തടി കുറയ്ക്കാൻ ഇതൊന്നും വേണ്ട...
അമിതഭാരം ശരിക്കും ഒരു തലവേദന തന്നെയാണ്. ഇത് പലതരത്തിലുള്ള ബുദ്ധുമുട്ടുകളും ഉണ്ടാക്കും. അതുണ്ടാകാതിരിക്കാൻ ശരിയായ രീതിയിലുള്ള ഭക്ഷണക്രമം അത്യാവശ്യമാണ്.
ശരീരഭാരം കുറയ്ക്കാന്‍ എന്ത് കഴിക്കണം എന്ന് നമ്മൾ അന്വേഷിക്കുമ്പോൾ ഒരു കാര്യം കൂടി മനസിലാക്കുക അതുപോലെ തന്നെ പ്രധാനമാണ് എന്ത് കഴിക്കാതിരിക്കണം എന്നതും. പഴങ്ങൾ പച്ചക്കറികൾ നാരുകള്‍ അടങ്ങിയ ഭക്ഷണങ്ങള്‍ എന്നിവ ഡയറ്റിൽ നിർബന്ധമാക്കുക.
ശരീരഭാരം കൂടാനുള്ള പ്രധാന കാരണം പഞ്ചസാരയും കൊഴുപ്പും കാര്‍ബോഹൈട്രേറ്റും അടങ്ങിയ ഭക്ഷണങ്ങള്‍ തന്നെയാണ്. അതിനാല്‍ ബേക്കറി ഭക്ഷണങ്ങള്‍ പൂര്‍ണമായും ഡയറ്റില്‍ നിന്നും ഒഴിവാക്കുക.
അതുപോലെ തന്നെ ഉയർന്ന അളവിൽ കൊഴുപ്പും കലോറിയും അടങ്ങിയിട്ടുള്ള മട്ടൺ ബീഫ് എന്നിവ ഒഴിവാക്കുക.
കൃത്രിമ മധുരം ചേര്‍ത്ത ശീതള പാനീയങ്ങള്‍ കുടിക്കുന്ന ശീലമുണ്ടെങ്കില്‍ അത് തീർത്തും ഉപേക്ഷിക്കുക. പഞ്ചസാരയും സോഡയും അമിതമായി അടങ്ങിയിട്ടുള്ള ഇത്തരം പാനീയങ്ങൾ ശരീരത്തിലെ കലോറി വർധിപ്പിക്കും അതിലൂടെ തടി കൂടും.
ചീസ് കഴിക്കുന്നത് ഒഴിവാക്കുക. ചീസില്‍ ധാരാളം കൊഴുപ്പും കൊളസ്ട്രോളും സോഡിയത്തിന്റെ അളവും അടങ്ങിയിട്ടുണ്ട്. അതുകൊണ്ട് ഇത് അധികം കഴിക്കുന്നത് ശരീരഭാരം വർധിക്കാൻ കാരണമാകും. വറുത്തതും പൊരിച്ചതുമായ ഭക്ഷണങ്ങളും ഒഴിവാക്കുക.
ഫ്രഞ്ച് ഫ്രൈസ് പൊതുവേ എല്ലാവരുടേയും പ്രിയ വിഭവമാണ്. ഇതിൽ ഉയര്‍ന്ന അളവില്‍ കൊഴുപ്പും, കലോറിയും അടങ്ങിയിട്ടുണ്ട്. ഇത്തിന്റെ അമിത ഉപയോഗം കൊളസ്‌ട്രോളിന്റെ അളവ് കൂട്ടും. അതുകൊണ്ട് തടി കുറയാണോ ഇത് ഒഴിവാക്കികൊള്ളൂ.
കാര്‍ബോഹൈഡ്രേറ്റ്സ്, ഉപ്പ്, സോഡിയം, ചീസ് തുടങ്ങിയവ അടങ്ങിയ പിസ പോലുള്ള ഭക്ഷണങ്ങള്‍ ശരീര ഭാരം പെട്ടെന്ന് വര്‍ധിപ്പിക്കും. അതുകൊണ്ട് ഇവയും ഒഴിവാക്കുന്നത് ബെസ്റ്റാ.