మిగిలిపోయిన బ్రెడ్‌తో రుచికరమైన బ్రేడ్ కట్లెట్..

చాలామంది ఇళ్లలో బ్రెడ్ మిగిలిపోతూ ఉంటుంది. దీనితో వివిధ రకాల ఆహార పదార్థాలను తయారు చేసుకోవచ్చు.

చాలామంది బ్రెడ్ తో బ్రెడ్ బజ్జీలు వేసుకుంటూ ఉంటారు. ఇవే కాకుండా కట్లెట్ కూడా తయారు చేసుకోవచ్చు.

మిగిలిపోయిన బ్రెడ్ తో రుచికరమైన కట్లెట్ను సులభంగా ఇంట్లోనే తయారు చేసుకోవచ్చు. దానికి కావలసిన పదార్థాలు ఏంటో.. రెసిపీ పూర్తి వివరాలు తెలుసుకోండి.

కావలసిన పదార్థాలు: మిగిలిపోయిన బ్రెడ్ స్లైసులు - 6, ఉప్పు - రుచికి సరిపడా, మిరియాల పొడి - 1 టీస్పూన్, బంగాళదుంపలు (ఉడికించినవి) - 2

కావలసిన పదార్థాలు: పచ్చిమిర్చి - 2 (సన్నగా తరిగినవి), కొత్తిమీర - 2 టేబుల్ స్పూన్లు (తరిగినవి), జీలకర్ర పొడి - 1/2 టీస్పూన్, అల్లం-వెల్లుల్లి పేస్ట్ - 1 టీస్పూన్

కావలసిన పదార్థాలు: బ్రెడ్ క్రంబ్స్ - 1 కప్పు, కార్న్ ఫ్లోర్ - 2 టేబుల్ స్పూన్లు, నూనె - వేయించడానికి

తయారీ విధానం.. మిశ్రమం తయారు తయారీ: మిగిలిపోయిన బ్రెడ్ స్లైసులను చిన్న ముక్కలుగా తరిగి, మిక్సీలో వేసి పేస్ట్ చేయాలి.

ఒక పెద్ద గిన్నెలో ఉడికించిన బంగాళదుంపలు మెత్తగా మాష్ చేసి, బ్రెడ్ పేస్ట్, పచ్చిమిర్చి, కొత్తిమీర, జీలకర్ర పొడి, అల్లం-వెల్లుల్లి పేస్ట్, ఉప్పు, మిరియాల పొడి వేసి బాగా కలపాలి.

కట్లెట్ ఆకారం: ఈ మిశ్రమాన్ని చిన్న చిన్న బంతులుగా చేసుకుని, వాటిని కట్లెట్ ఆకారంలో ఒత్తాలి.

కార్న్ ఫ్లోర్ పేస్ట్: ఒక చిన్న గిన్నెలో కార్న్ ఫ్లోర్, కొంచెం నీరు వేసి పేస్ట్ చేయాలి.

కట్లెట్ కోటింగ్: తయారైన కట్లెట్లను కార్న్ ఫ్లోర్ పేస్ట్‌లో ముంచి, బ్రెడ్ క్రంబ్స్‌లో రోల్ చేయాలి.

వేయించడం: ఒక పాన్‌లో నూనె వేడి చేసి, కట్లెట్లను అందులో వేసి, రెండు వైపులా గోధుమ రంగు వచ్చేవరకు వేయించాలి.

సర్వ్ చేయడం: వేడి వేడి కరకరలాడే బ్రెడ్ కట్లెట్లను టమోటా సాస్ లేదా పుదీనా చట్నీతో సర్వ్ చేయండి.