మందార టీ తాగితే ఎన్నో ఆరోగ్య ప్రయోజనాలు పొందవచ్చు. ముఖ్యంగా రక్తపోటు అదుపులో ఉంటుంది. గుండె ఆరోగ్యంతోపాటు బరువు తగ్గడంలోనూ సహాయపడుతుంది. మందారం టీ వల్ల కలిగే ప్రయోజనాలేంటో చూద్దాం.
ఇప్పటి వరకు పాలతో తయారు చేసిన టీ మాత్రమే తాగేవారు. కానీ ఇప్పుడు పాలు లేని టీ, బ్లాక్ టీ, గ్రీన్ టీలు ప్రజల్లో ఎంతో ప్రాచుర్యం పొందుతున్నాయి.
మందారం టీలో యాంటీ ఆక్సిడెంట్లు పుష్కలంగా ఉన్నాయి. ఇవి శరీరంలోని హానికరమైన ఫ్రీ రాడికల్స్ ను బ్యాలెన్స్ చేస్తాయి. కణాలను దెబ్బతినకుండా రక్షిస్తాయి.
వృద్ధాప్యాన్ని దరి చేరయనియ్యదు. గుండెజబ్బు, క్యాన్సర్ వంటి దీర్ఘకాలిక వ్యాధుల ప్రమాదాన్ని తగ్గిస్తుంది. చర్మానికి కూడా మేలు చేస్తుంది.
మందారం టీ రక్తపోటును తగ్గించడంతోపాటు గుండె ఆరోగ్యాన్ని మెరుగుపరుస్తుంది. ఇది రక్తంలో చెడు కొలెస్ట్రాల్, ట్రైగ్లిజరైడ్స్ లెవల్స్ ను తగ్గించడంలో సహాయపడుతుంది.
మందారం టీ గుండె జబ్బులను తగ్గిస్తుంది. కొలెస్ట్రాల్ లెవల్స్ ను మెరుగుపరుస్తుంది. గుండె ఆరోగ్యానికి సపోర్టు చేస్తుంది. ఈ టీ మీ మొత్తం ఆరోగ్యాన్ని మెరుగుపరుస్తుంది.
మందారం టీ శరీరంలో కొవ్వులు, కార్బోహైడ్రేట్లను తగ్గిస్తుంది. బరువు తగ్గేందుకు సహాయపడుతుంది.
మందారం పువ్వు టీ తాగితే శరీరంలో జీవక్రియ రేటును పెంచుతుంది.ఇందులో శరీరానికి అవసరమైన ఫ్లెవనాయిడ్స్, ఖనిజాలు వంటి పోషకాలు పుష్కలంగా ఉన్నాయి.
మందారం టీలో హైపాటోప్రాటెక్టివ్ లక్షణాలు ఉన్నాయని అధ్యయనాల్లో తేలింది. ఇది టాక్సిన్స్, ఆక్సీకరణ ఒత్తిడి వల్ల కలిగే నష్టం నుంచి కాలేయాన్ని రక్షిస్తుంది.