ప్రపంచంలోనే అతి భారీ పాము ...The Green Anaconda

గ్రీన్ అనకొండ పాము జాతుల్లో ప్రపంచంలోనే అతి పెద్దది. ఈ భారీ సరీసృపం గురించి ఎవరికీ తెలియని ఆసక్తికర అంశాలు

పరిమాణం

గ్రీన్ అనకొండ పాముల్లో అత్యంత భారీ జీవి. వీటిలో ఆడ పాములు 20 అడుగుల పొడుగు ఉంటాయి. బరువు దాదాపుగా 90.72 కిలోలు ఉంటాయి. ఇక మగ పామలు అయితే 10-14 అడుగుల పొడుగు ఉంటాయి.

ఎక్కడ ఉంటాయి

ఇవి దక్షణ అమెరికాకు చెందినవి. అమెజాన్ అడవుల్లో ఎక్కువగా కన్పిస్తాయి. ఇంకా ఫ్రెష్ వాటర్ ప్రవహించే నదులు, జలపాతాల్లో కన్పిస్తాయి.

వీటి ఆహారం

గ్రీన్ అనకొండ ఎక్కువగా అక్వాటిక్ అయి ఉంటాయి. ఇవి చేపలు, పక్షులు, మామ్మల్స్, కైమాన్స్‌ను తింటాయి. ఇవి వేటాడే ముందు భారీ కాయం ద్వారా చుట్టుముట్టి ఊపిరాడకుండా చేస్తాయి.

పునరుత్పత్తి

గ్రీన్ అనకొండలు నేరుగా పాములకే జన్మనిస్తాయి. వీటీని ఓవోవివిపారస్‌గా పిలుస్తారు. ఒకేసారి 40-50 పిల్లలకు జన్మనిస్తాయి. ఇవి పుట్టగానే తమకు తాము జీవించగలిగే స్థితిలో ఉంటాయి

ఎక్కడ పడితే అక్కడ ఉంటాయా

నివాస ప్రాంతాలు కోల్పోవడం, చర్మం కోసం వీటిని వేటాడటం, మనుషుల ఆక్రమణల కారణంగా ఉనికి కోల్పోయే ప్రమాదముంది. వీటి సంరక్షణకు ప్రత్యేక ఏర్పాట్లు తీసుకుంటున్నారు

అవాస్తవాలు

భారీ పరిమాణంలో ఉండటంతో వీటి గురించి చాలా అవాస్తవాలు ప్రచారంలో ఉన్నాయి. ముఖ్యంగా కధలు ఎక్కువగా ఉన్నాయి. ఇవి సహజంగా మనుషులకు దూరంగా ఉంటాయి.