நடிகர் ரஜினிகாந்த் ஜெய்லர் படத்தை தொடர்ந்து அடுத்ததாக டி.ஜே.ஞானவேல் இயக்கத்தில் நடித்து வருகிறார்.
இன்னும் பெயரிடப்படாத தலைவர் 170 படத்தின் படப்பிடிப்பு தற்போது திருநெல்வேலியில் தொடங்கி உள்ளது.
அடுத்த 3 நாட்கள் இந்த பகுதியில் படப்பிடிப்பு நடத்த திட்டமிட்டுள்ளதாக தகவல் வெளியாகியுள்ளது.
லைகா நிறுவனம் தயாரிக்கும் இந்த படத்தில் பல ஆண்டுகளுக்கு பிறகு பாலிவுட் சூப்பர் ஸ்டார் அமிதாப் பச்சன் நடிக்கிறார்.
மேலும் பகத் பாசில், ராணா, துஷாரா விஜயன், ரித்திகா சிங், மஞ்சு வாரியார் உள்ளிட்ட பல முன்னணி நடிகர்கள் நடிக்கின்றனர்.
தர்பார், பேட்ட, ஜெயிலர் படத்தை தொடர்ந்து அனிருத் இந்த படத்திற்கும் இசையமைக்க உள்ளார்.
இந்த படத்தின் படைப்பிடிப்பு கடந்த சில தினங்களுக்கு முன்பு திருவனந்தபுரத்தில் பூஜையுடன் தொடங்கியது.
இந்நிலையில், தற்போது திருநெல்வேலி பகுதிகளில் தலைவர் 170 படப்பிடிப்பு நடைபெற்று வருகிறது.
தலைவர் 170 படம் அடுத்த ஆண்டு ஏப்ரல் மாதம் வெளியாக தயாராகி வருகிறது.