Virat Kohli vs Gautam Gambhir Fight: ਆਹਮੋ -ਸਾਹਮਣੇ ਹੋਏ ਵਿਰਾਟ ਤੇ ਗੌਤਮ, ਜਾਣੋ ਕਿਵੇਂ ਭੜਕਿਆ ਮੁੱਦਾ?
Virat Kohli vs Gautam Gambhir IPL 2023 clash: ਇਹ ਸਾਲ 2013 ਸੀ, ਜਦੋਂ ਵਿਰਾਟ ਕੋਹਲੀ ਅਤੇ ਗੌਤਮ ਗੰਭੀਰ ਪਹਿਲੀ ਵਾਰ ਆਈਪੀਐਲ ਮੈਚ ਦੌਰਾਨ ਇੱਕ ਦੂਜੇ ਨਾਲ ਲੜਾਈ ਕਰਦੇ ਨਜ਼ਰ ਆਏ ਸਨ। ਇਸ ਦਾ ਰਪੀਟ ਟੈਲੀਕਾਸਟ 1 ਮਈ ਨੂੰ ਲਖਨਊ ਦੇ ਏਕਾਨਾ ਸਟੇਡੀਅਮ `ਚ ਦੇਖਿਆ ਗਿਆ, ਜਿੱਥੇ ਇਹ ਦੋਵੇਂ ਫਿਰ ਆਪਸ `ਚ ਲੜ ਪਏ ਪਰ, ਇਸ ਲੜਾਈ ਵਿੱਚ ਅਫਗਾਨੀ ਖਿਡਾਰੀ ਨਵੀਨ-ਉਲ-ਹੱਕ ਦਾ ਨਾਮ ਵੀ ਸਾਹਮਣੇ ਆਇਆ ਹੈ।
Virat Kohli vs Gautam Gambhir IPL 2023 clash: ਲਖਨਊ ਦੇ ਏਕਾਨਾ ਸਟੇਡੀਅਮ 'ਚ ਗੌਤਮ ਗੰਭੀਰ (Gautam Gambhir)ਅਤੇ ਵਿਰਾਟ ਕੋਹਲੀ (Virat Kohli) ਵਿਚਾਲੇ ਜੋ ਕੁਝ ਹੋਇਆ, ਉਸ ਨੇ ਫਿਰ ਦਿਖਾਇਆ ਕਿ ਇਨ੍ਹਾਂ ਦੋਵਾਂ ਖਿਡਾਰੀਆਂ ਵਿਚਾਲੇ ਕੁਝ ਠੀਕ ਨਹੀਂ ਹੈ। ਮੈਚ ਦੌਰਾਨ ਦੋਵੇਂ ਖਿਡਾਰੀ (Virat Kohli vs Gautam Gambhir) ਆਪਸ ਵਿੱਚ ਭਿੜ ਗਏ। ਇਸ ਤੋਂ ਬਾਅਦ ਲਖਨਊ ਸੁਪਰਜਾਇੰਟਸ ਟੀਮ ਦੇ ਮੈਂਟਰ ਗੌਤਮ ਗੰਭੀਰ ਅਤੇ ਰਾਇਲ ਚੈਲੰਜਰਜ਼ ਬੈਂਗਲੁਰੂ ਦੇ ਵਿਰਾਟ ਕੋਹਲੀ ਦੀ 100 ਫੀਸਦੀ ਮੈਚ ਫੀਸ ਘੱਟ ਗਈ ਹੈ।
ਇਹ ਸਾਰਾ ਵਿਵਾਦ 1 ਮਈ ਨੂੰ ਰਾਇਲ ਚੈਲੇਂਜਰਜ਼ ਬੈਂਗਲੁਰੂ (ਆਰਸੀਬੀ) ਅਤੇ ਲਖਨਊ ਸੁਪਰ ਜਾਇੰਟਸ (ਐਲਐਸਜੀ) ਦੇ ਮੈਚ ਤੋਂ ਬਾਅਦ ਹੋਇਆ। ਬੈਂਗਲੁਰੂ ਨੇ ਇਹ ਮੈਚ ਜਿੱਤ ਲਿਆ, ਲਖਨਊ ਦੀ ਟੀਮ ਘੱਟ ਸਕੋਰ ਵਾਲਾ ਮੈਚ 18 ਦੌੜਾਂ ਨਾਲ ਹਾਰ ਗਈ। ਮੈਚ ਜਿੱਤਣ ਲਈ ਬੈਂਗਲੁਰੂ ਨੇ ਲਖਨਊ ਨੂੰ 127 ਦੌੜਾਂ ਦਾ ਟੀਚਾ ਦਿੱਤਾ ਸੀ। ਜਵਾਬ 'ਚ ਕੇ.ਐੱਲ ਰਾਹੁਲ ਦੀ ਕਪਤਾਨੀ ਵਾਲੀ ਲਖਨਊ ਦੀ ਟੀਮ 108 ਦੌੜਾਂ 'ਤੇ ਹਾਰ ਗਈ।
ਇਹ ਵੀ ਪੜ੍ਹੋ: Diljit Dosanjh-Nimrat Khaira Jodi: ਪੰਜਾਬੀ ਇੰਡਸਟਰੀ ਨਾਲ ਜੁੜੀ ਵੱਡੀ ਖ਼ਬਰ! ਫ਼ਿਲਮ 'ਜੋੜੀ' 'ਤੇ ਲਗਾਈ ਗਈ ਰੋਕ
ਇਸ ਮੈਚ ਦੌਰਾਨ ਮੈਦਾਨ ਵਿੱਚ ਹਾਈ ਵੋਲਟੇਜ ਡਰਾਮਾ ਦੇਖਣ ਨੂੰ ਮਿਲਿਆ। ਮੈਚ ਦੇ ਦੌਰਾਨ ਅਤੇ ਬਾਅਦ ਵਿੱਚ ਦੋਨਾਂ ਟੀਮਾਂ ਦੇ ਕੁੱਝ ਖਿਡਾਰੀ ਅਤੇ ਸਟਾਫ ਇੱਕ ਦੂਜੇ ਨਾਲ ਭਿੜਦੇ ਦੇਖੇ ਗਏ। ਮੈਚ ਦੌਰਾਨ ਆਰਸੀਬੀ ਦੇ ਵਿਰਾਟ ਕੋਹਲੀ ਅਤੇ ਲਖਨਊ ਦੇ ਨਵੀਨ-ਉਲ-ਹੱਕ ਵਿਚਾਲੇ ਪਹਿਲਾਂ ਟੱਕਰ ਹੋਈ। ਫਿਰ ਮੈਚ ਤੋਂ ਬਾਅਦ ਉਨ੍ਹਾਂ ਦੀ ਲਖਨਊ ਦੇ ਮੈਂਟਰ ਗੌਤਮ ਗੰਭੀਰ ਨਾਲ ਵੀ ਬਹਿਸ ਹੋਈ। ਇਸ ਦਾ ਵੀਡੀਓ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਿਹਾ ਹੈ।
Watch Video Virat Kohli vs Gautam Gambhir IPL 2023 clash:
ਅਸਲ 'ਚ ਸਾਰਾ ਮਾਮਲਾ ਲਖਨਊ ਦੀ ਪਾਰੀ ਦੇ 17ਵੇਂ ਓਵਰ 'ਚ ਸ਼ੁਰੂ ਹੋਇਆ, ਜਦੋਂ ਵਿਰਾਟ ਸਟੰਪ ਦੇ ਪਿੱਛੇ ਤੋਂ ਦੌੜਦੇ ਹੋਏ ਆਏ ਅਤੇ ਨਵੀਨ ਨੂੰ ਕੁਝ ਕਰਨ ਦਾ ਇਸ਼ਾਰਾ ਕੀਤਾ। ਇਸ 'ਤੇ ਅਫਗਾਨਿਸਤਾਨ ਦਾ ਨਵੀਨ ਵੀ ਉਸ ਦੇ ਨੇੜੇ ਆ ਗਿਆ ਅਤੇ ਦੋਵਾਂ ਵਿਚਾਲੇ ਬਹਿਸ ਸ਼ੁਰੂ ਹੋ ਗਈ। ਇਸ ਬਹਿਸ ਦੌਰਾਨ ਵਿਰਾਟ ਨੇ ਆਪਣੀ ਜੁੱਤੀ ਵੱਲ ਵੀ ਇਸ਼ਾਰਾ ਕੀਤਾ ਅਤੇ ਉਸ ਤੋਂ ਚਿੱਕੜ ਕੱਢਿਆ, ਜਿਵੇਂ ਸਟੇਟਸ ਬਾਰੇ ਗੱਲ ਕਰ ਰਿਹਾ ਹੋਵੇ।
ਇਸ ਤੋਂ ਬਾਅਦ ਕੋਹਲੀ ਅਤੇ ਨਵੀਨ ਵਿਚਕਾਰ ਬਹਿਸ ਜਾਰੀ ਰਹੀ। ਨਵੀਨ ਆਊਟ ਹੋ ਕੇ ਪਵੇਲੀਅਨ ਪਰਤਿਆ। ਬੈਂਗਲੁਰੂ ਦੀ ਜਿੱਤ ਤੋਂ ਬਾਅਦ ਜਦੋਂ ਦੋਵਾਂ ਟੀਮਾਂ ਦੇ ਹੱਥ ਮਿਲਾਉਣ ਦਾ ਸਮਾਂ ਆਇਆ ਤਾਂ ਗੰਭੀਰ ਨੂੰ ਖਿੱਚਦੇ ਹੋਏ ਦੇਖਿਆ ਗਿਆ ਜਦੋਂ ਕੋਹਲੀ ਨੇ ਲਖਨਊ ਤੋਂ ਗੌਤਮ ਗੰਭੀਰ ਨਾਲ ਹੱਥ ਮਿਲਾਉਣ ਦੀ ਕੋਸ਼ਿਸ਼ ਕੀਤੀ।