వెజిటేబుల్స్ తో ఎంతో రుచికరమైన దోస నిమిషాలలో చేసుకోవచ్చని మీకు తెలుసా.. మరెందుకు ఆలస్యం ఒకసారి చూద్దాం పదండి..
ముందుగా ఒక గిన్నెలో ఒక తురిమిన బంగాళాదుంప, ఒక కప్పు గోధుమపిండి, ¼ కప్పు రవ్వ.. తీసుకోవాలి
ఆ తరువాత రుచికి సరిపడా ఉప్పు వేసుకొని.. నీళ్లు పోసుకుని ఉండలు లేకుండా కలుపుకోవాలి.
ఆ పిన్నిని అలానే 20 నిమిషాల పాటు నానబెట్టుకోవాలి.
అందులో తురిమిన ఉల్లిపాయ, క్యారెట్.. కొద్దిగా కరివేపాకు, పచ్చిమిర్చి, కొత్తిమీర, జీలకర్ర, మిరియాలు పొడి వేసుకొని దోస పిండిలా కలుపుకోవాలి
పిండి చిక్కగా ఉంటేనే దోస వస్తుంది. కాబట్టి అవసరానికి మించి నీరు కలపకండి.
ఆ తరువాత స్టవ్ పైన ఓ నాన్ స్టిక్ పాన్ పెట్టుకుని.. వేడి అయ్యాక ముందుగా కలుపుకున్న దోస పిండిని దోస లా వేసుకోండి.
అంతే ఎంతో రుచికరమైన వెజిటేబుల్ గోధుమపిండి దోశ రెడీ..