உடலை ஆரோக்கியமாக வைத்திருக்க பல முக்கிய ஊட்டச்சத்துக்கள் தேவை. அவற்றில் ஏதேனும் ஒரு சத்தின் குறைபாடு இருந்தால் கூட, ஆரோக்கியத்திற்கு பெரும் தீங்கு விளைவிக்கும். இவற்றில் ஒன்று துத்தநாகம்.
துத்தநாக குறைபாடு மூளை வளர்ச்சியை பாதிப்பதோடு மாலைக்கண் நோய், மரபணு கோளாறுகள், அசாதாரண வளர்ச்சி, கருவுறுதல் பிரச்சனைகள் போன்ற பலவிதமான நோய்களுக்கு வழிவகுக்கிறது.
முட்டையின் மஞ்சள் கருவில் துத்தநாகம் நிறைந்துள்ளது. இது தவிர வைட்டமின் பி12, தயாமின், வைட்டமின் பி6, ஃபோலேட், பாந்தெனோனிக் அமிலம், கால்சியம், இரும்பு மற்றும் பாஸ்பரஸ் ஆகியவையும் உள்ளது.
பூண்டில் துத்தநாகம் மட்டுமின்றி வைட்டமின் ஏ, வைட்டமின் பி மற்றும் வைட்டமின் சி, கால்சியம், மெக்னீசியம், அயோடின், இரும்பு மற்றும் பொட்டாசியம் ஆகியவை உள்ளது.
தர்பூசணி விதைகளில் நிறைய துத்தநாகம் உள்ளது. தர்பூசணி விதைகளை கழுவி வெயிலில் காயவைத்து உணவில் சேர்த்துக்கொள்ளவும்.
காயங்களை தாமதமாக குணமடைதல், அடிக்கடி வயிற்றுப்போக்கு, பசியிழப்பு, எடை இழப்பு ஆகியவை இருந்தால் அலட்ச்சியம் செய்யாமல் மருத்துவரை ஆலோசிக்கவும்.
மிகவும் பலவீனமாக உணர்தல், முடி உதிர்தல், சுவை மற்றும் வாசனை உணர்வு இழப்பு ஆகியவை சில அறிகுறிகள்
இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டது. அதை ஏற்றுக்கொள்வதற்கு முன், கண்டிப்பாக மருத்துவ ஆலோசனையைப் பெறுங்கள்.