਵੀ ਪੜ੍ਹੋ: ਜਲੰਧਰ 'ਚ ਹੋਈ ਫਾਇਰਿੰਗ; ਗੋਲੀ ਲੱਗਣ ਕਾਰਨ ਪਿਓ-ਪੁੱਤ ਜ਼ਖ਼ਮੀ
ਇੱਕ ਹੋਰ ਟਵੀਟ 'ਚ ਉਨ੍ਹਾਂ ਲਿਖਿਆ, "ਅਸੀਂ ਨਿਊ ਏਜ, ਅੰਬੀਨਟ ਅਤੇ ਚੈਂਟ ਸ਼੍ਰੇਣੀ ਵਿੱਚ ਆਪਣੀ ਐਲਬਮ "ਮਿਸਟਿਕ ਮਿਰਰ" ਲਈ ਇੱਕ ਗ੍ਰੈਮੀ ਜਿੱਤਿਆ ਹੈ। ਅਸੀਂ @recordingacademy ਦਾ ਨਾ ਸਿਰਫ਼ ਸੁੰਦਰ ਅਵਾਰਡ ਸਮਾਰੋਹ ਲਈ ਧੰਨਵਾਦ ਕਰਨਾ ਚਾਹੁੰਦੇ ਹਾਂ, ਸਗੋਂ ਸੰਗੀਤ ਸਿਰਜਣਹਾਰਾਂ ਵੱਲੋਂ ਕੀਤੇ ਗਏ ਸਾਰੇ ਸ਼ਾਨਦਾਰ ਕੰਮ ਲਈ ਵੀ ਧੰਨਵਾਦ ਕਰਨਾ ਚਾਹੁੰਦੇ ਹਾਂ।"
ਉਨ੍ਹਾਂ ਅੱਗੇ ਕਿਹਾ, "ਸਾਡੇ ਸੰਗੀਤ, ਸਾਡੇ ਪਰਿਵਾਰਾਂ, ਸਾਡੇ ਦੋਸਤਾਂ, ਅਤੇ ਸਾਡੀ ਐਲਬਮ ਵਿੱਚ ਹਿੱਸਾ ਲੈਣ ਵਾਲੇ ਹਰ ਵਿਅਕਤੀ ਦਾ, ਸਾਡੇ ਨਿਰਮਾਤਾ ਕੀਨੀਆ ਔਟੀ, ਅਤੇ ਸਾਡੇ ਮਿਕਸਿੰਗ ਇੰਜੀਨੀਅਰ ਆਸਕਰ ਔਟੀ ਸਣੇ ਹਰ ਵਿਅਕਤੀ ਦਾ ਸਮਰਥਨ ਕਰਨ ਲਈ ਧੰਨਵਾਦ। ਸਾਡੀ ਸ਼੍ਰੇਣੀ ਵਿੱਚ ਨਾਮਜ਼ਦ ਕੀਤੇ ਗਏ ਸਾਰੇ ਕਲਾਕਾਰਾਂ ਨੂੰ ਵਧਾਈ।"
ਇਹ ਵੀ ਪੜ੍ਹੋ: ਡੇਰਾ ਮੁਖੀ ਰਾਮ ਰਹੀਮ ਨੂੰ ਵੱਡੀ ਰਾਹਤ ! SGPC ਨੇ ਪੈਰੋਲ ਰੱਦ ਕਰਨ ਦੀ ਪਟੀਸ਼ਨ ਲਈ ਵਾਪਸ
(For more news apart from 'White Sun' Sikh band winning Grammy Awards 2023, stay tuned to Zee PHH)