'लस्ट स्टोरीज-2'मध्ये अनेक कलाकार झळकले असून त्यांच्या मानधनाचा आकडाही थक्क करणारा आहे. जाणून घेऊयात याबद्दलच...
सध्या सोशल मीडियावर 'लस्ट स्टोरीज-2'ची चांगलीच चर्चा आहे. नेटफ्लिक्सवर प्रदर्शित झालेल्या या चित्रपटामध्ये दाखवण्यात आलेल्या चारही स्टोरी प्रेक्षकांच्या पसंतीस पडल्या आहेत.
'लस्ट स्टोरीज-2' चित्रपटामध्ये काजोल, नैना गुप्ता, तमन्ना भाटिया, मृणाल ठाकूर यासारख्या अभिनेत्रींची अदाकारी पाहायला मिळत आहे. मात्र या अभिनेत्रींना 'लस्ट स्टोरीज-2'साठी किती मानधन देण्यात आलं आहे माहितीये का? याचबद्दल जाणून घेऊयात...
मराठमोळी अभिनेत्री अमृता सुभाषही 'लस्ट स्टोरीज-2'मधील 'द मीरर' या भागात मोलकरणीची भूमिका साकारताना दिसली.
मनोरंजन सृष्टीमधील चर्चांनुसार अमृताने 'लस्ट स्टोरीज-2'मधील या भूमिकेसाठी 25 लाखांचं मानधन मागितलं होतं.
बॉलिवूडमधील सध्याच्या सर्वात महागड्या अभिनेत्रींपैकी एक असलेल्या तमन्ना भाटियाने या चित्रपटातील 'सेक्स विथ एक्स' या भागात काम केलं आहे.
तमन्नाने 'लस्ट स्टोरीज-2'मधील या भूमिकेसाठी तब्बल 4 कोटींचं मानधन घेतल्याच्या बातम्या अनेक वेबसाईट्सने छापल्या आहेत.
अमित मिश्रांनी दिग्दर्शित केलेल्या 'तिलचट्टा' या भागात काजोलने देहविक्रेय करणाऱ्या महिलेची भूमिका साकारली आहे.
काजोलने 'लस्ट स्टोरीज-2' या भूमिकेसाठी तब्बल 2 कोटींचं मानधन घेतल्याचं सांगितलं जात आहे.
'मेड फॉर इच अदर' या कथेमध्ये निना गुप्ता यांच्या नातीची भूमिका अभिनेत्री मृणाल ठाकूरने साकारली आहे.
मृणाल ठाकूरने 'लस्ट स्टोरीज-2'मधील या भूमिकेसाठी तब्बल 3 कोटींचं मानधन घेतल्याचं समजतं.
आर. बाल्कींनी दिग्दर्शित केलेल्या 'मेड फॉर इच अदर' या कथेमध्ये निना गुप्ता यांनी काम केलं आहे.
निना यांनी या कथेत आजीची भूमिका साकारली आहे. 'लस्ट स्टोरीज-2' या भागातील कामासाठी त्यांनी 1 कोटींचं मानधन घेतल्याची चर्चा आहे.
'सेक्स विथ एक्स' या भागात तमन्नाबरोबर अभिनेता विजय वर्माने स्क्रीन शेअर केली आहे.
'लस्ट स्टोरीज-2'मधील या भूमिकेसाठी विजय वर्माला 35 लाख मानधन देण्यात आल्याचं समजतं.
मात्र मानधनाची ही सर्व आकडेवारी केवळ कथित असून यासंदर्भातील कोणताही अधिकृत खुलासा करण्यात आलेला नाही.