କମ୍ ଲୁଣ ଖାଇବା ସ୍ୱାସ୍ଥ୍ୟ ପାଇଁ ହାନିକାରକ, ହୋଇପାରନ୍ତି ଏହି ରୋଗର ଶିକାର

କମ୍ ଲୁଣ ଖାଇବା ଦ୍ୱାରା ଆପଣ ନିମ୍ନ ରକ୍ତଚାପର ସମସ୍ୟାରେ ସମ୍ମୁଖୀନ ହୋଇପାରନ୍ତି । ରକ୍ତରେ ସୋଡିୟମର ମାତ୍ରା କମ୍ ଯୋଗୁଁ ହାଇପୋନାଟ୍ରେମିଆର ଅବସ୍ଥା ସୃଷ୍ଟି ହୁଏ ।

ନୂଆଦିଲ୍ଲୀ: କେବଳ ଅଧିକ ଲୁଣ (Salt) ଖାଇଲେ ନୁହେଁ ବରଂ କମ ଲୁଣ ଖାଇବା ଆପଣଙ୍କ ସ୍ୱାସ୍ଥ୍ୟ ପାଇଁ ମଧ୍ୟ ବହୁତ କ୍ଷତିକାରକ ହୋଇଥାଏ । ଅନେକ ଥର ଆପଣ ଅଧିକ ଲୁଣ ଖାଇବା ଠାରୁ ଦୂରେଇ ରହିବା ଆବଶ୍ୟକଠାରୁ କମ୍ ଲୁଣ ଖାଇବା ଆରମ୍ଭ କରନ୍ତି । ଲୁଣ ହେଉଛି ଆୟୋଡିନର ମୁଖ୍ୟ ଉତ୍ସ ଓ ଯେତେବେଳେ ଆପଣଙ୍କ ଶରୀରରେ ପର୍ଯ୍ୟାପ୍ତ ପରିମାଣର ଆୟୋଡିନ୍ ନଥାଏ, ସେତବେଳେ ଆପଣଙ୍କ ସ୍ୱାସ୍ଥ୍ୟରେ ଅବନତି ହୋଇଥାଏ । ଲୁଣ ମଧ୍ୟ ସୋଡିୟମ୍ କ୍ଲୋରାଇଡର ଉତ୍ସ ଓ ଏହା ଇଲେକ୍ଟ୍ରୋଲାଇଟକୁ ସନ୍ତୁଳିତ କରେ ।

ଖରାପ କୋଲେଷ୍ଟ୍ରଲ
ଆମେରିକୀୟ ଜର୍ନାଲ୍ ଅଫ୍ ହୈପରଟସନରେ ପ୍ରକାଶିତ ଏକ ଗବେଷଣା ପତ୍ରିକା ଅନୁଯାୟୀ, କମ୍ ଲୁଣ ଖାଉଥିବା ଲୋକଙ୍କ ମଧ୍ୟରେ ରେନିନ, କୋଲେଷ୍ଟ୍ରଲ ଓ ଟ୍ରାଇଗ୍ଲାଇସରାଇଡ୍ ସ୍ତର ଅଧିକ ଥାଏ । କମ୍ ସୋଡିୟମ୍ ଡାଏଟ୍ ଯୋଗୁଁ ଖରାପ କୋଲେଷ୍ଟ୍ରଲ୍ ସ୍ତର ୪.୬% ଓ ଟ୍ରାଇଗ୍ଲାଇସେରାଇଡ୍ ସ୍ତର ୫.୯% ବୃଦ୍ଧି ପାଇଥାଏ  ।

ଅଧିକ ପଢ଼ନ୍ତୁ: PM Modi ଏହି ମାସରେ ଗସ୍ତ କରିପାରନ୍ତି ଆମେରିକା, ବାଇଡେନଙ୍କ ସହ ଚୀନ୍-ଆଫଗାନିସ୍ତାନକୁ ନେଇ କରିବେ ଆଲୋଚନା

ମଧୁମେହ
ଯଦି ଆପଣ କମ୍ ଲୁଣ ଖାଆନ୍ତି ତେବେ ଆପଣ ପର୍ଯ୍ୟାପ୍ତ ପରିମାଣର ସୋଡିୟମ୍ ଗ୍ରହଣ କରନ୍ତି ନାହିଁ ଓ ଏହି କାରଣରୁ ଆପଣ ଟାଇପ୍-୨ ମଧୁମେହର ଶିକାର ହୋଇପାରନ୍ତି । ପୁଷ୍ଟିକର ବିଶେଷଜ୍ଞଙ୍କ ଅନୁଯାୟୀ, ଯଦି ଆପଣ ଅଳ୍ପ ଲୁଣ ଖାଆନ୍ତି, ତେବେ ଏହା ଶରୀରରେ ଇନସୁଲିନ୍ ପ୍ରତିରୋଧର କ୍ଷମତା ବଢ଼ାଇଇଥାଏ । କୋଷଗୁଡ଼ିକ ହରମୋନ୍ ଇନସୁଲିନ୍ ର ସଙ୍କେତକୁ ସଠିକ୍ ଭାବରେ ପ୍ରତିକ୍ରିୟା କରନ୍ତି ନାହିଁ । ଏହା ରକ୍ତରେ ଶର୍କରା ସ୍ତରକୁ ବଢ଼ାଇଥାଏ ।

ହାର୍ଭାର୍ଡ ବିଶ୍ୱବିଦ୍ୟାଳୟରେ ୨୦୧୦ ମସିହାରେ କରାଯାଇଥିବା ଏକ ଗବେଷଣା ଅନୁଯାୟୀ, ଲୁଣର ଅଭାବ ଇନସୁଲିନ୍ ସମ୍ବେଦନଶୀଳତା ଉପରେ ସିଧାସଳଖ ପ୍ରଭାବ ପକାଇଥାଏ । ଗବେଷଣାରୁ ଜଣାପଡିଛି ଯେ ଟାଇପ୍-୧ ଓ ଟାଇପ୍-୨ ମଧୁମେହ ରୋଗୀଙ୍କର କମ୍ ସୋଡିୟମ୍ ଖାଦ୍ୟରୁ ମୃତ୍ୟୁ ହେବାର ଆଶଙ୍କା ରହିପାରେ ।

ଅଧିକ ପଢ଼ନ୍ତୁ: ହାରିଗଲା ପଞ୍ଜଶୀର! ବର୍ତ୍ତମାନ ସମଗ୍ର ଆଫଗାନିସ୍ତାନକୁ କବଜା କଲା ତାଲିବାନ - ରିପୋର୍ଟ

ହାଇପୋଥାଇରଏଡିଜିମ୍ ସମସ୍ୟା
ଆୟୋଡିନ୍ ଅଭାବରେ ଥାଇରଏଡ୍ ଗ୍ରନ୍ଥି ସଠିକ୍ ଭାବରେ କାମ କରେ ନାହିଁ । ଯଦି ଆପଣ ଅତ୍ୟଧିକ ଲୁଣ ଖାଆନ୍ତି, ତେବେ ଆପଣଙ୍କର ହାଇପୋଥାଇରଏଡିଜିମ୍ ମଧ୍ୟ ହୋଇପାରେ ।ଆୟୋଡାଇଜଡ୍ ଲୁଣ ଶରୀରରେ ଭଲ କୋଲେଷ୍ଟ୍ରୋଲ୍ ମଧ୍ୟ ବଢ଼ାଇଥାଏ ।

ମସ୍ତିଷ୍କ ଫୁଲା
କମ୍ ଲୁଣ ଖାଇବା ଦ୍ୱାରା ଆପଣ ନିମ୍ନ ରକ୍ତଚାପର ସମସ୍ୟା ସମ୍ମୁଖୀନ ହୋଇପାରନ୍ତି । ରକ୍ତରେ ସୋଡିୟମର ମାତ୍ରା କମ୍ ଯୋଗୁଁ ହାଇପୋନାଟ୍ରେମିଆର ଅବସ୍ଥା ସୃଷ୍ଟି ହୁଏ । ଏହାର ଲକ୍ଷଣ ଡିହାଇଡ୍ରେସନ୍ ପରି ହୋଇପାରେ । ଯଦି ଏହି ସମସ୍ୟା ଅଧିକ ଗମ୍ଭୀର ହୁଏ, ତେବେ ମସ୍ତିଷ୍କରେ ଫୁଲିଯିବା, ମୁଣ୍ଡବିନ୍ଧା ଓ ସ୍ୱିଜର୍ସ ହେବାର ଆଶଙ୍କା ମଧ୍ୟ ଥାଏ ।

ଅଧିକ ପଢ଼ନ୍ତୁ: T20 World Cup: ୭ ସେପ୍ଟେମ୍ବରରେ ହେବ ଟିମ୍ ଇଣ୍ଡିଆର ଘୋଷଣା, ଶ'ଙ୍କ ସମେତ ୩ ଜଣ ଖେଳାଳି ରହିବେ ରିଜର୍ଭ!

ଆପଣ ପ୍ରତିଦିନ କେତେ ଲୁଣ ଖାଇବା ଉଚିତ୍?
ନିର୍ଦ୍ଦିଷ୍ଟ ପରିମାଣରେ ଲୁଣ ଖାଇବା ସ୍ୱାସ୍ଥ୍ୟ ପାଇଁ ଭଲ ଅଟେ । ଏହାକୁ ଅଧିକ ଅଳ୍ପ କିମ୍ବା ଅଧିକ ଖାଆନ୍ତୁ ନାହିଁ । ଅତ୍ୟଧିକ ଲୁଣ ଅର୍ଥାତ୍ ଅଧିକ ପରିମାଣର ସୋଡିୟମ୍ ଖାଇବା ଦ୍ୱାରା ଉଚ୍ଚ ରକ୍ତଚାପ ହୋଇପାରେ । ନ୍ୟାସନାଲ୍ ଏକାଡେମୀ ଅଫ୍ ମେଡିସିନ୍ ଅନୁଯାୟୀ ପ୍ରତିଦିନ ୨,୩୦୦ ମିଲିଗ୍ରାମରୁ କମ୍ ଲୁଣ ଖାଆନ୍ତୁ ।