IND vs SL Highlights: ਭਾਰਤ ਨੇ ਪਹਿਲੇ ਟੀ-20 `ਚ ਸ਼੍ਰੀਲੰਕਾ ਨੂੰ 43 ਦੌੜਾਂ ਨਾਲ ਹਰਾਇਆ; ਰਿਆਨ ਪਰਾਗ ਨੇ 3 ਵਿਕਟਾਂ ਲਈਆਂ
India vs Sri Lanka 1st T20 2024: ਸ਼੍ਰੀਲੰਕਾ ਨੂੰ 18ਵੇਂ ਓਵਰ ਵਿੱਚ 163 ਦੇ ਸਕੋਰ `ਤੇ ਸੱਤਵਾਂ ਝਟਕਾ ਲੱਗਾ। ਅਰਸ਼ਦੀਪ ਸਿੰਘ ਨੇ ਹਸਰੰਗਾ ਨੂੰ ਰਿਆਨ ਪਰਾਗ ਹੱਥੋਂ ਕੈਚ ਕਰਵਾਇਆ। ਉਹ ਦੋ ਦੌੜਾਂ ਬਣਾ ਸਕਿਆ। ਇਸ ਸਮੇਂ ਮਹਿਸ਼ ਤਿਕਸ਼ਿਨਾ ਅਤੇ ਮਥੀਸ਼ਾ ਪਥੀਰਾਨਾ ਕ੍ਰੀਜ਼ `ਤੇ ਹਨ।
IND vs SL 1st T20 Cricket Score: ਤਿੰਨ ਮੈਚਾਂ ਦੀ ਟੀ-20 ਸੀਰੀਜ਼ ਦਾ ਪਹਿਲਾ ਮੈਚ ਪੱਲੇਕੇਲੇ 'ਚ ਖੇਡਿਆ ਗਿਆ। ਭਾਰਤ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਸ਼੍ਰੀਲੰਕਾ ਨੂੰ 214 ਦੌੜਾਂ ਦਾ ਟੀਚਾ ਦਿੱਤਾ ਸੀ। ਜਵਾਬ 'ਚ ਸ਼੍ਰੀਲੰਕਾ ਦੀ ਟੀਮ 170 ਦੌੜਾਂ ਹੀ ਬਣਾ ਸਕੀ। ਭਾਰਤ ਨੇ ਤਿੰਨ ਮੈਚਾਂ ਦੀ ਟੀ-20 ਸੀਰੀਜ਼ ਦੇ ਪਹਿਲੇ ਮੈਚ 'ਚ ਸ਼੍ਰੀਲੰਕਾ ਨੂੰ 43 ਦੌੜਾਂ ਨਾਲ ਹਰਾ ਦਿੱਤਾ ਹੈ। ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਭਾਰਤ ਨੇ 20 ਓਵਰਾਂ ਵਿੱਚ ਸੱਤ ਵਿਕਟਾਂ ਗੁਆ ਕੇ 213 ਦੌੜਾਂ ਬਣਾਈਆਂ। ਜਵਾਬ 'ਚ ਸ਼੍ਰੀਲੰਕਾ ਦੀ ਟੀਮ 19.2 ਓਵਰਾਂ 'ਚ 170 ਦੌੜਾਂ 'ਤੇ ਸਿਮਟ ਗਈ।
ਇਕ ਸਮੇਂ ਸ਼੍ਰੀਲੰਕਾ ਦਾ ਸਕੋਰ ਇਕ ਵਿਕਟ 'ਤੇ 140 ਦੌੜਾਂ ਸੀ। ਹਾਲਾਂਕਿ ਇਸ ਤੋਂ ਬਾਅਦ ਸ਼੍ਰੀਲੰਕਾਈ ਟੀਮ ਨੇ 30 ਦੌੜਾਂ ਦੇ ਸਕੋਰ 'ਤੇ ਅਗਲੀਆਂ ਨੌਂ ਵਿਕਟਾਂ ਗੁਆ ਦਿੱਤੀਆਂ। ਸ਼੍ਰੀਲੰਕਾ ਲਈ ਪਥੁਮ ਨਿਸਾਂਕਾ ਨੇ ਸਭ ਤੋਂ ਵੱਧ 79 ਦੌੜਾਂ ਬਣਾਈਆਂ। ਇਸ ਦੇ ਨਾਲ ਹੀ ਭਾਰਤ ਵੱਲੋਂ ਰਿਆਨ ਪਰਾਗ ਨੇ ਸਭ ਤੋਂ ਵੱਧ ਤਿੰਨ ਵਿਕਟਾਂ ਲਈਆਂ। ਉਸ ਨੇ 20ਵੇਂ ਓਵਰ 'ਚ ਲਗਾਤਾਰ ਦੋ ਗੇਂਦਾਂ 'ਤੇ ਦੋ ਵਿਕਟਾਂ ਲਈਆਂ। ਇਸ ਤਰ੍ਹਾਂ ਟੀਮ ਇੰਡੀਆ ਸੀਰੀਜ਼ 'ਚ 1-0 ਨਾਲ ਅੱਗੇ ਹੈ। ਸੀਰੀਜ਼ ਦਾ ਅਗਲਾ ਮੈਚ ਐਤਵਾਰ ਨੂੰ ਖੇਡਿਆ ਜਾਵੇਗਾ।
ਇਹ ਵੀ ਪੜ੍ਹੋ: Delhi : ਬੇਸਮੈਂਟ 'ਚ ਕਈ ਦਿਨਾਂ ਤੋਂ ਦਾਖਲ ਸੀ ਪਾਣੀ, 3 ਦੀ ਮੌਤ,ਵਿਦਿਆਰਥੀ ਕਰ ਹਹੇ ਪ੍ਰਦਰਸ਼ਨ