మిల్లెట్స్‌తో ఉప్మా.. తింటే బరువు, కొవ్వు ఇట్లే తగ్గుతారు..

మిల్లెట్స్ ఉప్మా ఉండే గుణాలు అన్ని రకాల దీర్ఘకాలిక వ్యాధులను నియంత్రిస్తాయి. అంతేకాకుండా బరువు తగ్గించేందుకు సహాయపడుతుంది.

చెడు కొలెస్ట్రాల్‌తో బాధపడేవారు ప్రతి రోజు ఈ మిల్లెట్స్ ఉప్మా తినడం వల్ల మంచి ఫలితాలు పొందుతారు.

అంతేకాకుండా ఇందులో ఉండే ఫైబర్‌ పొట్ట సమస్యలను తగ్గించేందుకు కూడా కీలక పాత్ర పోషిస్తుంది.

మిల్లెట్స్ ఉప్మాలో రాగులు, జొన్నలు, సజ్జలు వంటి వివిధ రకాల మిల్లెట్స్‌తో ఉంటాయి. కాబట్టి శరీరానికి తగిన పోషకాలను అందిస్తాయి.

మీరు కూడా ఇంట్లోనే సులభంగా మిల్లెట్స్ ఉప్మాను తయారు చేసుకోవాలనుకుంటున్నారా? ఇది మీ కోసమే..

కావాల్సిన పదార్థాలు: 1 కప్పు మిల్లెట్స్ (రాగులు, జొన్నలు, సజ్జలు లేదా మిశ్రమం), 2 కప్పుల నీరు, 1/2 టీస్పూన్ అల్లం వెల్లుల్లి పేస్ట్, 1/2 టీస్పూన్ జీలకర్ర

కావాల్సిన పదార్థాలు: 1/4 టీస్పూన్ ఆవాలు, 1/4 టీస్పూన్ ఉప్పు, 1/2 టీస్పూన్ కారం, 1/4 టీస్పూన్ పసుపు, 1/4 కప్పు తరిగిన కూరగాయలు (ఉల్లిపాయలు, క్యారెట్లు, బఠానీలు), 1/4 కప్పు తరిగిన కొత్తిమీర, నూనె

తయారీ విధానం: మిల్లెట్స్ ను శుభ్రంగా కడిగి రవ్వలాగా తయారు చేసుకోవాల్సి ఉంటుంది.

ఈ రవ్వను దాదాపు 30 నిమిషాలు నానబెట్టుకోండి.

ఆ తర్వాత ఒక గిన్నెలో నూనె వేడి చేసి, జీలకర్ర, ఆవాలు వేసి వేయించాలి.

జీలకర్రలు చిటపటలాడగానే, అల్లం వెల్లుల్లి పేస్ట్ వేసి వేయించాలి. తరిగిన కూరగాయలు వేసి, మెత్తబడే వరకు వేయించాలి.

నానబెట్టిన మిల్లెట్స్, నీరు, ఉప్పు, కారం, పసుపు వేసి బాగా కలపాలి. మిశ్రమం మరిగే వరకు ఉడికించాలి.

మిశ్రమం దగ్గరగా ఉడికిన తర్వాత, కొత్తిమీర వేసి కలపాలి. ఉప్మా ఉడికి, నీరు పూర్తిగా ఆవిరైపోయే వరకు ఉడికించాలి. అంతే రెడీ అయినట్లే..