ജീവിതരീതിയിലെ മാറ്റവും മറ്റും കാരണം പലരും ഇന്ന് നേരിടുന്ന പ്രധാന പ്രശ്നമാണ് ഉറക്കമില്ലായ്മ. ഉറങ്ങാൻ വളരെയധികം ബുദ്ധിമുട്ടുന്ന ധാരാളം പേർ നമുക്കിടയിലുണ്ട്.
ഉറക്കമില്ലായ്മ എന്ന പ്രശ്നത്തിന് ചില പ്രകൃതിദത്ത പരിഹാരങ്ങളുണ്ട്. അവ എന്തൊക്കെയാണെന്ന് ഒന്ന് പരിചയപ്പെടാം.
മനസിനെയും ശരീരത്തെയും ശാന്തമാക്കാൻ സഹായിക്കുന്ന ചമോമൈൽ ടീ നലല് ഉറക്കം കിട്ടാൻ സഹായിക്കും.
ഉത്കണ്ഠ കുറയ്ക്കാനും ഉറക്കത്തിന്റെ ഗുണനിലവാരം മെച്ചപ്പെടുത്താനും സഹായിക്കുന്നതാണ് ലാവൻഡർ എസൻഷ്യൽ ഓയിൽ. അരോമതെറാപ്പിയിലോ, തലയിണയിൽ സ്പ്രേ ചെയ്യുകയോ ചെയ്യാവുന്നതാണ്.
മഗ്നീഷ്യം പേശികളെയും ഞരമ്പുകളെയും റിലാക്സ് ചെയ്യാൻ സഹായിക്കുകയും ഉറക്കത്തിന്റെ ഗുണനിലവാരം മെച്ചപ്പെടുത്താൻ സഹായിക്കുകയും ചെയ്യുന്നു.
ചൂട് പാലിൽ ട്രിപ്റ്റോഫാൻ അടങ്ങിയിട്ടുണ്ട്. ഇത് സെറോടോണിൻ ഉത്പാദനത്തെ പ്രോത്സാഹിപ്പിക്കുന്നു. അതിലൂടെ നല്ല ഉറക്കം ലഭിക്കുകയും ചെയ്യും.
ഇവിടെ നൽകിയിരിക്കുന്ന വിവരങ്ങൾ വീട്ടുവൈദ്യങ്ങളും പൊതുവായ വിവരങ്ങളും അടിസ്ഥാനമാക്കിയുള്ളതാണ്. അത് സ്വീകരിക്കുന്നതിന് മുമ്പ് വൈദ്യോപദേശം തേടുക