ఎంతో రుచికరమైన టమాటా పప్పు తయారీ విధానం కోసం..ముందుగా ఒక గ్లాసు కందిపప్పు కడిగి నానబెట్టుకోవాలి.
అరగంట అయిన తరువాత ఈ కందిపప్పు బాగా ఉడికించుకొని పక్కన పెట్టుకోవాలి.
ఇప్పుడు బాణల్లో నూనె వేసుకొని.. అందులో కొద్దిగా ఆవాలు, జీలకర్ర వేసుకొని ఆ తరువాత..సన్నగా తరిగిన రెండు ఉల్లిపాయలు వేసి వేయించుకోవాలి.
ఉల్లిపాయలు.. బంగారు రంగు వచ్చిన తర్వాత.. టమాటాలు, నాలుగు పచ్చిమిరపకాయలు, రెండు ఎండుమిరపకాయలు, కొద్దిగా ఇంగువ, పసుపు, రుచికి సరిపడా ఉప్పు వేసి మగ్గించుకోవాలి.
ఇవన్నీ బాగా మగ్గాక.. చిన్న నిమ్మకాయ సైజు చింతపండు పులుసు తీసుకుని.. అందులో కలుపుకొని మరి కాసేపు ఉరకనివ్వాలి.
అందులో రెండు చెంచాల కారం, ఒక చెంచా ధనియాల పొడి.. కలుపుకోవాలి.
ఈ మిశ్రమం బాగా దగ్గరకు వచ్చాక.. ముందుగా ఉడికించుకున్న కందిపప్పు మెత్తగా మెదిపి.. హ కలుపుకోవాలి. అంతే ఎంతో రుచికరమైన టమాటా పప్పు రెడీ.