ఈ చట్నీ డయాబెటిస్ ఉన్నవారికి వరం.. రోజు తింటే షుగర్‌కి బై బై..

మధుమేహంతో బాధపడేవారు వివిధ రకాల చట్నీలను రోజూ తింటూ ఉంటారు. వీటిని తినడం వల్ల అనేక రకాల అనారోగ్య సమస్యలు వచ్చినప్పటికీ.. ఏమాత్రం ఆపకుండా తింటూ ఉంటారు.

నిజానికి మధుమేహం ఉన్నవారు ఆరోగ్య నిపుణులు సూచించే కొన్ని రకాల చట్నీలు తింటే మంచి ఫలితాలు పొందుతారు.

ముఖ్యంగా మెంతి ఆకులతో తయారుచేసిన చట్నీ క్రమం తప్పకుండా ఆహారంలో చేర్చుకోవడం వల్ల అద్భుతమైన ప్రయోజనాలు పొందుతారు.

మెంతి ఆకుల్లో ఉండే ఆయుర్వేద గుణాలు రక్తంలోని చక్కెర పరిమాణాలను నియంత్రించేందుకు కూడా సహాయపడతాయని ఆరోగ్య నిపుణులు తెలుపుతున్నారు. కాబట్టి దీనితో చేసిన చట్నీ రోజు తింటే విశేషమైన ప్రయోజనాలు పొందుతారు.

చాలామంది మెంతికూర చట్నీ తయారు చేసుకునే క్రమంలో వివిధ రకాల పొరపాట్లు పడుతున్నారు. దీనివల్ల సరైన రుచి పొందలేకపోతున్నారు. ఈ పద్ధతిలో తయారు చేసుకుంటే రుచితో పాటు ఆరోగ్యాన్ని కూడా పొందుతారు.

మెంతికూర చట్నీ తయారీ విధానం, కావలసిన పదార్థాలు: మెంతికూర - ఒక కప్పు, పచ్చిమిర్చి - 4-5, ఎండుమిర్చి - 2-3

కావలసిన పదార్థాలు: ధనియాలు - 1 స్పూన్, జీలకర్ర - 1/2 స్పూన్, నువ్వులు - 1 స్పూన్, నూనె - 2 స్పూన్లు, ఉప్పు - రుచికి సరిపడా, కరివేపాకు - కొద్దిగా

తయారీ విధానం: ముందుగా మెంతికూరను బాగా శుభ్రం చేసుకుని తడి ఆరేంతవరకు పక్కన పెట్టుకోవాల్సి ఉంటుంది.

ఆ తర్వాత స్టౌవ్ పై ఒక పాన్ పెట్టుకుని అందులో తగినంత నూనెను వేసుకొని ధనియాలు, జీలకర్ర, ఎండుమిర్చి, పచ్చిమిర్చి, నువ్వులు వేసి వేయించుకోవాలి.

ఇలా అన్ని వేగిన తర్వాత మెంతికూరను వేసుకొని కూడా బాగా వేపుకోవాల్సి ఉంటుంది. మెంతికూరలో నీరు ఎగిరిపోయేంతవరకు బాగా కలుపుతూ వేపుకోండి.

ఇలా బాగా వేగిన తర్వాత అందులో కావలసినంత కరివేపాకు వేసి, రుచికి సరిపడా ఉప్పు కూడా వేసుకోండి. వీటన్నిటిని వేసుకుని కొద్దిసేపు పక్కన పెట్టుకోండి.

ఇలా అన్ని కలిపిన మిశ్రమాన్ని మిక్సీలో వేసుకొని పచ్చడిలో రుబ్బుకోండి. ఇలా రుబ్బుకున్న పచ్చడిని గాజు సీసాలో భద్రపరచుకోండి. అంతే సులభంగా మెంతికూర చట్నీ తయారైనట్లే..