ആരോഗ്യകരമായ ജീവിതത്തിന് ഈ ജാപ്പനീസ് വിദ്യകൾ ശീലമാക്കാം.
ആരോഗ്യകരമായ ഭക്ഷണം മിതമായ അളവിൽ കഴിക്കുക എന്നതാണ് ജപ്പാൻകാരുടെ ആരോഗ്യത്തിന്റെ പ്രധാന രഹസ്യം. ലഭിക്കുന്ന ചേരുവകള്‍ ഉപയോഗിച്ച് തയ്യാറാക്കുന്ന സന്തുലിതക്രമത്തിലുള്ള ഭക്ഷണം മിതമായ അളവിൽ കഴിക്കുക എന്നതാണ് അവരുടെ രീതി.
വ്യായാമം ശരീരത്തിലെ ഓക്സിജൻ വിതരണം കൃത്യമാക്കുന്നതിന് സഹായിക്കുന്നു. ഏതെങ്കിലും ഓഫീസില്‍ ചെന്നാല്‍ ലിഫ്റ്റിന് പകരം പടികള്‍ കയറുക. ഭക്ഷണം കഴിച്ച ശേഷവും ചെറുതായി നടക്കുക എന്നിവ ശീലമാക്കാം.
ഒരാളുടെ ജീവിതത്തിന് അര്‍ത്ഥവും ഒപ്പം സന്തോഷവും നല്‍കുന്ന കാര്യങ്ങളെ സൂചിപ്പിക്കുന്ന ജപ്പാനീസ് സങ്കല്‍പമാണ് ഇക്കിഗായ്. ഇത് കണ്ടെത്തി കഴിഞ്ഞാല്‍ നിങ്ങള്‍ക്ക് ദീര്‍ഘായുസ്സും മാനസികാരോഗ്യവും സന്തോഷവുമെല്ലാം ലഭിക്കും.
ചെറിയ ഇടങ്ങളില്‍ സന്തോഷം കണ്ടെത്തുകയും ലളിതമായ കാര്യങ്ങളില്‍ സംതൃപ്തി നേടുകയും ചെയ്യുന്ന മിനിമലിസ്റ്റ് ജീവിതം നയിക്കുക എന്നതാണ് മറ്റൊരു ജാപ്പനീസ് രീതി. പല കാര്യങ്ങളില്‍ വ്യാപൃതനായി തല പുകയ്ക്കാതെ ഒരു സമയം ഒരു കാര്യത്തിൽ ശ്രദ്ധ കേന്ദ്രീകരിക്കാം.
ജാപ്പനീസ് തൊഴിൽ സംസ്കാരം അവരുടെ പ്രൊഫഷണൽ ജീവിതം മെച്ചപ്പെടുത്താനും ആരോഗ്യം നിലനിർത്താനും സഹായിക്കുന്നു.
ഗ്രീന്‍ ടീ കുടിക്കുന്നത് ആരോഗ്യത്തിന് നല്ലതാണ്. ആന്റി ഓക്‌സിഡന്റുകള്‍ അടങ്ങിയ ഗ്രീന്‍ ടീ രോഗങ്ങളെ അകറ്റുകയും മെറ്റബോളിസം മെച്ചപ്പെടുത്തുകയും ചെയ്യും.
ഈ വാർത്ത പൊതുവായ വിവരങ്ങളെ അടിസ്ഥാനമാക്കിയുള്ളതാണ്.