मास्टर ब्लास्टर सचिन तेंडुलकरचा मुलगा अर्जून तेंडुलकरची भारतीय संघात निवड होण्याची शक्यता वाढली आहे.
अर्जुन तेंडुलकरला BCCI कडून बोलावणं आलं आहे.
अर्जुन तेंडुलकरला नॅशनल क्रिकेट अकॅडमीत येण्यास सांगण्यात आलं आहे.
BCCI ने अर्जुनसह 20 अष्टपैलू खेळाडूंना NCA मध्ये बोलावलं आहे. हा स्पेशल कॅम्प 20 दिवसांसाठी आयोजित करण्यात आला आहे.
NCA मध्ये व्हीव्हीएस सहित अन्य तज्ज्ञांच्या मार्गदर्शनाखाली अर्जुनसह इतर सर्व खेळाडूंच्या खेळावर काम केलं जाणार आहे.
ही व्हीव्हीएस लक्ष्मणची योजना आहे. यामध्ये सहभागी होणाऱ्या खेळाडूंना उच्चस्तरीय क्रिकेटसाठी तयार केलं जाणार आहे.
या वर्षाच्या अखेरीस अंडर 23 एमर्जिंग आशिया कप होणार आहे. यासाठी बोर्डाची नजर प्रतिभावान खेळाडूंवर आहे.
या अष्टपैलू खेळाडूंमध्ये चेतन सकारिया, अभिषेक शर्मा, मोहित रेडकर, मानव सुथार, हर्षित राणा आणि दिविज मेहराही सहभागी आहेत.
अर्जुनने यावर्षी आयपीएलमध्ये पदार्पण केलं होतं. त्याने 4 सामन्यात 3 विकेट्स घेतले.