ಹಲ್ಲುನೋವಿಗೆ ಹಲವು ಕಾರಣಗಳಿರಬಹುದು, ಆದರೆ ಹಲ್ಲುನೋವಿನ ಸಮಸ್ಯೆ ಚಳಿಗಾಲದಲ್ಲಿ ಹೆಚ್ಚಾಗಿ ಕಂಡುಬರುತ್ತದೆ ಎಂದು ಕೆಲವು ಸಂಶೋಧನೆಗಳು ಹೇಳಿವೆ.
ನಾವಿಂದು ಹೇಳುವ ಕೆಲವು ಮನೆಮದ್ದುಗಳನ್ನು ಬಳಸುವ ಮೂಲಕ ನೀವು ಹಲ್ಲುನೋವಿನಿಂದ ಶಾಶ್ವತ ಮತ್ತು ತಕ್ಷಣ ಪರಿಹಾರವನ್ನು ಪಡೆಯಬಹುದು.
ಕಲ್ಲು ಉಪ್ಪನ್ನು ಬಹಳ ಪ್ರಯೋಜನಕಾರಿ ಎಂದು ಪರಿಗಣಿಸಲಾಗಿದೆ. ಇದನ್ನು ಉಗುರುಬೆಚ್ಚಗಿನ ನೀರಿನಲ್ಲಿ ಬೆರೆಸಿ ಬಾಯಿ ಮುಕ್ಕಳಿಸುವುದರಿಂದ ಬಾಯಿಯಲ್ಲಿರುವ ಎಲ್ಲಾ ಬ್ಯಾಕ್ಟೀರಿಯಾಗಳು ನಾಶವಾಗುತ್ತವೆ. ಜೊತೆಗೆ ನೋವಿನಿಂದ ಸಾಕಷ್ಟು ಪರಿಹಾರವನ್ನು ಪಡೆಯಬಹುದು.
ಹಲ್ಲು ನೋವಿದ್ದ ಜಾಗಕ್ಕೆ ಐಸ್ ಪ್ಯಾಕ್ ಅನ್ನು ಸಹ ಇಡಬಹುದು. ಐಸ್ ಪ್ಯಾಕ್ ಸುಲಭವಾದ ಚಿಕಿತ್ಸಾ ವಿಧಾನವೆಂದು ಪರಿಗಣಿಸಲಾಗುತ್ತದೆ.
ಒಂದು ಲೋಟ ಬೆಚ್ಚಗಿನ ನೀರಿನಲ್ಲಿ ಒಂದು ಚಮಚ ತ್ರಿಫಲ ಪುಡಿಯನ್ನು ಬೆರೆಸಿ ಬಾಯಿ ಮುಕ್ಕಳಿಸುವುದರಿಂದ ಹಲ್ಲುನೋವು ಕಡಿಮೆಯಾಗುತ್ತದೆ.
2 ಚಿಟಿಕೆ ಇಂಗುಗೆ 1 ಚಮಚ ನಿಂಬೆಯನ್ನು ಬೆರೆಸಿ ಪೇಸ್ಟ್ ಮಾಡಿ ಮತ್ತು ನೋವು ಇರುವಲ್ಲಿ ಹತ್ತಿ ಉಂಡೆಯ ಸಹಾಯದಿಂದ ಹಚ್ಚಿ. ಇಂಗು ಮತ್ತು ನಿಂಬೆ ಹಲ್ಲಿನ ನೋವಿಗೆ ತುಂಬಾ ಪ್ರಯೋಜನಕಾರಿ ಎಂದು ಪರಿಗಣಿಸಲಾಗಿದೆ.
ಹಸಿ ಈರುಳ್ಳಿಯ ತುಂಡನ್ನು ಹಲ್ಲುಗಳ ನಡುವೆ ಇಟ್ಟುಕೊಂಡು ಜಗಿದರೆ ತಕ್ಷಣ ಪರಿಹಾರ ಸಿಗುತ್ತದೆ ಎಂದು ಹೇಳಲಾಗುತ್ತದೆ
ಅನೇಕ ಜನರು ಮಾಡುವ ಮನೆಮದ್ದು ಇದು. ಹಲ್ಲುನೋವು ಕಡಿಮೆಯಾಗಲು ಅಥವಾ ಊತವನ್ನು ನಿವಾರಿಸಲು ಲವಂಗದ ಎಣ್ಣೆಯನ್ನು ಹತ್ತಿಯಲ್ಲಿ ಅದ್ದಿ ನೋವು ಇರುವಲ್ಲಿ ಹಚ್ಚಬೇಕು. ಇದು ಸ್ವಲ್ಪ ಸಮಯದಲ್ಲೇ ಪರಿಹಾರವನ್ನು ನೀಡುತ್ತದೆ.
ಹಲ್ಲು ನೋವಿಗೆ ಬೆಳ್ಳುಳ್ಳಿ ಕೂಡ ತುಂಬಾ ಪರಿಣಾಮಕಾರಿ. ಇದು ಆಂಟಿಬಯೋಟಿಕ್ ಗುಣಗಳನ್ನು ಹೊಂದಿದೆ. ಹಲ್ಲುನೋವು ಕಡಿಮೆ ಮಾಡಲು ಕೆಲವು ಎಸಳುಗಳನ್ನು ರುಬ್ಬಿಕೊಂಡು, ಅದಕ್ಕೆ ಸ್ವಲ್ಪ ಉಪ್ಪನ್ನು ಬೆರೆಸಿ ನೋವಿರುವ ಜಾಗಕ್ಕೆ ಹಚ್ಚಬೇಕು.
ಪೇರಲ ಎಲೆಗಳನ್ನು ನೀರಿನಲ್ಲಿ ಕುದಿಸಿ, ಈ ನೀರಿನಿಂದ ಬಾಯಿ ಮುಕ್ಕಳಿಸಿದರೆ, ನೋವಿನಿಂದ ತ್ವರಿತ ಪರಿಹಾರವನ್ನು ಪಡೆಯಬಹುದು. ಎಲೆಯನ್ನು ಜಗಿದು ಸ್ವಲ್ಪ ಸಮಯದ ನಂತರ ಉಗುಳಿದರೂ ಪರಿಹಾರ ಸಿಗುತ್ತದೆ.
(ಸೂಚನೆ : ಇಲ್ಲಿ ನೀಡಲಾದ ಮಾಹಿತಿಯು ಮನೆಮದ್ದುಗಳು ಮತ್ತು ಸಾಮಾನ್ಯ ಮಾಹಿತಿಯನ್ನು ಆಧರಿಸಿದೆ. ಅದನ್ನು ಅಳವಡಿಸಿಕೊಳ್ಳುವ ಮೊದಲು ವೈದ್ಯಕೀಯ ಸಲಹೆಯನ್ನು ತೆಗೆದುಕೊಳ್ಳಬೇಕು. ZEE NEWS ಅದನ್ನು ಖಚಿತಪಡಿಸುವುದಿಲ್ಲ.)