உப்பு உடலுக்கு அவசியமானது என்றாலும், அதிகமாக உப்பை உட்கொள்வது ஆரோக்கியத்திற்கு தீங்கு விளைவிக்கும். அதிகப்படியான உப்பை உண்டால் பிரச்சனைகள் அதிகமாகும். அது உயிரை எடுக்கும் அளவுக்கு பல நோய்களையும் கொடுக்கிறது
உணவில் சேர்க்கும் உப்பு அளவாக இருக்க வேண்டும். சிலர் அளவுக்கு அதிகமான உப்பு சேர்த்து உண்பார்கள், இது தவறு
உப்பு சேர்த்து வறுக்கப்படும் உணவுகள் இரட்டை ஆபத்தைக் கொடுக்கும். வேர்க்கடலை, பாதாம், பிஸ்தா என பல்வேறு ஊட்டச்சத்து மிகுந்த உணவுகளிலும் உப்பு சேர்த்து அப்படியே சாப்பிடும் வழக்கம் உள்ளது. இது ஆரோக்கியத்தைக் கெடுக்கும்
பழங்களில் இயற்கையான உப்பு உள்ளது. அதை எவ்வளவு சாப்பிட்டாலும் உடலுக்கு கெடுதல் செய்யாது
அதிக அளவு உப்பு உண்பதால், ரத்த அழுத்தம் அதிகரிக்கும். ஊறுகாய், கருவாடு போன்ற உணவுகளில் அதிக உப்பு இருப்பதால், மருத்துவர்களே அதை குறைக்கச் சொல்லி அறிவுறுத்துவார்கள்
அதிக உப்பை உட்கொள்வது சரும பிரச்சனைகளை ஏற்படுத்தும். உடலில் அரிப்பு பிரச்சனை இருக்கலாம். சருமத்தில் எரியும் உணர்வு, புண் மற்றும் தோலில் சிவப்பு தடிப்புகள் ஏற்படும். இந்த அறிகுறிகள் இருந்தால், உடலில் சோடியம் அதிகரித்துவிட்டது என்று புரிந்துக் கொள்ளலாம்
அதிகப்படியான உப்பு உட்கொள்வதால், உடலில் கால்சியம் அளவு குறையத் தொடங்குகிறது, இதன் காரணமாக எலும்புகள் பலவீனமடையத் தொடங்குகின்றன. இது எதிர்காலத்தில் ஆஸ்டியோபோரோசிஸ் போன்ற நோய்களை உருவாக்கும்
அதிகமாக முடி கொட்டினால், உங்கள் உடலில் சோடியத்தின் அளவு அதிகரித்திருக்கலாம். உப்பை அதிகமாக உட்கொள்வதால், உடலில் சோடியத்தின் அளவு அதிகரித்து, முடி உதிரத் தொடங்குகிறது.
இங்கே கொடுக்கப்பட்டுள்ள தகவல்கள் செய்திகள் மற்றும் இணையதளத்தில் வெளியான விவரங்களின் அடிப்படையில் அமைந்துள்ளன. ஜீ மீடியா இந்த தகவல்களை தனிப்பட்ட முறையில் உறுதிப்படுத்தவில்லை