चक दे इंडिया फेम अभिनेत्री सागरिका घाटगेने सोशल मीडियावर लक्ष्मी पूजनानिमित्त शेअर केलेले काही फोटो चर्चेत आहेत.
भारताचा माजी वेगवान गोलंदाज झहीर खानची पत्नी असलेल्या सागरिकाने त्यांच्या घरातील तसेच देवघरातील काही फोटो शेअर केले आहेत.
सागरिका अनेकदा पती झहीरबरोबरचे फोटो शेअर करते. मात्र यंदा शेअर केलेले फोटो चर्चेत असण्याचं कारण वेगळच आहे.
लक्ष्मी पूजन अशी कॅप्शन सागरिकाने या फोटोला दिली आहे. 'लक्ष्मी देवीचा आशिर्वाद तुमच्यावर राहू दे आणि तिच्या कृपीने तुमच्या घरात संपत्ती येवो,' असं सागरिका म्हणाली आहे.
सागरिकाच्या फोटोमध्ये झहीर खानच्या घरातील देवघर दिसत आहे.
या देवघरामध्ये लक्ष्मी, गणपती यासारख्या हिंदू देवी-देवतांबरोबरच इस्लाममधील पवित्र धर्मग्रंथ असलेलं कुरणही दिसत आहे.
अनेकांनी या फोटोंवर देव्हाऱ्यात कुराण आणि हिंदू देवी-देवतांचे फोटो एकत्र असल्याचं पाहून आनंद वाटल्याचं म्हटलं आहे.
सागरिका आणि झहीर खान 2017 साली विवाहबंधनात अडकले.