ఆవాల నూనె భారతదేశంలో వంటకాల్లో ఎక్కువగా ఉపయోగిస్తారు. ఇది ఘాటైన సువాసన కలిగి ఉంటుంది.
ఆవాల నూనె వంటకు రుచి ఇవ్వడమే కాదు..ఆరోగ్యానికి కూడా ఎంతో మేలు చేస్తుంది. ఒమేగా 3 ఫ్యాటీ యాసిడ్స్, యాంటీ ఆక్సిడెంట్లు, ఫ్యాటీ యాసిడ్స్, విటమిన్స్, మినరల్స్ వంటి పోషకాలు ఆవనూనెలో పుష్కలంగా ఉన్నాయి.
అమ్మమ్మల కాలంలో చిన్నారులు ఇన్ఫెక్షన్లకు గురికాకుండా ఆవనూనెతో మర్దన చేసేవారు. జలుబు వంటివి వస్తే ముక్కు, చెవులో ఆవనూనె చుక్కలు వేస్తుండేవారు.
ఓ నివేదిక ప్రకారం ఆవనూనెలో పోషకాలు పుష్కలంగా ఉన్నాయి. ఇవి కొలెస్ట్రాల్ స్థాయిని తగ్గిస్తాయి. వంటలో వాడితే గుండెకు మేలు చేస్తుందని పేర్కొంది.
ఆవనూనె దంత సమస్యలను దూరం చేస్తుంది. చిగురువాపు, గమ్ ఇన్ఫెక్షన్స్ వంటి సమస్యలను దూరం చేస్తుంది. దీంతోపాటు నోటిశుభ్రత కూడా మెరుగుపడుతుంది.
కండరాల నొప్పి, కీళ్ల నొప్పుల నుంచి ఉపశమనం పొందేందుకు ఆవనూనె సహాయపడుతుంది. ఆవనూనెలో ఉండే ఒమేగా 3 ఫ్యాటీ యాసిడ్స్ శరీరంలో రక్తప్రసరణను మెరుగుపరుస్తుంది.
ఆవనూనె శరీరంలో వాపును తగ్గించి..నొప్పి నుంచి ఉపశమనం కలిగిస్తుంది. ఆర్థరైటిస్ నొప్పులు, కీళ్ల నొప్పులు తగ్గాలంటే ఆవ నూనె వేడి చేసి నొప్పి ఉన్న ప్రాంతంలో రాయాలి. కీళ్ల నొప్పులు తగ్గుతాయి.