ଭାରତ ଓ ନ୍ୟୁଜିଲ୍ୟାଣ୍ଡ ମଧ୍ୟରେ ପ୍ରଥମ ଟି-20 ହେବ 'ସ୍ପେଶାଲ', ଦେଖିବାକୁ ମିଳିବ ୩ଟି ବଡ଼ ଡେବ୍ୟୁ

ନୂଆଦିଲ୍ଲୀ: India Vs New Zealand T-20 Series: ଭାରତ ଓ ନ୍ୟୁଜିଲ୍ୟାଣ୍ଡ ମଧ୍ୟରେ ଟି-20 ସିରିଜର ପ୍ରଥମ ମ୍ୟାଚ୍ ନଭେମ୍ବର ୧୭ରେ ଖେଳାଯିବ । ଏହି ମ୍ୟାଚ୍ ମାଧ୍ୟମରେ ଜୟପୁରର ସୱାଇ ମାନସିଂହ ଷ୍ଟାଡିୟମରେ ୮ ବର୍ଷ ପରେ କ୍ରିକେଟ୍ ଫେରିବ । କିନ୍ତୁ ଏହି ମ୍ୟାଚ୍ ଗୁରୁତ୍ୱପୂର୍ଣ୍ଣ ହେବାର ଏହା ଏକମାତ୍ର କାରଣ ହେବ ନାହିଁ । ଏହି ମ୍ୟାଚରେ ୩ଟି ବଡ଼ ଡେବ୍ୟୁ ଦେଖିବା ସହ ସ୍ପେଶାଲ ହେବାକୁ ଯାଉଛି ।

ନଭେମ୍ବର ୧୭ରେ ଭାରତ-ନ୍ୟୁଜିଲ୍ୟାଣ୍ଡ ମ୍ୟାଚ (IND Vs NZ Match) ମାଧ୍ୟମରେ ଜୟପୁରର ସୱାଇ ମାନସିଂହ ଷ୍ଟାଡିୟମରେ ଟି-20 ଅନ୍ତର୍ଜାତୀୟ ମ୍ୟାଚର ଡେବ୍ୟୁ ହେବ । ଅର୍ଥାତ ଏହି ଗ୍ରାଉଣ୍ଡରେ ଖେଳାଯିବାକୁ ଥିବା ଏହା ପ୍ରଥମ T20 ମ୍ୟାଚ୍ ହେବ । ଭାରତୀୟ ଦଳ ପୂର୍ବରୁ ସୱାଇ ମାନସିଂହ ଷ୍ଟାଡିୟମରେ ୧୩ଟି ଅନ୍ତର୍ଜାତୀୟ ମ୍ୟାଚ୍ ଖେଳିଛି, ଯେଉଁଥିରେ ୧୨ଟି ODI ଓ ଗୋଟିଏ ଟେଷ୍ଟ ମ୍ୟାଚ୍ ସାମିଲ ଅଛି । ଏହି ୧୩ଟି ମ୍ୟାଚରେ ଭାରତର ରେକର୍ଡ ଏହି ଗ୍ରାଉଣ୍ଡରେ ଚମତ୍କାର ରହିଛି । ଏହି ୧୨ଟି ODI ମଧ୍ୟରୁ ୮ଟି ଜିତିଥିବାବେଳେ ଏଠାରେ ଖେଳାଯାଇଥିବା ଏକମାତ୍ର ଟେଷ୍ଟ ଡ୍ରରେ ଶେଷ ହୋଇଛି । ଅବଶ୍ୟ, ଏସବୁ ୮ ବର୍ଷ ପୂର୍ବେ ଘଟିଥିଲା । ଏଥର କ୍ରିକେଟର ଫର୍ମାଟ୍ ନୂଆ ଓ ଉଭୟ ଦଳ ମଧ୍ୟ ବହୁତ ପରିବର୍ତ୍ତନ କରିଛି । ତେଣୁ, ବିଜୟ ପାଇଁ ଲଢ଼େଇ ଜୋରଦାର ହୋଇପାରେ ।

ଜୟପୁରରେ ଖେଳାଯିବାକୁ ଥିବା ଭାରତ-ନ୍ୟୁଜିଲ୍ୟାଣ୍ଡର ପ୍ରଥମ ଟି-20 ମ୍ୟାଚ୍ ମାଧ୍ୟମରେ ରାହୁଲ ଦ୍ରାବିଡ ମଧ୍ୟ ହେଡ୍ କୋଚ୍ (Team India Head Coach Rahul Dravid) ଭାବରେ ଟିମ୍ ଇଣ୍ଡିଆ ପାଇଁ ଅଫିସିଆଲ୍ ଡେବ୍ୟୁ କରିବେ । ଏହି ପଦରେ ସେ ରବି ଶାସ୍ତ୍ରୀ (Ravi Shastri) ଙ୍କ ସ୍ଥାନ ନେଇଛନ୍ତି, ଯାହାଙ୍କ କାର୍ଯ୍ୟକାଳ ଟି-୨୦ ବିଶ୍ୱକପ ୨୦୨୧ରେ ଭାରତୀୟ ଦଳର ଯାତ୍ରା ସମାପ୍ତି ହେବା ମାତ୍ରେ ଶେଷ ହୋଇଯାଇଛି ।

ନ୍ୟୁଜିଲାଣ୍ଡ ବିପକ୍ଷ ଟି-20 ସିରିଜରେ ରୋହିତ ଶର୍ମା (Rohit Sharma) ଙ୍କୁ ଭାରତର ପୂର୍ଣ୍ଣକାଳୀନ ଟି-20 ଅନ୍ତର୍ଜାତୀୟ ଅଧିନାୟକ କରାଯାଇଛି । ବିରାଟ କୋହଲି (Virat Kohli) ପଦ ଛାଡିବା ପରେ ତାଙ୍କୁ ଏହି ଦାୟିତ୍ୱ ମିଳିଛି । ଏଭଳି ପରିସ୍ଥିତିରେ ନଭେମ୍ବର ୧୭ରେ ଖେଳାଯିବାକୁ ଥିବା ଭାରତ-ନ୍ୟୁଜିଲ୍ୟାଣ୍ଡ ଟି-20 ମ୍ୟାଚ ମଧ୍ୟ ପୂର୍ଣ୍ଣକାଳୀନ ଟି-20 ଅନ୍ତର୍ଜାତୀୟ ଅଧିନାୟକ ହୋଇଥିବା ରୋହିତ ଶର୍ମାଙ୍କ ପ୍ରଥମ ଟି-20 ମ୍ୟାଚ ହେବ । ଅର୍ଥାତ୍ ଏହି ମ୍ୟାଚ୍ ତାଙ୍କର ସମ୍ପୂର୍ଣ୍ଣ ଫ୍ଲେଞ୍ଜ୍ ଟି-20 ଅଧିନାୟକତ୍ୱ କ୍ୟାରିୟରର ଡେବ୍ୟୁ ହେବ ।