शरद पवार गटाने लढलेल्या 10 जागांपैकी 8 जागा जिंकत मराहाष्ट्रातील सर्व पक्षांमध्ये विजयाचा सर्वाधिक स्ट्राइकर रेट राखला. मात्र कोणत्या दोन जागांवर त्यांचा पराभव झाला हे पाहूयात...
शिरुर लोकसभा मतदारसंघात शरद पवार गटाच्या अमोल कोल्हे यांनी अजितदादा गटाच्या शिवाजीराव आढळराव पाटील यांचा पराभव केला.
माढ्यामध्ये शरद पवार गटाचे धैर्यशील मोहित पाटील जिंकले त्यांनी भाजपच्या रणजितसिंह निंबाळकर यांना पराभूत केलं.
दिंडोरी लोकसभा मतदारसंघात राष्ट्रवादी शरद पवार गटाच्या भास्कर भगरेंनी भाजपच्या केंद्रीय मंत्री भारती पवार यांना पराभूत केलं.
बारामती लोकसभा मतदारसंघात शरद पवार यांच्या कन्या सुप्रिया सुळे जिंकल्या असून अजित पवार गटाच्या सुनेत्रा पवार पराभूत झाले.
राष्ट्रवादी काँग्रेस शरद पवार गटाच्या अमर काळेंनी भाजपच्या रामदास तडस यांना धूळ चारली.
भिवंडीमध्ये शरद पवारांच्या सुरेश म्हात्रे म्हणजेच स्थानिकांमध्ये बाळ्या मामा नावाने लोकप्रिय असलेल्या उमेदवाराने विजय मिळवला. त्यांनी केंद्रीय मंत्री कपिल पाटील यांना पराभूत केलं.
बजरंग सोनावणेंनी बीडमध्ये भाजपाच्या पंकजा मुंडेंचा पराभव केला आहे. हा भाजपा आणि पंकजांसाठी मोठा धक्का ठरला.
अहमदनगरमध्ये निलेश लंकेंनी भाजपाच्या सुजय विखे पाटील यांना धूळ चारत सर्वांनाच आश्चर्याचा धक्का दिला.
शरद पवार गटाच्या पराभूत उमेदवारांमध्ये उदयनराजे भोसलेंविरुद्ध लढलेल्या शशिकांत शिंदेंचा समावेश आहे. उदयनराजेंना 5,71,134 मतं मिळाली. तर पराभूत शिंदेंना 5,38,363 मतं मिळाली.
रावेर मतदारसंघातून भाजपाच्या रक्षा खडसेंनी बाजी मारली. या ठिकाणी शरद पवार गटाचे श्रीराम पाटील पराभूत झाले. रक्षा खडसेंना 6,30,879 मतं मिळाली तर पाटील यांना 3,58,696 मतं मिळाली.