କେନ୍ଦ୍ର କର୍ମଚାରୀଙ୍କ ଦରମା-ପେନସନ୍-ମହଙ୍ଗା ଭତ୍ତା ସବୁ ଏପରି ହୁଏ ସ୍ଥିର, ଜାଣନ୍ତୁ ନିୟମ

ନୂଆଦିଲ୍ଲୀ: 7th Pay Commission, 7th CPC Latest News, Central Government Employees: ଯଦି ଆପଣ କିମ୍ବା ଆପଣଙ୍କ ଘରର କେହି କେନ୍ଦ୍ର କର୍ମଚାରୀ (Central Government Employees) ଅଛନ୍ତି, ତେବେ ଆପଣ ସପ୍ତମ ବେତନ ଆୟୋଗ (7th Pay Commission) ସମ୍ବନ୍ଧୀୟ ଖବର ପ୍ରାୟତଃ ଶୁଣିଥିବେ କିମ୍ବା ପଢ଼ିଥିବେ । ଏହା ବ୍ୟତୀତ ବେସରକାରୀ କ୍ଷେତ୍ର ସମେତ ଅନ୍ୟ ରାଜ୍ୟ କର୍ମଚାରୀ ମଧ୍ୟ ସପ୍ତମ ବେତନ ଆୟୋଗ (7th Pay Commission) ବିଷୟରେ ଶୁଣିବାକୁ ପାଉଥିବେ ।

ଅଧିକ ପଢ଼ନ୍ତୁ:-ନୀତିଶ କୁମାରଙ୍କ ବଡ ବୟାନ, କହିଲେ- ମୋତେ ମୁଖ୍ୟମନ୍ତ୍ରୀ ରହିବାର ନାହିଁ, ଯାହାକୁ ଚାହୁଁଛି ତାଙ୍କୁ ସିଏମ କରୁ ଏନଡିଏ

ଆପଣଙ୍କୁ କହି ରଖୁଛୁ ଯେ ୨୦୧୪ରେ ସପ୍ତମ ବେତନ ଆୟୋଗ ଗଠନ କରାଯାଇଥିଲା । ଏହାର ମୁଖ୍ୟ ଉଦ୍ଦେଶ୍ୟ ଥିଲା ସମସ୍ତ କେନ୍ଦ୍ର କର୍ମଚାରୀଙ୍କ ଦରମା, ଭତ୍ତା, ପେନ୍ସନ୍ ଏବଂ ପଦବୀ ଇତ୍ୟାଦିର ଏକ ସୁଦୃଢ଼ ବ୍ୟବସ୍ଥା ଠିକ୍ କରିବା । ଗଠନ ପରେ ଆୟୋଗର ସଦସ୍ୟମାନେ ସମସ୍ତ ପକ୍ଷଙ୍କୁ ଭେଟି ସେମାନଙ୍କ ମତାମତ ଶୁଣିଥିଲେ ଏବଂ ବୁଝିଥିଲେ । ଏହି ପ୍ରକ୍ରିୟାରେ ପ୍ରବେଶ ସ୍ତରର କର୍ମଚାରୀଙ୍କ ପାଇଁ ବେତନ ମାପକାଠି ସ୍ଥିର କରିବା, ବର୍ତ୍ତମାନର ବେତନକୁ ଅଧିକ ଯୁକ୍ତିଯୁକ୍ତ କରିବା ଏବଂ ବେତନ ସଂରଚନାକୁ ଟ୍ରାନ୍ସପେରେଣ୍ଟ କରିବା ଆଦି ଦାବି ସାମ୍ନାକୁ ଆସିଥିଲା । ସପ୍ତମ ବେତନ ଆୟୋଗ, ସେହି ସମୟରେ ଦେଇଥିବା ସୁପାରିଶରେ ନୂତନ ପ୍ରବେଶ ସ୍ତରର ସରକାରୀ କର୍ମଚାରୀଙ୍କ ସର୍ବନିମ୍ନ ଦରମା ୭,୦୦୦ରୁ ୧୮,୦୦୦ ଟଙ୍କା ସ୍ଥିର କରାଯାଇଥିଲା । ଏହା ସହିତ ନୂତନ ଭାବେ ନିଯୁକ୍ତ କ୍ଲାସ-ୱନ ଅଧିକାରୀଙ୍କ ପାଇଁ ସର୍ବନିମ୍ନ ଦରମା ସୀମା ମଧ୍ୟ ୫୬ ହଜାର ୧୦୦ ଟଙ୍କା ସ୍ଥିର କରାଯାଇଥିଲା । କେବଳ ଏତିକି ନୁହେଁ ସରକାରୀ କର୍ମଚାରୀଙ୍କ ସର୍ବାଧିକ ବେତନକୁ ୨.୫ ଲକ୍ଷ ଟଙ୍କାକୁ ବୃଦ୍ଧି କରିବାକୁ ଆୟୋଗ ମଧ୍ୟ ପ୍ରସ୍ତାବ ଦେଇଥିଲା ।

ଅଧିକ ପଢ଼ନ୍ତୁ:-୨୦୨୦ରେ କୋରୋନା କରିଛି ତାଣ୍ଡବ, ଏବେ ମାଡ଼ି ଆସୁଛି ଏହି ବିପଦ, ଚେତାବନୀ ଜାରି କଲା WHO

ପେ ମ୍ୟାଟ୍ରିକ୍ସ ପରେ ଏହି ପରିବର୍ତ୍ତନଗୁଡିକ ଆସିଥିଲା

ପରବର୍ତ୍ତୀ ସମୟରେ ଆୟୋଗ ଗ୍ରେଡ୍ ପେ ଗଠନ ସହିତ ଜଡିତ କିଛି ସମସ୍ୟାକୁ ଦୃଷ୍ଟିରେ ରଖି ପେ-ମ୍ୟାଟ୍ରିକ୍ସକୁ ମଧ୍ୟ ସୁପାରିଶ କରିଥିଲା । ଏହା ପରେ ହିଁ ନିଷ୍ପତ୍ତି ନିଆଗଲା ଯେ ସପ୍ତମ ବେତନ ଆୟୋଗ କାର୍ଯ୍ୟକାରୀ ହେବା ପରେ ହିଁ କେନ୍ଦ୍ରର କର୍ମଚାରୀଙ୍କ ସ୍ଥିତି ବର୍ତ୍ତମାନ ଗ୍ରେଡ୍ ପେ ବଦଳରେ ପେ-ମ୍ୟାଟ୍ରିକ୍ସରୁ ସ୍ଥିର ହୋଇଛି । ଆୟୋଗ ଅନେକ ଜିନିଷକୁ ଧ୍ୟାନରେ ରଖି ନୂତନ 'ପେ ମ୍ୟାଟ୍ରିକ୍ସ' (Pay Matrix) ଘୋଷଣା କରିଛି । ଏହି ପ୍ରକ୍ରିୟା ଅଧୀନରେ ଗ୍ରେଡ୍ ପେକୁ ଗୋଟିଏରେ ହିଁ ଯୋଗ କରି ବିଲୟ କରିଦିଆଯାଇଛି । ବର୍ତ୍ତମାନ କର୍ମଚାରୀମାନେ ସେମାନଙ୍କର ବେତନ ସ୍ତର ଜାଣିପାରିବେ । ଭବିଷ୍ୟତର ବୃଦ୍ଧି ବିଷୟରେ ସେମାନେ ସୂଚନା ମଧ୍ୟ ପାଇପାରିବେ ।

ଅଧିକ ପଢ଼ନ୍ତୁ:-୬ ଜେଡିୟୁ ବିଧାୟକଙ୍କୁ ଦଳରେ ମିଶାଇବା ବିହାରରେ ବିଜେପିକୁ ପଡ଼ିବ ମହଙ୍ଗା?

ଜାଣନ୍ତୁ ଏହି ନୂତନ 'ପେ ମ୍ୟାଟ୍ରିକ୍ସ'ର ଗୁରୁତ୍ୱପୂର୍ଣ୍ଣ କଥା

ନୂତନ ପେ ମ୍ୟାଟ୍ରିକ୍ସର ସବୁଠାରୁ ବଡ ବୈଶିଷ୍ଟ୍ୟ ହେଉଛି ନୂତନ କର୍ମଚାରୀମାନେ ମଧ୍ୟ ସେମାନଙ୍କର ସେବା ଆରମ୍ଭରୁ ସମଗ୍ର କାର୍ଯ୍ୟକାଳ ମଧ୍ୟରେ ଅଗ୍ରଗତିର ଅଗ୍ରୀମ ମୂଲ୍ୟାଙ୍କନ କରିବାକୁ ସକ୍ଷମ ହେବେ । ଆୟୋଗ ସୁପାରିଶରେ ଏହା ମଧ୍ୟ କହିଛନ୍ତି ଯେ କୌଣସି କର୍ମଚାରୀଙ୍କ ଅଗ୍ରଗତି ବାଧାପ୍ରାପ୍ତ ହେବ ନାହିଁ ଏବଂ ଯୋଗ୍ୟତା ଆଧାରରେ ଆଗକୁ ବଢ଼ିବା ପାଇଁ ଏହା ଭଲ ସୁଯୋଗ ଦେବ । ଏହି ସୁପାରିଶଗୁଡିକ ଅନୁଯାୟୀ, ବିଭିନ୍ନ ଗ୍ରେଡ୍ ଦରମା ବ୍ୟତୀତ ସମସ୍ତ ଗ୍ରେଡ୍ ପେ ସମାନ ପେ-ମ୍ୟାଟ୍ରିକ୍ସରେ ସାମିଲ କରାଯାଇଛି । ଉଦାହରଣ ସ୍ୱରୂପ, ବେସାମରିକ କର୍ମଚାରୀ, ସୁରକ୍ଷା ବାହିନୀ ଏବଂ ସାମରିକ ନର୍ସିଂ ସେବା MNS ପାଇଁ ପୃଥକ ପେ ମ୍ୟାଟ୍ରିକ୍ସ ଡିଜାଇନ୍ କରାଯାଇଛି । ଆୟୋଗର ସୁପାରିଶ ଅନୁଯାୟୀ, ଏହି ସଂରଚନାକୁ ଏପରି ଭାବରେ ଡିଜାଇନ୍ କରାଯାଇଛି ଯେ ପ୍ରତ୍ୟେକ କର୍ମଚାରୀ ପ୍ରସ୍ତାବିତ ମାଟ୍ରିକ୍ସରେ ନିଜର ସ୍ଥାନ ଖୋଜି ପାଇପାରିବେ ।