ఈ ఇండ్లీ తింటే మధుమేహం మటాష్‌..

మధుమేహంతో బాధపడేవారు తప్పకుండా పలు రకాల జాగ్రత్తలు తీసుకోవాల్సి ఉంటుంది.

డయాబెటీస్‌ కారణంగా చాలా మందిలో రక్తంలోని చక్కెర పరిమాణాలు పెరిగే తగ్గే ఛాన్స్‌ ఉంది.

రక్తంలోని చక్కెర పరిమాణాలు పెరగడం వల్ల అనేక రకాల దీర్ఘకాలిక వ్యాధుల బారిన పడే అవకాశాలు ఉన్నాయి.

కాబట్టి మధుమేహం ఉన్నవారు తీసుకునే ఆహారాల్లో పలు రకాల జాగ్రత్తలు పాటించాల్సి ఉంటుంది.

ముఖ్యంగా మధుమేహం ఉన్నవారు ప్రతి రోజు అల్పాహారంలో పెసర పప్పు ఇడ్లీలను తినడం వల్ల మంచి ఫలితాలు పొందుతారు.

మీరు కూడా మధుమేహాన్ని తగ్గించుకోవాలనుకుంటున్నారా? ఈ పెసరపప్పు ఇడ్లీలను ప్రతి రోజు తినండి. అలాగే ఇప్పుడే తయారీ విధానం తెలుసుకోండి.

పెసర పప్పు ఇడ్లీ తయారీకి కావాల్సిన పదార్థాలు: 1 కప్పు పెసరపప్పు, 6 పచ్చిమిర్చి, చిటికెడు ఇంగువ, 2 టీస్పూన్ల కొబ్బరి తురుము

కావాల్సిన పదార్థాలు: 1/4 టీస్పూన్ వంటసోడా, 1 టీస్పూన్ ఉప్పు, 2 టీస్పూన్ల నూనె, 1/2 కప్పు పెరుగు, 1/4 టీస్పూన్ ఆవాలు

తయారీ విధానం: ఒక పాత్రలో కొద్దిగా నీళ్ళు పోసి, అందులో పెసరపప్పు వేసి కనీసం 3 గంటల పాటు నానబెట్టుకోవాలి (మెత్తబడటానికి).

కొబ్బరి తురుము, పచ్చిమిర్చి, ఇంగువ, ఉప్పు తదితర పదార్థాలను కలిపి బాగా రుబ్బుకోవాలి.

అలాగే నానబెట్టిన పెసరపప్పును కూడా నీళ్ళు లేకుండా విడిగా రుబ్బుకోవాలి. అనంతరం ఈ రెండు మిశ్రమాలను పెరుగుతో కలిపి, చివరగా వంటసోడా కలపాలి.

ఇడ్లీ రేకుల్లో పిండి మిశ్రమాన్ని కొద్దికొద్దిగా వేసుకుని ఇడ్లీల్లా తయారు చేసుకొని స్టౌవ్‌పై పెట్టుకోండి.

ఇడ్లీలు ఉడికిన తర్వాత వాటిని వేడి వేడిగా సాంబార్, చట్నీతో కలిసి సర్వ్ చేసుకోండి.

మధుమేహంతో బాధపడేవారు రోజుకు మూడు పెసర పప్పు ఇడ్లీలను తినడం వల్ల మంచి ఫలితాలు పొందుతారు.

చిట్కాలు: పెసరపప్పును బాగా నానబెట్టడం వల్ల ఇడ్లీలు మెత్తగా ఉంటాయి.

చిట్కాలు: పిండిలో వంటసోడా వేయడం వల్ల ఇడ్లీలు మెత్తగా ఉబ్బుతాయి.