ఇలా చేస్తే పెనంపై అతుక్కోకుండా దోశలు వేసుకోవచ్చు
పెనం శుభ్రం లేకపోతే దోశలు అతుక్కుపోతాయి. తీయడానికి రాకుండా పిండి వృథా అవుతుంది. ఇక చపాతీలు, భక్ష్యాలు సక్రమంగా కాలవు. దీంతో వంటలు పాడవుతాయి.
చపాతీ, దోస చేసుకున్న తర్వాత పెనం చుట్టూ నల్లటి పొర పేరుకుపోతుంది. అది ఉంటే దోశలు, చపాతీలు సరిగ్గా కాలవు.
పెనం చక్కగా శుభ్రం చేయడానికి కేవలం ఒక టేబుల్ స్పూన్ గోధుమ పిండి చాలు. ఈ జిగట లేదా జిడ్డును తొలగించడానికి ముందుగా సబ్బును చిన్న ముక్కలుగా చేసి పాన్ మీద వేయండి. దానిపై గోధుమ పిండిని వేయండి.
సబ్బు, పిండి మిశ్రమాన్ని వేశాక 3 నిమిషాలు పాన్‌ను వేడి చేయాలి. అనంతరం నూనె వేయండి. జిగట, జిడ్డు మాయమయ్యే వరకు 2-3 నిమిషాలు వేడి చేసి సబ్బు, పిండి మిశ్రమాన్ని పాన్ చుట్టూ తిప్పాలి.
ఇలా చేయడం వల్ల నురుగు వచ్చి పెనంపై జిడ్డు పెనం నుంచి విడిపోతుంది. పెనంపై ఉన్న సబ్బు, పిండి మిశ్రమానికి కొంచెం నీరు వేయాలి. అనంతరం ఆ నీటిని పాన్ చుట్టూ తిప్పాలి.
కొన్ని నిమిషాలు అలాగే ఉంచిన అనంతరం మొత్తం జిడ్డు వదులుతుంది. అనంతరం పాన్‌ను సాధారణంగా మీరు కడిగే రీతిలో కడిగేసుకోవచ్చు.
ఐదు నిమిషాలు సమయం పట్టే ఈ చిట్కాతో మీ పెనం శుభ్రమవుతుంది. ఎంచక్కా దోశలు, చపాతీ, ఆమ్లెట్‌ వంటివి వేసుకోవచ్చు.
ఈ విధంగా చేయడం వలన గతంలో వండుకున్న ఆహార పదార్థాల వాసన కూడా రాదు.