உடலில் எந்த உறுப்பிலும் இரத்தம் உறைந்து, கட்டிகள் உருவாகி அடைப்பை ஏற்படுத்தினால், இரத்த ஓட்டம் தடைப்பட்டு மோசமான பாதிப்பை ஏற்படுத்தலாம்.
உடலில் இரத்தக்கட்டிகள்/இரத்த உறைவு ஏற்பட்டுள்ளது என்பதை சில அறிகுறிகள் வைத்து எந்த உறுப்பு அதனால் பாதித்துள்ளது என்பதை கண்டறியலாம்.
கை கால்களில் ரத்த உறைவு இருந்தால், வீக்கம், சருமம் சிவந்து போதல் போன்ற அறிகுறிகள் இருக்கும்.
இருமலில் ரத்தம் வந்தால், நுரையீரலுக்கு உறைந்த ரத்தம் சென்றுள்ளது என்பதை அறிந்து கொள்ளலாம்.
மூளையில் ரத்த உறைவு இருந்தால், பேச்சு குளறுவதோடு, கடும் தலைவலி, மயக்கம், வாந்தி போன்றவை ஏற்படும்.
வயிற்றுப் பகுதியில் ரத்த உறைவு அல்லது கட்டி இருந்தால், வயிற்று வலி, வாந்தி பேதி போன்றவை இருக்கும்
ரத்த கட்டிக்களினால் மாரடைப்பு ஏற்படலாம், எனவே, மார்பு வலி, மூச்சுத் திணறல், நெஞ்சு எரிச்சல், படபடப்பு ஆகியவை இருந்தால் மருத்துவரை உடனே அணுகவும்.
உடல் பருமன், நீண்ட நேரம் அமர்ந்திருத்தல், புகைபிடித்தல், உடற்பயிற்சியினமை ஆகியவை ரத்த உறைவு அல்லது கட்டிகள் ஏற்படும் வாய்ப்பை அதிகரிக்கிறது.