उदयपुरमध्ये राजेशाही थाटात लग्नबंधनात अडकल्यानंतर बॉलिवूड अभिनेता आमिर खानची मुलगी आयरा आणि नुपूरचं रिसेप्शन 13 जानेवारी रोजी मुंबईत पार पडलं.
संपूर्ण खान कुटुंबाबाबरोबरच बॉलिवूडमधील अनेक दिग्गज आणि ज्येष्ठ कलाकारांपासून ते दाक्षिणात्य कलाकारांपर्यंत अनेक मान्यवर या रिसेप्शनला उपस्थित होते.
आमिरच्या मुलीला आशिर्वाद देण्यासाठी अगदी बॉलिवूडचा किंग खान शाहरुखही सपत्नीक हजर होता. दक्षिणेतील प्रसिद्ध अभिनेत्री श्रिया सरन तिच्या पतीबरोबर आली होती.
गोल्डन साडी, कानात मोठे डूल आणि सरळ मोकळे सोडलेले केस अशा लूकमध्ये श्रिया फारच सुंदर दिसत होती.
नुपूर आणि आयराच्या रिसेप्शनमध्ये ही 41 वर्षीय अभिनेत्री पतीबरोबर कॅमेरासमोरच फार रोमॅन्टीक झाल्याचं पाहायला मिळालं.
श्रियाने कॅमेरासमोर अनेकदा पती आंद्रेईबरोबर लिप लॉक केल्याचं पाहायला मिळालं.
सर्वांसमोर एकमेकांना अशाप्रकारे किस करताना पाहून अनेकांना आश्चर्य वाटलं. हा दोघांच्या किसींगचा व्हिडीओ व्हायरल होतोय.
हा व्हिडीओ व्हायरल झाल्यानंतर अनेकांनी श्रियावर टीका केली आहे. असा सर्वांसमोर दिखावा करण्याची गरज नसल्याचं एकाने म्हटलंय.
घरी एकमेकांना किस करायला वेळ मिळत नाही का? असा प्रश्न अन्य एकाने विचारला असून दुसऱ्याने लाज वाटत नाही का असं विचारलंय.
मात्र श्रिया आणि आंद्रेईने अशाप्रकारे सार्वजनिक ठिकाणी लिपलॉक करण्याची ही पहिलीच वेळ नाही.
यापूर्वीही श्रिया आणि आंद्रेईने अनेकदा अशाप्रकारे खुल्लम खुल्ला प्रेम केलं आहे.
अनेकदा या श्रियाच्या सुट्ट्यांमधील फोटोही चांगलेच चर्चेत राहिलेत.