ఒక కప్పు కొర్రలను ఏడు గంటలసేపు నానబెట్టుకోండి. తర్వాత ఒక గిన్నెలో వేసి ఒక కప్పు కొర్రలకు రెండు కప్పుల నీటిని వేయాలి.
వాటిని పొయ్యి మీద పెట్టి కొద్దిసేపు ఉడికిన తరువాత ఒక స్పూన్ నూనె కూడా వేయాలి.
పది నిమిషాలు ఉడకపెట్టుకున్న తరువాత.. అన్నం పొడి పొడిగా వస్తది.. అప్పుడు స్టవ్ ఆఫ్ చేయాలి.
ఈ అన్నాన్ని ఒక ప్లేట్లో చల్లార్చుకోడానికి వేసుకోండి.
మరో పక్క పొయ్యి మీద కళాయి పెట్టి అందులో కొంచెం నూనె వేసి.. అర స్పూన్ ఆవాలు, జీలకర్ర.. ముక్కలుగా తరిగిన ఒక ఉల్లిపాయి..3 పచ్చిమిర్చి ముక్కలు, కొంచెం కరివేపాకు వేసి వేయించాలి.
తర్వాత ఒక స్పూన్ అల్లం వెల్లుల్లి పేస్ట్ వేసి వేయించుకొని. ఆ తరువాత తరిగిన పుదీనాను వేసి కలుపుకోవాలి.
అందులోనే సరిపడ ఉప్పు, కారం, పసుపు, జీలకర్ర పొడి, ధనియాలపొడి వేసి బాగా కలపాలి.
ఇప్పుడు తయారైన మిశ్రమంలో ముందుగా వండి పెట్టుకున్న కొర్రల అన్నాన్ని వేసి పులిహోర కలుపుకున్నట్టు కలుపుకోవాలి.
పైన కొత్తిమీర చల్లుకుంటే ఎంతో రుచికరమైన కొర్రల ఫ్రైడ్ రైస్ రెడీ..