Paris Olympics 2024: ਵਿਨੇਸ਼ ਫੋਗਾਟ ਨੇ ਰਚਿਆ ਇਤਿਹਾਸ, ਓਲੰਪਿਕ ਫਾਈਨਲ `ਚ ਪੁੱਜਣ ਵਾਲੀ ਪਹਿਲੀ ਭਾਰਤੀ ਮਹਿਲਾ ਪਹਿਲਵਾਨ ਬਣੀ

Paris Olympics 2024: ਪੈਰਿਸ ਓਲੰਪਿਕ ਵਿੱਚ ਕੁਸ਼ਤੀ ਦੇ ਮੁਕਾਬਲੇ ਵਿੱਚ ਵਿਨੇਸ਼ ਫੋਗਾਟ ਨੇ ਫਾਈਨਲ ਵਿੱਚ ਆਪਣੀ ਜਗ੍ਹਾ ਪੱਕੀ ਕਰਕੇ ਇਤਿਹਾਸ ਰਚ ਦਿੱਤਾ ਹੈ।

Paris Olympics 2024 : ਪੈਰਿਸ ਓਲੰਪਿਕ ਵਿੱਚ ਕੁਸ਼ਤੀ ਦੇ ਮੁਕਾਬਲੇ ਵਿੱਚ ਵਿਨੇਸ਼ ਫੋਗਾਟ ਫਾਈਨਲ ਵਿੱਚ ਪੁੱਜ ਚੁੱਕੀ ਹੈ। ਹੁਣ ਫਾਈਨਲ ਵਿੱਚ ਉਹ ਸਿਲਵਰ ਅਤੇ ਗੋਲਡ ਲਈ ਲੜੇਗੀ। ਸੈਮੀਫਾਈਨਲ ਵਿੱਚ ਫੋਗਾਟ ਨੇ ਕਿਊਬਾ ਦੀ ਯੂਸਨੀਲਿਸ ਗੁਜ਼ਮਾਨ ਨੂੰ ਮਾਤ ਦਿੱਤੀ। 

ਭਾਰਤੀ ਪਹਿਲਵਾਨ ਵਿਨੇਸ਼ ਫੋਗਾਟ ਨੇ ਪੈਰਿਸ ਓਲੰਪਿਕ 2024 ਵਿੱਚ ਇਤਿਹਾਸ ਰਚ ਦਿੱਤਾ ਹੈ। ਵਿਨੇਸ਼ ਫੋਗਾਟ ਓਲੰਪਿਕ ਦੇ ਫਾਈਨਲ ਵਿੱਚ ਪਹੁੰਚਣ ਵਾਲੀ ਪਹਿਲੀ ਭਾਰਤੀ ਮਹਿਲਾ ਪਹਿਲਵਾਨ ਹੈ। ਉਸਨੇ 50 ਕਿਲੋਗ੍ਰਾਮ ਔਰਤਾਂ ਦੇ ਫ੍ਰੀ-ਸਟਾਈਲ 50 ਕਿਲੋਗ੍ਰਾਮ ਵਰਗ ਦੇ ਸੈਮੀਫਾਈਨਲ ਵਿੱਚ ਕਿਊਬਾ ਦੀ ਯੂਸਨੇਲਿਸ ਗੁਜ਼ਮੈਨ ਲੋਪੇਜ਼ ਨੂੰ 5-0 ਨਾਲ ਹਰਾਇਆ। ਵਿਨੇਸ਼ ਦੇ ਫਾਈਨਲ 'ਚ ਪਹੁੰਚਣ ਨਾਲ ਭਾਰਤ ਦਾ ਤਮਗਾ ਪੱਕਾ ਹੋ ਗਿਆ ਹੈ।

ਵਿਨੇਸ਼ ਫੋਗਾਟ ਨੇ ਦਿਨ 'ਚ ਦੁਨੀਆ ਨੂੰ ਹੈਰਾਨ ਕਰ ਦਿੱਤਾ ਅਤੇ ਪ੍ਰੀ-ਕੁਆਰਟਰ ਫਾਈਨਲ 'ਚ ਜਾਪਾਨ ਦੀ ਯੂਈ ਸੁਸਾਕੀ ਨੂੰ ਹਰਾ ਕੇ ਇਤਿਹਾਸ ਰਚ ਦਿੱਤਾ। ਇਸ ਤੋਂ ਬਾਅਦ ਉਸ ਨੇ ਕੁਆਰਟਰ ਫਾਈਨਲ ਵਿੱਚ ਯੂਕਰੇਨ ਦੀ ਓਕਸਾਨਾ ਲਿਵਾਚ ਨੂੰ ਹਰਾਇਆ। ਫਾਈਨਲ ਵਿੱਚ ਜਗ੍ਹਾ ਬਣਾਉਣ ਲਈ ਵਿਨੇਸ਼ ਦਾ ਮੁਕਾਬਲਾ ਕਿਊਬਾ ਦੀ ਯੂਸਨੇਲਿਸ ਗੁਜ਼ਮੈਨ ਲੋਪੇਜ਼ ਨਾਲ ਹੈ।

ਮੰਗਲਵਾਰ ਨੂੰ ਭਾਰਤ ਦੇ 'ਗੋਲਡਨ ਬੁਆਏ' ਨੀਰਜ ਚੋਪੜਾ ਨੇ 89.34 ਮੀਟਰ ਦੀ ਸੀਜ਼ਨ ਦੀ ਸਰਵੋਤਮ ਕੋਸ਼ਿਸ਼ ਦੇ ਬਾਅਦ ਪੁਰਸ਼ਾਂ ਦੇ ਜੈਵਲਿਨ ਥਰੋਅ ਫਾਈਨਲ ਵਿੱਚ ਪ੍ਰਵੇਸ਼ ਕੀਤਾ। ਨੀਰਜ ਨੇ ਆਪਣੀ ਪਹਿਲੀ ਕੋਸ਼ਿਸ਼ ਵਿੱਚ 89.34 ਮੀਟਰ ਥਰੋਅ ਕੀਤਾ ਅਤੇ ਕੁਆਲੀਫਿਕੇਸ਼ਨ ਰਾਊਂਡ ਵਿੱਚ ਸਿਖਰ ’ਤੇ ਰਿਹਾ। ਭਾਰਤ ਦਾ ਹੋਰ ਜੈਵਲਿਨ ਥਰੋਅ ਸਟਾਰ ਕਿਸ਼ੋਰ ਜੇਨਾ ਫਾਈਨਲ ਲਈ ਕੁਆਲੀਫਾਈ ਕਰਨ ਵਿੱਚ ਅਸਫਲ ਰਿਹਾ। ਦਿਨ ਦੇ ਦੌਰਾਨ ਭਾਰਤ ਦੀ ਟੇਬਲ ਟੈਨਿਸ ਟੀਮ ਨੂੰ ਰਾਊਂਡ ਆਫ 16 ਵਿੱਚ ਚੀਨ ਤੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ।

ਵਿਨੇਸ਼ ਨੂੰ ਘੱਟੋ-ਘੱਟ ਚਾਂਦੀ ਦੇ ਤਗਮੇ ਦਾ ਭਰੋਸਾ ਹੈ ਅਤੇ ਉਹ ਬੁੱਧਵਾਰ ਯਾਨੀ 7 ਅਗਸਤ ਨੂੰ ਸੋਨ ਤਗਮੇ ਲਈ ਮੁਕਾਬਲਾ ਕਰੇਗੀ। ਵਿਨੇਸ਼ ਤੋਂ ਪਹਿਲਾਂ ਓਲੰਪਿਕ 'ਚ ਸਿਰਫ ਦੋ ਪੁਰਸ਼ ਪਹਿਲਵਾਨ ਹੀ ਫਾਈਨਲ 'ਚ ਪਹੁੰਚੇ ਹਨ। 2012 ਲੰਡਨ ਓਲੰਪਿਕ 'ਚ ਸੁਸ਼ੀਲ ਕੁਮਾਰ ਅਤੇ 2020 ਟੋਕੀਓ ਓਲੰਪਿਕ 'ਚ ਰਵੀ ਦਹੀਆ ਫਾਈਨਲ 'ਚ ਪਹੁੰਚੇ ਸਨ ਪਰ ਦੋਵੇਂ ਆਖਰੀ ਮੈਚ ਹਾਰ ਗਏ ਸਨ।