ఉదయాన్నే ఈ ఉప్మా తింటే వ్యాయమం చేయకుండానే బరువు తగ్గుతారు..

జొన్న రవ్వ ఉప్మాలో శరీరానికి కావలసిన ఫైబర్ ఎక్కువ మోతాదులో ఉంటుంది. ఇది జీర్ణ క్రియను మెరుగుపరిచి శరీర బరువును నియంత్రించేందుకు కీలక పాత్ర పోషిస్తుంది.

అలాగే జొన్న ఉప్మాను తినడం వల్ల శరీరానికి తగిన మోతాదులో ఐరన్, మెగ్నీషియం లభిస్తాయి. దీని కారణంగా ఎముకలు దృఢంగా తయారవుతాయి.

జొన్న ఉప్మాను తినడం వల్ల అధిక రక్తపోటు, మధుమేహం కూడా నియంత్రణలో ఉంటుందని ఆరోగ్య నిపుణులు చెబుతున్నారు.

ముఖ్యంగా దీర్ఘకాలిక వ్యాధులతో బాధపడుతున్న వారు ప్రతి రోజు జొన్న ఉప్మాను తినడం వల్ల మంచి ఫలితాలు పొందుతారు.

జొన్న ఉప్మా తయారీకి కావలసిన పదార్థాలు: జొన్న రవ్వ - 1 కప్పు, ఉల్లిపాయ - 1 (తరిగినది), కరివేపాకు - 1 రెమ్మ, పచ్చి మిరపకాయలు - 2 (తరిగినవి)

కావలసిన పదార్థాలు: ఆవాలు - 1 టీస్పూన్, జీలకర్ర - 1 టీస్పూన్, పసుపు - 1/2 టీస్పూన్, మిరపకాయ పొడి - 1 టీస్పూన్, ఉప్పు - రుచికి సరిపడా, నూనె - 2 టేబుల్ స్పూన్లు, కొత్తిమీర - (అలంకరించడానికి)

తయారీ విధానం: ముందుగా ఈ ఉప్మా తయారు చేయడానికి పాన్ లో ఆయిల్ వేసుకొని బాగా వేడి చేసుకోవాలి.. ఆ తర్వాత ఇందులో ఆవాలు, జీలకర్ర వేసి వేయించాలి.

జీలకర్ర, ఆవాలు చిటపటలాడిన తర్వాత ఉల్లిపాయ వేసి బంగారు గోధుమ రంగు వచ్చేవరకు వేయించాలి.

కరివేపాకు, పచ్చి మిరపకాయలు వేసి వేయించాలి. ఆ తర్వాత ఇందులోనే జొన్న రవ్వ వేసి 2 నిమిషాలు వేయించాలి.

అవి బాగా వేగిన తర్వాత పసుపు, మిరపకాయ పొడి, ఉప్పు వేసి బాగా కలపాలి.

ఈ బౌల్ ను పక్కకు దింపి మరొకలాయి పెట్టుకుని అందులో రవ్వకు సరిపడా నీటిని పోసుకొని బాగా మరిగించుకోవాలి.

నీరు బాగా మరుగుతున్న సమయంలోనే పోపు పెట్టుకున్న రవ్వను ఇందులో వేసుకొని బాగా మిక్స్ చేసుకోవాలి.

ఈ రవ్వ మిశ్రమాన్ని మిక్స్ చేసుకునే క్రమంలో ఉండలు లేకుండా బాగా కలుపుకుంటూ.. మూత పెట్టి ఉప్మా తయారయ్యే అంతవరకు బాగా ఉడికించుకోవాలి.