മല്ലിയില കഴിച്ചോളൂ.. ഗുണങ്ങൾ ഏറെ!
നമ്മളിൽ പലരും പതിവായി ഭക്ഷണത്തിൽ ചേർക്കുന്ന ഒന്നാണ് മല്ലിയില. ഇത് ഭക്ഷണത്തിനു രുചി കൂട്ടുക മാത്രമല്ല ശരീരത്തിൻറെ ആരോഗ്യത്തിനും ഏറെ നല്ലതാണ്
പ്രോട്ടീൻ, അയേൺ, മഗ്നീഷ്യം, കാത്സ്യം, പൊട്ടാസ്യം, ഭക്ഷ്യനാരുകൾ, വിറ്റാമിനുകളായ സി, കെ തുടങ്ങിയവയൊക്കെ അടങ്ങിയതാണ് ഈ മല്ലിയില
മല്ലിയില ഭക്ഷണത്തിൽ ഉൾപ്പെടുത്തുന്നതു കൊണ്ടുള്ള ഗുണങ്ങൾ അറിയാം...
മല്ലിയിലയും ഇഞ്ചിയും ചേർത്തരച്ചു കഴിയ്ക്കുന്നത് വയറിന്റെ ആരോഗ്യത്തിന് സൂപ്പറാണ്
കണ്ണിന്റെ ആരോഗ്യത്തിനും ഇത് നല്ലതാണ്. മല്ലിയിലയിൽ വിറ്റാമിൻ സി, എ, ആന്റിഓക്സിഡന്റ്സ്, ഫോസ്‍ഫറസ് പോലുള്ള മിനറലുകൾ അടങ്ങിയിട്ടുണ്ട്
കണ്ണിന്റെ റെറ്റിനക്കുണ്ടാകുന്ന രോഗങ്ങൾ, മറ്റ് നേത്രരോഗങ്ങൾ, ആയാസം മൂലം കണ്ണിനുണ്ടാകുന്ന പ്രശ്നങ്ങൾ എന്നിവയ്ക്ക് മല്ലിയില നല്ലതാണ്.
ചർമത്തിനും ഇത് സൂപ്പറാണ്. മുഖക്കുരു, ബ്ലാക്‌ഹെഡ്‌സ് തുടങ്ങിയവ അകറ്റാൻ മല്ലിയില ജ്യൂസ് മഞ്ഞളിൽ ചേർത്ത് പുരട്ടുന്നത് നല്ലതാണ്.
ഇൻസുലിൻ ഉൽപാദിപ്പിക്കാനും അതുവഴി പ്രമേഹം കുറയ്ക്കാനും ഇത് സഹായിക്കും. അതുപോലെ ചീത്ത കൊളസ്‌ട്രോൾ അകറ്റാനും ഇത് ഗുണകരമാണ്
മല്ലിവെള്ളത്തിൽ അൽപം പഞ്ചസാര ചേർത്ത് ഇളംചൂടോടെ കുടിയ്ക്കുന്നത് ആർത്തവവേദന കുറയ്ക്കാൻ നല്ലതാണ്
രണ്ടു സ്പൂൺ മല്ലിയില ജ്യൂസ് മോരിൽ ചേർത്ത് കുടിച്ചാൽ വയറിളക്കവും ഛർദിയും മാറും.