നമ്മുടെ ഭക്ഷണക്രമവും ജീവിതശൈലിയും കാരണം പല തരത്തിലുള്ള വിഷാംശങ്ങൾ രക്തത്തിൽ അടിഞ്ഞു കൂടുകയും രോഗങ്ങൾ ബാധിക്കുകയും ചെയ്യുന്നു. എന്നാൽ ചില ഭക്ഷണങ്ങൾ ഡയറ്റിൽ ഉൾപ്പെടുത്തുന്നത് ശരീരത്തിലെ വിഷാംശങ്ങൾ ഇല്ലാതാക്കാൻ മികച്ചതാണ് എന്നാണ് വിദഗ്ധർ പറയുന്നത്.
ദഹനം മെച്ചപ്പെടുത്താനും, വീക്കം കുറയ്ക്കാനും, ശരീരത്തിലെ മാലിന്യങ്ങളും വിഷാംശങ്ങളും നീക്കി ആരോഗ്യം മെച്ചപ്പെടുത്താനും ഇഞ്ചി സഹായിക്കുന്നു.
നിങ്ങളുടെ വിഭങ്ങളിൽ മഞ്ഞൾ ചേർക്കുന്നതോ ചായയായിട്ട് കുടിക്കുന്നതോ ശരീരത്തിന് ഗുണമാണ്. കരളിലെ വിഷാംശങ്ങളെ ഇല്ലാതാക്കാനും ദഹനപ്രക്രിയ മെച്ചപ്പെടുത്താനും മഞ്ഞൾ സഹായിക്കുന്നു.
ബീറ്റ്റൂട്ടിന് നിറം നൽകുന്ന ഒരു സംയുക്തമാണ് ബീറ്റെയ്ൻ. ഈ സംയുക്തം ശരീരത്തിലെ വിഷാംശങ്ങളെ വിഘടിപ്പിക്കുകയും നീക്കം ചെയ്യുന്നതിനും സഹായിക്കുന്നു.
വെളുത്തുള്ളി ഡയറ്റിൽ ഉൾപ്പെടുത്തുന്നത് ശരീരത്തിൻ്റെ ശുദ്ധീകരണ പ്രക്രിയക്ക് സഹായകമാണ്. ശരീരത്തിലെ വിഷാംശങ്ങളെ ഇല്ലാതാക്കുന്നതിന് സഹായിക്കുന്ന ലിവർ എൻസൈമുകളെ സജീവമാക്കുന്ന സൾഫർ സംയുക്തങ്ങൾ വെളുത്തുള്ളിയിൽ അടങ്ങിയിട്ടുണ്ട്.
അവക്കാഡോ ഭക്ഷണത്തിൽ ഉൾപ്പെടുത്തുന്നത് ശരീരത്തിലെ വിഷാംശങ്ങൾ നല്ല രീതിയിൽ കുറയ്ക്കാൻ സഹായിക്കും.
ബ്രൊക്കോളി, കോളിഫ്ലവർ, കെയ്ൽ, ബ്രസ്സൽസ് തുടങ്ങിയ നാരുകൾ ധാരാളമുള്ള പച്ചക്കറികളെയാണ് ക്രൂസിഫറസ് പച്ചക്കറികൾ എന്ന് പറയുന്നത്. വിഷാംശങ്ങളെ വിഘടിപ്പിച്ച് കാര്യക്ഷമമായി പുറ‌ന്തള്ളാൻ ലിവറിനെ ഇവ ഉത്തേജിപ്പിക്കുന്നു.
ഇവിടെ നൽകിയിരിക്കുന്ന വിവരങ്ങൾ പൊതുവായ വിശ്വാസങ്ങളെയും വിവരങ്ങളെയും അടിസ്ഥാനമാക്കിയുള്ളതാണ്